#1
|
|||
|
|||
لو بدور على لانوس استعمال , اخد بالى من ايه ؟؟؟
السلام عليكم ورحمه الله
انا بدور على لانوس استعمال وكنت عاوز اسال ادور على ايه فى العربيه علشان ما اتفحتش فى تغييرات بعد ما اشتريها مع العلم ان هايكون معايا سمكرى
__________________
سيارتى:كيا برايد هاتش باك 1300cc مانيوال1999 كاربراتير. محل الاقامه : الاسماعيليه. الهوايات : الصيد بالبنادق الهوائيه وصيد الاسماك . الخبرات : كل ما يتعلق بالحاسب الالى (ما عدا الشبكات) تصميم واداره قواعد البيانات التحليل المالى للشركات حاليا : فهم كل ما يتعلق بعالم السيارات. |
#2
|
|||
|
|||
رد: لو بدور على لانوس استعمال , اخد بالى من ايه ؟؟؟
يص حضرتك حسب خبرتى المتواضعه
المهم شاسيه العربيه يكون سليم ...القلب من جوة ....فيه عربيات كتير بيكون مخبوط من قدام خفيف كده من عند الفوانيس مش بتاثر على حاجه المهم الشاسيه تمام والقاواعد تمام ثانى حاجه صوت الماتور وعامل كام كيلو علشان مش تدبس فى ماتور تانى استيراد وخلى بالك فيه سائل بيتحط مع زيت الماتور وقت البيع يخليلك صوت الماتور تمام اوى وجميل ودخانه كويس لازم يكون فيه ميكانيكى فاهم تالت حاجه سقف سليم علشان متكونش عربيه مقلوبه ولا حاجه واقعه عليه رابع حاجه عفشه العربيه معقوله وكاوتشات معقوله وشكل العربيه من بره مش متهان خامس حاجه العربيه من جوة برده متكونش متهانه وتابلوها سليم ....اى لانوس طبيعى بيكون فيه تكتكه فى التابلوة وانت ماشى بتظبطه انت بالمفك بتاعك المهم انه سليم مش مكسر خامس حاجه ودى كنت المفروض اقولها مع الماتور التكييف يكون كويس جدا وانت بتشغله كده حس بماتور العربيه كده فيه رعشه ولا تمام وربنا يكرمك بشىء كويس باذن الله |
#3
|
|||
|
|||
رد: لو بدور على لانوس استعمال , اخد بالى من ايه ؟؟؟
هذه المواصفات لا تجدها الا فى عربية زيرو و لو واحد عنده عربية بالمواصفات دية هيبعها ليه
|
#4
|
|||
|
|||
رد: لو بدور على لانوس استعمال , اخد بالى من ايه ؟؟؟
لو سمحت أنا معايا لانوس 2006 , و التكييف بيعمل رعشة فى الموتور , مش عارف ايه الحل
|
#5
|
|||
|
|||
رد: لو بدور على لانوس استعمال , اخد بالى من ايه ؟؟؟
اهم حاجه
دواخل فبريكه علي الاقل من الخارج السقف فبريكه والاحسن بالكامل تكون فابريكه بالكامل او رشه حزام نضافة والعداد بالكتير150الف
__________________
حــســـام الــســويــدي |
|
|