كـــيفية فحـــص سيارة نــيفا قبل الــشراء

[عبد الرحمن دهب]

االى راغبى شراء سيارة نيفا
كيف تفحص السيارة بنفسك
عزرا...المقالة صويلة نوعا ما
ولكن سوف توفر لك الكثير

كيف تطمئن لكفائة العربية نيفا كويس هنقسمهم 3 اجزاء
-1 الجسم الخارجي للعربية
-2 العفشة
-3 الموتور
-4 الكارونه
اوﻻً : الجسم الخارجي للسيارة -:
*بص للعربية من جميع الجهات كويس وشوف حالة الدهان في
العرية ايه . وطبعا مافيش عربيه نيفا موديل 80 مثﻼ مش هتكون
رشت بره اﻻ طبعا حاﻻت نادرة .. شوف البرومه الي في العربية
ومدي تأثيرها علي الصاج من برة ومن جوه .. وخد بالك دايما دايما
دايما بتﻼقي برومه تحت العتب بتاع العربية وفوق العجل بالظبط
وفي الدواسات بص بعينك كده او مد ايدك في الصاج من جوه
عشان تتاكد بعد كده قوم واقف جنب العربية وبص لجنابها وشوف
في اى فروق بين الباب و والرفرف من ورا او قدام وكلك سطح
العربية شوف اى تموجات غريبه مش طبيعيه في شكل جسم
العربية او كميات معجون بكثافة في مناطق معينه كده ودي تقيسها
بمغناطيس . ده بالنسبه للصاج وجسم العربية . بعد كده انزل تحت
العربية بنفسك او ارفعها هتﻼقي في قايمين ماسكين من اول
العربيه ﻻخرها بص يهم كويس اوي اوي او ودقق ﻻن عاده بيكون
فيهم شروخ وده مش كويس ابداًً لو ﻻقيت كدا سيبك منها علي
طول . وبالمرة بص علي عمود الكردان والفﻼنشه بتاعه لو في اى
تخبيط فيهم او مغير شيء فيهم جديد ومجموعه الفتيس كده من
اول كرسي النص وانت طالع اطمن عليها شوفها مثبته كويس وﻻ ﻻ
ناقصه حاجه وهزها بايدك كويس اوي وشوف اذا كان في تسييل
زيت من الفتيس كدا بالمرة وانت تحت العربية وبص في حوض
العربيه دايما دايما بتﻼقي شروخ كده من تحت علبه الدركسون في
الصاج كده اتاكد انها سليمه
ثانيا -العفشة -:
بص يا سيدي عفشه العربية دي حديد في حديد ﻻنها مصنوعه
للطرق الجبليه والوعرة لكن مافيش مانع انك تتاكد منها برضوا . روح
لوش العربية من قدام واضغط عليها كويس وشوف مدي العربية مت
بتروح وتيجي معاكي وهل في صوت او ﻻ الناحية الي بتنزل معاك
بسهوله عن التانيه دي تبقي عفشتها حالتها مش اوي يعني ودي
بتيجي بالممارسه يعني مش اى حد يعمل كده ﻻزم يكون ركب نيفا
قبل كدا وعارف كويس .. طيب نكمل ارجع بظهرك شويه لورا وبص
لوضع العربية هل هيا مايله من ناحيه او متنزنه .. لو مايله من
ناحيه دي تبقي العفشه فيها حالتها مش تمام .. وما تصدقش لو قالك
ياعم دي سوسته او ركب لها جلده رفع . اركب العربيه وخد بها لفه
خفيفه كده ولف الدركسون لﻼخر وشوف لو في فرقعه كده او صوت
ما شابه ده يبقي البيض اﻻمامي .. تعمد تاخد بيها مطب وشوف
صوت العربيه مع المطبات هلي في خربطه او العريه خدت المطب
من غير صوت الخربطه دي بص خد بالك صوت عن صوت بيفرق
يعني ممكن يا صاحبي يبقي صوت علبه الشكمان وعايز يربط او
اﻻكصدام مثﻼ ً .. اطلع علي العربية من ورد .. هتقول اطلع ازاى .
هقولك من علي اﻻكصدام الخلفي يا صاحبي ماهي بتشيل
بﻼﻻﻻﻻﻻﻻﻻﻻﻻﻻوي واتهزي كدا عليها وشوف مدي استجابتها معاك
بتطلع او بتنزل معاك او خشنه .. ماشي يا ريس ..
ثالثا- الموتور
دايما بتﻼقي النيفا صوتها عالي وده الطبيعي يعني لو انت جاي
تركب نيفا ﻻول مرة ما تستغربش ﻻن ده الطبيعي .. بس اسمع
بودنك او كويس نغمة الموتور هل بتعلي هل بتوطي لوحدها في
تقطع في نغمه الدوران لو هو ماشي بوتيرة واحده . طبعا لو هو
ماشي بوتيرة واحده ومش بيوطي وﻻ بيعلي ده كويس وهو داير
كدا افتح غطاء الزيت وشوف لو في بخره بيضا كدا وﻻ مافيش . لو
في يبقي نوعا ما موتور خفيف وشوف لون الزيت واسال الراجل
انت مغير زيت امتي وقارن انت بقي بين لون الزيت والمدة الي
هو غيره فيها و مدي احتراقه .. شوف لو في اى صهد كده خارج
من الموتور وانت مشغله .. وهيا داير دوس بنزين فجاه وسيبه
شوف مدي استجابه الموتور
هل طلع معاك بصور فجائه وبيعد هبط وﻻ ماقدرش يقوم معاك
بسرعه .. شوف لو في اى لون عادم من الشكمان ( ابيض او رمادي او
ازرق مع سواد كدا ) باستمرار
اذا كان ابيض في جميع الظروف . فده معناه ان الميه التبريد
بتتسرب لغرفه احتراق الوقود و بتتخلط معاه
اذا كان رمادي مايل للسود ده معناه انه بتحرق بنزين كتير ودي
تبقي عايزة ظبطه كاربرتير من اﻻخر علي طول
اذا كان ازرق سماوي دي يعني انها بتحرق زيت من البنزين ودي
تبقي المكنه عايزة تتحل او شنابر البساتم ودي مقرفه برضوا .. بس
خد بالك انا بقولك باستمرار مش وهي واقفه كده ماشي
بعد كده خلي حد يركب مكانك ويدوس بنزين وانت فاتح الكبوت
وشوف المكنه بتتهز او بتتحرك .. ده يبقي عايز كراسي مكنه او
تربيط الكراسي دي كويس عشان اﻻهتزاز ده .. لو في العربية يقل
ماشي كدا .. اما طبعا لو الموتور بيجيب ميه من الشكمان ودي في
حاﻻت نادره في النيفا اعرف ان الموتور تمام ومن غير كﻼم وربنا
يبارك .
رابعا- الكارونه -:
الكارونه وما ادراك بالكارونه . في كارونتنين في النيفا خلفيه
واماميه . وبتكون اﻻماميه راكبه لو في فتيس غرز شغال فيها .
نيجي علي الي ورا .. نبص عليها كده وشوف لو في زيت عليه ااو
مرشحه مثﻼ او اى حاجه من دي . وشوف الزيت اللي عليها هل هو
جديد وﻻ قديم لو قديم يبقي بواقي اغيير زيت مثﻼ وما غسلش
الراجل . ولو جديد يبقي حاجه من اﻻتنين اما هو مغير زيت جديد
ليها او انها بترشح باستمرار وفي طريقها للفناء .. طيب اركب
العربيه كده وامشي وشوف لو في صوت زن او خربطه او احتكاك
من الكارونه الي ورا وارجع لورا كدا وشوف في صوت منها برضوا
وﻻ ﻻ ... واقولك اخسر شويه عشان تطمن وقوله اغير زيت للكارونه
عشان اطمن منها .. لو هو رفض يبقي قلقان من حاجه اما لو وافق
هيكون فرحان منت هتغير له علي حسابك .. ﻻن في بعض التجار
بيعملوا حاجت في الكارونه دي منهم لله .. يحط نشاره خشب ..
قشر موز مثﻼ او يحط زيت ولولينا تقل عشان يمنع صوت الكارونه
منه لله الغشاش . كنت مرة بشرتي نيفا وكانت بتاعه واحد في
البيت واشترها من تاجر .. ولت نروح نشكف في البنزيزنه وكده
قالي مشاي مافيش مشكله وبنغير زيت الكارونه ﻻقين فيها نشاره
خشب علي قشر موز وزيت ولولينا والله الراجل صعق .. والله ..
اشتراها من حد وعمل فيه كدا .. ربنا يكفينا شر الحرام
منقول

[Closer]

جزاك الله كل خير

[أثير]

شكرا جزيلا علي الافادة