تجرتي في سورية للكيا سيراتو 2010 هاي لاين

بسم الله الرحمان الرحيم
بعد السلام
اليوم الصبح كملت 20000 كم بالسيراتو وراح أنقلكم أنطباعاتي عن السيارة بس مشان أرفع شوي من الظلم اللي بعض الناس بيحكوه عنها .
ومشان ما حدا يحكي أني متعصب للسيارة ومو قادر أجيب ياباني ومدري شو بحب أحكي أنه الوالد معه لانسر ياباني موديل 2009 وأخي معه كورولا 2010
من الشكل الخارجي السيارة روعة ومو ناقصها غير شعار اللمبر غيني مورسي لاغو أي نفس الجمال تقريباً مو لأنه كورية تحكولي شو جاب لجاب بينما اللانسر مقدمتها غبية بشكل ptmnlo123per172 والكورولا مضعوجة بشكل بتقول ضفدعة مفعوسة ptmnlo123per172 يعني الفكرة ضمن فئة السيراتو مافي أحلى من شكلها حتى أنها أحلى بكتير من فئات فوقها
أما الميزات الجنونية بالسيارة عدة نقاط أولها موضوع البصمة تحفة بجد بتحس بالتميز خصوصا وأنه نص موديلات البي أم والمرسيدس مافيها بصمة هههههههه وسيارة 1200000 ليرة سورية فيها بصمة
تاني شي جنط ألمنيوم 17 بوصة يعني متلها متل أحسن أودي وأحسن كامري وقال صاحبي جايب كامري جنط 15 وبفكر يحطلها 16 هههههههههptmnlo123per1106 تالت نقطة المسجل 6 سيدي وحماية 8 بالون على رأي الوالد هي سيارة ولا حفلة دي جي صوت جيد جدا إلى ممتاز بالأضافة لموضوع جك اليو اس بي بتحط فلاشة على طول مو متل كورولا وكامري وفيراري ههههههههههه رابع نقطة لوحة العدادات الرياضية اللي بدكم وقت لتتعودو عليها لأن بتفكر سيارتك مازراتي أو فيراري مو بس كيا ptmnlo123per154 خامس نقطة علبة السرعة المزدوجة أتوماتيك أو عادي يعني اللي بيحكي أنه الأتوماتيك بطيئ أو ما بيشد بالطلعة يسحب الفيتيس لليمين ويضبط الغيار بنفسه
ويشوف الشد شي فوق السحاب والتسارع روعة سادس نقطة مسكات أبواب كروم ونيكل كروم بالهاي لاين طبعا شكلهم متل أفخم سيارة جاري بيطلع للأشكمون وبيطلع على أشكمون مرسيدس معه وبيستغرب فرق واضح وأذا ألماني وأذا مرسدس شو يعني ptmnlo123per172
أما بالنسبة للناحية العملية والتجربة القيادية أولا العفشة اللي بيحكو عنها ناشفة وخاصة بالجنوط 17 راح أوصفها لكم مع العلم أنه سورية بلد المطبات والتضاريس الشوارعية الغريبة مش ناشفة ولا شي متماسكة وقوية بتحس السيارة بتطلع المطب بقوة وعزم مو مترنحة متل كورول ومستوبيشي يعني بتحس بقوة وشموخ وما أنكسر معي لا مقص ولا شي مع أني مجنون سواقة وما بشوف المطب غير لما أخبط فيه هههه
أما موضوع الشد والسحب على الأتوسراد لا حد يفتي من عندو سبقت كورولا أتومتيك بفضل ناقل الحركة المزدوج بينما كورولا أتومتيك بس بس بس ياعيو ياباني وسابقت سيارات مرسيدس وبي أم طبعا سبقوني بس مو بمسافات ضوئية بفوارق بسيطة يعني مرسيدس ب 5 مليون تسبق كوري ب 1200000 بفارق كام دقيقة يكون الشرف للكوري بقى ما حدا يفتي من عندو متوسط أقصى سرعة للسيارات 200 يعني مرسيدس أو بي أم مارح تسحب 300 بقى اللي بيحكي أنه السيارة ما بتسرع بيكون مو صادق ومشان موضوع الثبات لحد 150 كيلو السيارة بتحسها ملزقة بالطريق لكن جنوط 17 مو كورولا ومازدا ونيسان وكلام فاضي على ذكر المازدا تسابقت مع صاحبي معه مازدا 3 وفتنا نحنا التنين بمطب بس بسرعة 40 بتعرفو شو صار بطن المازادا دق بالمطب سيارة واطية للأرض كتير وأنا لا انكسر مقص ولا قلبت
عيوب السيراتو كثيرة كمان
1- شديدة الشبه بالمورسي لاغو من لامبر غيني يعني انتبه لتفتح باب شي لمبر غيني بالغلط على أساس مفكرها سيارتك والحل دقق بالمسكة الكروم سيراتو عليه بصمة لامبرغيني ما عليها بصمة هههه
2- السيراتو ما بتمشي بالمي ولا بتغوص بالبحر
3- ما بتلف ورق عنب وما بتقشر بطاطا
هذه هي العيوب اللي لقيتها بالسيارة
مشان الحق كمان السيارة مصروفا بالبنزين داخل المدينة كتير أكتر من كورولا ومتسوبيشي
يمكن بالغت شوي صغيرة كتير بالتشبيه بينها وبين فيراري بس مقارنة بالسعر بتستاهل ptmnlo123per122
وأي استفسار أنا جاهز ptmnlo123per1 54ptmnlo123per122

[luckyman]

شكرا لك اخى على هالتقرير الرائع وفعلا هى سيارة اكزتر من رائعة بس يمكن الناس بدها الها جناحين علشان تطير ولك منى اخى العزيز ولسوريا العزيزة فائق الشكر والاحترام ودمتم

المشاركة الأصلية كتبت بواسطة luckyman شكرا لك اخى على هالتقرير الرائع وفعلا هى سيارة اكزتر من رائعة بس يمكن الناس بدها الها جناحين علشان تطير ولك منى اخى العزيز ولسوريا العزيزة فائق الشكر والاحترام ودمتم

لا شكر على واجب وبحب ضيف أنه ما في حدا أروع من السيراتو غيرك ptmnlo123per154 أنت أحلى مصر وأحلى مان وأنا اللي محظوظ أنك نورت موضوعي

[luckyman]

خالص تحياتى لكز سيد swat المحترم والى سوريا اخر معاقل العروبة الابية

[Dr. Bolbolan]

أهلين و سهلين و مرحبتين خيى بالمنتدى ! تقرير ظريف و دمه خفيف ! تقبر عيونى !

كلامك كله مليح و صريح ! و كتير مهضوم ! وأنا معك تاكل بنزين بالمدينه مثل ما تاكل تبوله

و مجدره !

أخوك نصف سورى من بيت العقاد بالشام مو حلب !

بلكى تبعت لى شوية مكدوس ؟؟؟


Dr. Bolbolan ptmnlo123per122