نظره اولى على عيوب اللوجان الاوتوماتيك

[mohamedsalahelden]

المشاركة الأصلية كتبت بواسطة mostafa.ghobara على فكره يا استاذ احمد انا عرضت على اساذ محمد نتقابل قبل كده لنل برده من اسكندريه ومعايا الاوتو بس مردش عليا من الواضح انه داخل ينقض فى العربيه وخلاص والاخوه بتوع البروتون هما كمان مش عارف بيحكم على العربيه ازاى وهو مجربهاش واكيد حيردوا ويقولوا مالناس بتشتكشى وطبعا محدش بيشتكى من الجين تو والبرسونا ولا الوكيل بتاعهم

داخل انقض ايه يا راجل دا انا راكب لوجان من قبل ما تحلم تركبها بص علشان بدون شد علشان انا على اخرى ومش عاوز اغلط فى حد اشكرك على تعليقك

[mohamedsalahelden]

المشاركة الأصلية كتبت بواسطة ahmedashraf للأسف يا ستاذ محمد هو ده الواقع, لما تبقى جماركنا على العربيات زي دول الخليج وينتهي جشع التجار نبقى نتشرط بمزاجنا, غير كده ..... إنسى. يعنى الأكسنت آر بي إللى راكبها فى السعودية من السعوديين بيبقى من الغلابة إلى حد ما, ياعيني مش عارف يجيب كامري ولا حتى كورولا, عندنا إللى راكب أعلى فئة (إللى هي فئة متوسطه عندهم) بيبقى عامل فرح ودافع فيها إللى وراه وإللى قدامه وعليه أقساط ويمكن مستلف جزء من المقدم كمان. أكتر ميزه عجبتني فى اللوجان وأنا بشتري إن الوكيل مش منفضها من الأوبشنز زي عربيات تاني ولا سيما الهيونداي, يمكن بس ال ABS والإيرباج الثانيه لاكن كل الباقي واحد المواتير الأوبشنز, كله, وده مش علينا بس, فيه دول تانيه في أوروبا أعتقد رومانيا وروسيا بتنزل فيهم فئه كده برده من غير إي بي إس ولا إيرباج ثانيه, في المقابل شوف الإلانترا الجديده, الكاسيت متغير, مدخل الأيبود مش موجود ومكان اليو إس بي زفت, متشال منها 4 إيرباج عن إللى بتنزل بره, مفيش تدفئه فى الكراسي, الموتور مختلف مش ال GDi وغيره وغيره وفوق ده كله شوف سعرها, عربية حلوه ماشي بس ليه كده؟!! يعني لو نزلها كاملة هتبقى بكام؟؟ ده قليلو لو عدت ال 180 ألف بسياسة غبور التسعيرية دي!!!! ينهار.....!!!! ياباشا الوضع ده علينا كلنا للأسف, ويارب يصلح الأمور ويعدل المايله. بالنسبة لموضوعك, ده خبر جميل جدا! يارب كده تفرحنا قريب إن المشكلة إتحلت, وأنا تحت أمرك لو حبيت نتقابل زي ما قولتلك, بس اليومين الجايين مش حينفع عشان ظروف كده, لو حبيت كلمني ونتفق. بس هو موضوع السوفت وير ده بس عشان المشكلة إللى عندك ولا هيعمموه على كل العربيات, زي موضوع مجموعة البريك إللى كان في المانوال؟!

ان شاء الله نتقابل بس اما الظروف تسمح ودا شئ يشرفنى
وبالنسبه للسوفت وير دا بيعيد برمجه النقلات وبينزل سوفت وير جديد للدربوكس لعل وعسى انا نازل دلوقتى اجبها ان شاء الله يكون خير

[ahmedashraf]

الشرف ليا ياباشا, إن شاء الله خير, بس سمي بالله كده وجرب.

يعني طالما هو تحديث للسوفت وير مش مجرد إعادة برمجة للقديم يبقى المفروض كل العربيات اللوجان الأوتو يتعملها فى الصيانات الدورية من غير مالواحد يطلب, مش كده؟

طيب أنا دلوقت عندي سؤال, معلش أنا عارف إني مستغلك, بس طالما إنت قديم مع التوكيل يبقى معلش إستحملني ههههه. دلوقت أنا ملاحظتي الوحيده, هي موضوع السخونة من فتحات التكيف و عايز أجيب كود الكاسيت, وحاسس إن الأبواب الخلفية عايزة تتظبط, بتبقى محتاجة إنك تفضل بإيدك مع الباب لحد ميقفل, مش زي الأماميين زقة خيفية وهو بيقفل بفعل وزن الباب, مش عارف هل ليها ضبط ولا وع القت هتضبط لوحدها. وانا دلوقت عامل 500 كم فقط ولسه بدري على ال 5000 كم جدااااااااا عشان أنا مشاويري قليله.

هل أحجز ميعاد وأروح عادي في أي وقت قريب عشان الثلاث حجات دول وممكن كمان موضوع تحديث سوفت وير الجيربوكس لو كان كويس فعلا ولا إيه, وتنصحني بالعامرية ولا سموحة؟ وإنت ركبت العازل إللى حللك مشكلة السخونية دي فين, سموحة ولا العامرية؟؟؟

أسف لكتر الأسئلة, وتقبل تحياتي

[aymanlaw]

المشاركة الأصلية كتبت بواسطة mohamedsalahelden داخل انقض ايه يا راجل دا انا راكب لوجان من قبل ما تحلم تركبها بص علشان بدون شد علشان انا على اخرى ومش عاوز اغلط فى حد اشكرك على تعليقك

وحده وحده وأنا متابع موضوع حضرتك والله يكون فى عونك ولكن ارجوك هدى نفسك وكله إن شاء الله هيبقى تمام ,وانا عارف انك منفعل بسبب هذه الأحداث لأنه باين من كتاباتك حسن اخلاقك وادبك ,وانا معاك الظرف مش مستحمل ولكن الجميع من الأخوة الأفاضل بيحولوا ان يهونو الأمر عليك لأن مش شىء بسيط انك تضايق او تكره عربيتك زبأذن الله لها حل ولايضيع حق ورائه مطالب وهذا بيحدث فى احسن عائلات السيارات ههههههههههه والله بتكلم بجد ,يعنى من كام يوم كنت متابع فى منتدى عربى وجدتهم بيتكلموا عن عيوب الجيب الليبرتى وحاجات اخرى والعيوب ايه حاجات ترعب ,فا الكمال لله وحده وكل هذا من صنع البشر وإن شاء الله يكون الحل قريب ويرضيك ويسعدك وهذا بلتأكيد

[mostafa.ghobara]

لوجان ايه اللى احلم اركبها يا بنى انت اللى شكلك اول مره تركب عربيات اصلا عشان كده مش عارف حاجه