اخيرا تم الكشف عن حقيقة السيارة المصرية ايجى تك.

[AbOnOrA]

يا جماعة ازاز كهرباء واحزمة امان وفتحة سقف ومريات كهرباء وبكره هيبقى ليها جنوط وفوجات كمان ولو متباعتش هيعملو مشروع تطوير واحلال التوكتوك واللى عنده توكتوك هندى يروح يسلمة وياخد المصرى ويقسط مع البنك
انا رائى نكون واقعيين التوكتوك انتشر فعلاً وسعره عدى 20 الف جنية وفيه شباب واسر شغالة عليه فلو البتاع ده اثبت اعتمادية وارخص ومصرى وادمى عن التوكتوك الهندى ليه لاء
بس هى حكاية 3 عجلات ديه فى حد ذاتها اللى مشكلة عندنا فى مصر مش هتخليها مقبولة والناس هتفضل تركب سيات و 127 وماروتى مستعمل لكن لو نزلوها ب 4 عجلات ولو اغلى 3 - 4 الاف جنية هتبقى عملت مشكلة لعربيات كتير وهيبقى المفروض تترخص عربية ولو اترخصت عربية يبقى يسرى عليها ما يسرى على العربيات ومينفعش يبقى سعرها كده ودخلت فى دوامة
وهو مش عايز كده
هو عايز يستهدف شريحة التوك توك الحالية
يعنى فيه خطة حقيقية واصبحت معلنة لتكتكه المواصلات عموماً بداية من استبدال الاتوبيس الاحمر فى ابيض بتاع زمان للميكروباص والمنى باص الى التوك توك حالياً مروراً برغيف العيش بالعيشة باللى عايشنها وعمار يا مصر فعلاً مصر بتتقدم

http://www.youtube.com/watch?v=VhteNsqjlxA

http://www.youtube.com/watch?v=KGULcLUr0I4

[فادى]

تمام يا وائل, العربية بديل ممتاز للتوكتوك,
انا حتى الان معرفش اد ايه منها معمول فى مصر و ليس لدى معلومات عن اصلها الذى ربما يكون تعاون مصرى-صينى او شىء من هذا القبيل.
لكن المشكلة انو ال3 عجلات حطوها فى منافسة مع التوك توك فقط لأنها صعب تبقى سيارة للاستخدام الخاص, الا كبديل متطور للموتوسيكل.
حلم تصنيع السيارة المصرية الحقيقية ممكن فنيا, بل ممكن انتاج سيارة ذات اداء و مستوى راقى, و لكنه يواجه صعوبات اقتصادية خاصة محدودية السوق المصرى, و عدم توافر الصناعات المغذية بالمستوى المطلوب.
لذا فان مصر انخرطت فى صناعة السيارات التجارية بشكل اكبر, و هى لا تحتاج الى كميات اقتصادية كما ان الترويج لها سهل, فلكى تبيع اوتوبيس يكفى ان يكون ارخص بامكانيات جيدة, فتتهاتف عليه الشركات, و الاوتوبيسات المصرية بعضها يباع فى اوروبا.
صناعة السيارات فيها القليل جدا من الاسرار, معظم التصميمات و طرق الصناعة معروفة و لم يعد فيها من الknow how سوى القليل جدا الموجود فقط فى السيارات الفارهة. لذا فان صناعة سيارة مصرية بمستوى جيد لا يصطدم ابدا بصعوبات فنية.

[AbOnOrA]

يعنى الهيئة العربية للتصنيعبتقفل تكاتك صينى ........ طيب ptmnlo123per144

[Dr. Bolbolan]

المشاركة الأصلية كتبت بواسطة ayman abdelrazek والله أنا قلت كده برضه أو كنت حاسس ان فيها ايادى صينيه برضه

صح يا أيمن باشا ! و يبقى كده " الآيادى الصينيه الخفيه ....تلعب فى صناعة السيارات المصريه الداخليه " !

أنا ابتديت أخاف على زمايلنا اللى راحوا الصين ! زى أحمد أنور و صلاح الحلمنتيشى !

Dr. Bolbolan ptmnlo123per1127

[king mimo20]

دة على كدة النانو اهون ميه مرة