|
#1
10-12-2013, 12:50 PM
|
|||
|
|||
الحمد لله اشتريت لانوس
بعد معاناه من البحث والحيره بين العربيات والمستعمل والقديم الحمد لله اشتريت لانوس 2013 جديده نظرا لقلة خبرتى اخدت معايا صديق لاستلام السيارة واشترتها من معرض الصفا والمرة بالشرقية وهم ناس محترمه جدا واخترتها من عربيتين تقريبا العيوب واحدة فى كل العربيات عيوب تقفيل وفواص غير متساوية وخصوصا بين الشنطه والفوانيس الخلفيه وعند سؤالهم عن هذه العيوب قالو ان التقفيل المصرى كده
المهم جبت العربية وهى معايا من اربع شهور وهى عربيه جميله ومريحة بالنسبه لى وممكن انها تختلف من واحد للتانى اما عيوب هذه السيارة عن تجربتى انها مثل كل السيارات الجديدة واطيه بتحك فى المطبات وهى محمله مهما حاولت ان تاخد المطب بنحيه هتحك هتحك والبوهيه رديئه لدرجة ان الفوطه الناشفه بتعلم عليها انا ريحت دماغى وفيمتها كلها لان كل يوم الاقى فيها خرابيش استهلاك البنزين 10 لتر واحيانا اكتر لكل 100 كيلو للسير فى الطرق بسرعه اقل من 100 كيلو طبعا العربيه لسا جديده معايا ومشفتش منها عيوب لانى مشيت بيها 1400 كيلو فقط الفرش فرو والدواسات موكيت وهو للاسف صعب التنظيف من التراب وقمت بكسوة الكراسى وبافكر اعمل الارضيه جلد للعربيه كلها علشان اروق دماغى راديو بمشغل اسطوانات ردى لانه يعمل بدون اريل وكل لما تلف بالعربيه الصوت يروح وجبت الامبسرى بتاع الولاعه وبردو الصوت زفت صوت الماتور عالى شويه المميزات عربيه مريحة وواسعه نوعا ما واعتقد السبب صغر حجم التابلوه وبساطتته وصغر حجم الكراسى تكييف جيد مش هتشغله اكتر من رقم 2 يخلى العربيه تلاجة عزل جيد نوعا ما تقفل القزاز متسمعش الدوشه الى بره شنطه واسعه بها كماليات جيده بالنسبه لسعرها فرامل جيده وطبعا انا مبامشيش اكتر من 100 كيلو اما السحب فهى بطيئه شويه وانا حابب كده علشان مبحبش السرعه غير ان الطرق عندنا متساعدش فى الجرى وكلها مطبات والله الموفق والمستعان 
|
|
#2
10-12-2013, 09:42 PM
|
||||
|
||||
|
رد: الحمد لله اشتريت لانوس
الف الف الف مبروك
انا بحب العربية اللانوس جدا متنساش عشان العربية متتخبطش تقول دعاء الركوب و الادعية الحافظة و بعد ما تركنها تستودعها الله طبعا بعد ما تاخد بالاسباب من سواقة متزنة و احتياطات ضد السرقة
__________________
سبحانك لا علم لنا الا ما علمتنا
|
|
#3
11-12-2013, 07:44 PM
|
|||
|
|||
رد: الحمد لله اشتريت لانوس
|
 |
|
|
و أصبحت 
