|
رينو داستر Duster 2009; A multi terrain vehicle available in 2 and 4 wheel drive versions built by Dacia The Dacia Duster is the first crossover SUV developed by the Romanian automaker Automobile Dacia. Officially revealed on 8 December 2009, it became available in Europe from 18 March 2010 |
|
أدوات الموضوع |
#1
|
|||
|
|||
انا رايح اشترى دستر الجديدة من رينو
انا رايح اشترى رينو دستر 4wd وتمنها 134000 جنيه مصرى وعايز اعرف امكانياتها وسعر اعادة البيع وهل هتنفعنى مع العلم انى من الصعيد يعنى الطرق عندنا زى منتو عارفين مش كويسة خالص وعلشان اجيب عربية دفع رباعى اقل حاجة 350 الف فمش لاقى غير العربية دى فنا مش عارف اجبها ولا لأ وانا شفتها عجبتنى جدا وشكلها خرافة ولكن هل هى متوفرة باللون الاسود ؟
|
#2
|
||||
|
||||
رد: رينو دستر الجديدة من رينو
توكل على الله اشترى واعادة البيع بتكون بعد العربية ما تسبت وجوده وزى ما حضرتك عارف العربية جديدة
|
#3
|
||||
|
||||
رد: رينو دستر الجديدة من رينو
بص دي اساسا داتشيا و غالبا رينو داتشيا حلوة زي ال اي 12 ستايت و اللوجان و دة لإشتراك نيسان في التصميم بس حاسب من رينو الجديد برضوا لأن ممكن تلبس فيها و متعرفش تخلص استنى شوية بس كدة عليها لأنها مبلقهاش غير شهر و نص في السوق و هتلاقي قطع غيارها ناااااااااااار الله الموقدة بس اللي سمعته عنها انها حلوة قوي و متوفرة بموتورين 1600 واحد بنزين 110 حصان و التاني زيت ديزل 105 حصان و فيها تكنولوجيا حلوة قوي في الطرق اللي حتى مش طرق لبني ادم و لا طرق للحيوانات و فيها تكنولوجيا للطرق الثلجية و الزلقة يعني لو العربية هربت منك العربية تلقائيا توزع قوة الموتور على الاربع عجلات بالتساوي و في الطرق المكسرة بتحسب توزيع القوة و تدي كل جوز عجل نصيبه يعني شكلها كمبيوتر عالي قوي و يا خوفي بس استنى شوية و كله هايظهر و يتعرف و ربنا يوفقك بس شوف برضوا في عربيات 4×4 احلى منها و نفس التمن و ممكن التيجو بس الصراحة اللي بيتقال كتير وقليل و يا خوفي من الصيني دور و ابحث و هتلاقي الخير و الأهم استخير ربنا الأول و التوفيق كله من عنده
|
#4
|
||||
|
||||
رد: رينو دستر الجديدة من رينو
العربيه من جوه تعتبر واحد والعفشه فيها تغيرات طفيفه لكن نفس الصالون ونفس المواتير اللى كانت بتنزل فى اللوجان ال MCV يعنى مهياش تكنولوجى عالى و ياخوفك اللى بتقولها فى كل مشاركاتك فى قسم رينو الموتور ده نزل فى الميجان 1 موديل 2000 واتعدل وبقى بقوه ال110 حصان وبقى 16 صباب بدل 8 يعنى عدلوا الموتور والفتيس فتيس جديد تماما (وبرضه ملحوظه مهمه جدا الميجان 1 مكانش فيها اى مشاكل ومكانش ليها اعطال مشهوره زى الميجان 2 بالنسبه للكويلات) واحب اعرف منك فيه ايه موجود غير الداستر وفى نفس السعر اللى اعرفهم هما التيجو ال2000 اوتوماتيك وطبعا معروف انه اوتوماتيك صينى وكمان 2000 يعنى استهلاك بنزين وضريبه ثانيا هى التريوس اللى قطع غيارها نار على حق ربنا ومش موجوده فى اى حته غير فى التوكيل ويحضرنى موقف للدياهاتسو واحد صاحبى معاه سيريون موديل 2000 فانوس مطوس وفانوس اتشرخ قال يغير الاتنين لف فى كل حته مفيش روح التوكيل شوفهم يلاقى الفانوس ب1000 جنيه يقولى طيب انت عارف انى ماليش فى اللف على بتوع الاستيراد اسألى انت اروح اسأل الاقى الفانوسين استيراد تمنهم حوالى 1500 ولما تيجى هنظبط السعر يعنى الفانوس استيراد تقدر تقول فى حدود ال650 مثلا لو رحت تشرى فانوس ميجان 2 استيراد هتلاقيه فى الحدود دى وهى عربيه احدث بكتير مشا اقل من 6 سنين ولا حاجه فانوس فيه موتور لتحريكه يبقى ايه رأيك فى قطع غيار عربيه موديل 2000 لاهى موجوده غير فى التوكيل ولما تبقى موجوده استيراد تبقى بالمبلغ ده ياريت حضرتك تتأنى فى تقديم النصيحه لغايه ما تحصل على قدر يؤهلك انك تقدمها لانك هتتحاسب على النصيحه دى يوم القيامه اما بحسنه او بسيئه |
#5
|
||||
|
||||
رد: رينو دستر الجديدة من رينو
كل سنة انتم طيبون
|
|
|