كل ما يخص الشهر العقارى

[roaahim]

السلام عليكم يااخى انا قدامى عربية ماروتى بس رخصتها منتهية من شهر 10 2008 والفحص ميعاده 10 2010 المهم هو كان معاه شهادات بيانات وعمل محضر بفقدانها وورانى المحضر انها ضاعت منه فانا خايف الايكون باعها قبل كدة لحد والا انت اية رايك يااخى وهل فالشهر العقارى يقدروا يعرفوا انه بيعها قبل كدة والالا ولك جزيل الشكر وسؤال تانى يااخى ممكن ما يكنش لك معرفة بية هى شهادات البيانات دى بتطلع من المرور من غير مايدفع ضرايب وتامين العربية فالفترة السابقة والا عادى ممكن يطلعوها كدة وشكرا

[ايمن عبدالحميد]

اخ محمد ارجو الافادة عن رسم تسجيل لادا روسى 2003 علما بأن ذلك سيكون بإذن الله ان احيانا ربنا فى 9/2011 مع تحياتى

[ايمن عبدالحميد]

المشاركة الأصلية كتبت بواسطة CARDIO "بس الراجل في الشهر العقاري قالي طالما بيع للنفس حتمضي بايع ومشتري.. كده العقد يسقط بعد شهر ولا ايه علشان مضيت مشترى ولا عادي طالما معايا التوكيل والعقد الموثق شهر عقاري مسموح لي باي وقت انقل ملكية" يا ريت يا جماعه حد يوضح النقطه علشان مقلقه فعلا...و شكرا

لم يكن من حق الموظف ان يجعلك توقع كمشترى كان التوقيع بصفتك كبائع فقط ولا توقع مشترى ، وبالفعل كدة العقد سقط هتدفع تلت ضريبة زيادة فى المرور واحب اطمنك ان كلمة العقد سقط لا تعنى انة غير فعال كل المقصود سقط حقك فى الترخيص بالضريبة العادية بدون غرامة اضافية لكن العقد صحيح وناقل للملكية رغم انف وزارة الداخلية، اما بالنسبة للفحص فحضرتك لازم تفحص لأن نقل الملكية بيترتب علية فحص فى كل الاحوال ودة كويس ليك لأنك هتفحص باسمك وهتاخد 3 سنيين للفحص القادم

[ايمن عبدالحميد]

المشاركة الأصلية كتبت بواسطة CARDIO السلام عليكم و رحمته وبركاته انا خبرتى زيرو فى العربيات و عندى شويه اسئله لو سمحت علشان انا خايفه يتنصب عليه و الناس ما بقاش عندها ضميرللاسف 1دلوقتى انا لو حشترى عربيه من حد ايه الاوراق اللى لازم اخدها منهو اخد بالى لا ينصب عليه فى ايه؟ 2 رجاء توضيح الفرق بين نقل الملكيه و التوكيل و الترخيص ؟و بناء عليه انهى احسن اعمل عقد و اللا اخد توكيل؟ جزاكم الله عنى خيرا

رجاء توضيح الفرق بين نقل الملكيه و التوكيل و الترخيص ؟و بناء عليه انهى احسن اعمل عقد و اللا اخد توكيل؟

نقل الملكية : هو تغيير اسم مالك السيارة فة الرخصة الى اسم شخص اخر بموجب عقد مسجل
التوكيل : هو منح شخص اخر غير المالك حق فى شىء معين كإدارة شئون السارة او نقل ملكيتها لنفسة وللغير او اى شىء اخر
الترخيص : هو تجديد رخصة السيارة المنتهية رخصتها
اما بالنسبة لسؤالك عقد ولا توكيل افضل فالاستاذ محمد الصعيدى تفضل بالرد وباختصار لو الرخصة مدتها طويلة يبقى توكيل علشان تستفيد بالمدة ولو قصيرة تنقل ملكية بالعقد
واى خدمة

[batigol19]

السلام عليكم

يا جماعة,,,هو الرسوم والضرايب للعربية بي ام دبليو 320i و318i بكام؟

وشكراً.