حكايتى مع السيارات فى جنوب أفرقيا حكاية صور !

[ahmed_kamel]

بفانا بفانا
أكمل يادكتور عايزين الموضوع يسخن ويخش في المواقف الغريبه إللي دايما ملحقاك

[AHMEDCAR]

بس اشمعنا جنوب افريقيا يعنى ما كنت اشترط عليهم يخلوك تاخدها من منازلهم احسن من الشحططه دى ههههههههه


انا بهزر يادكتور طبها بس بجد السفر ده فيه فوايد كتير جدا جدا جدا

اقلهم انك تحس انك عاوز ترجع مصر تانى و دى نعمه على الاقل بعكس اللى قاعد جواها بيضربها ميه صرمه زى حلاتى كده

[Dr. Bolbolan]

انطلقت بنا السياره من المطار فى طرييق سفر و طبعآ أنا جالس على الشمال و السائق على اليمين!

بقيت موش مستوعب الموقف أبدآ و حاسس ان الدنيا مقلوبه ! زى لما تقف أمام المرآه و ترى يدك

اليمنى على انها اليسرى ! و بقيت موش مستريح ! المهم استمر السائق فى السير حوالى 40 دقيقه

ثم انحرف يسارآ فى طريق فرعى صغير يسمح بالمرور رايح جاى بس على فرده واحده ! والآسفلت

ناعم و جميل و طبعآ لم يكن هناك زحمة سير حيث أن الساعه كانت 3 ظهرآ ! يعنى حتى العفاريت

نايمه ! و كنت فاكر انى ح أسكن فى فندق ! و لكن الرجل بعد فتره انحرف يمينآ فى طريق صغير

خاص معبد بالحصا المضغوط و وسط أشجار جميله وفى النهايه رأيت عن بعد بوابه حديد عليها

نسرين حديد برده و قبل أن نصل انفتح الباب أوتوماتيك على طريقة افتح يا سمسم ! و دخلنا مكان

آخر روعه كآنه قطعه من الجنه ! شاليهات صغيره ملتصقه و متناثره و وورود من كل صنف ولون

و بحيره بها أسماك كبيره مجعلصه و ملونه ! و ممرات بين الآشجار و كبارى خشب صغيره و من

تحتها جداول ! و محمام سباحه و مكان لركوب الخيل وان كنت لم أرى أى حصان سوى السائق اللى

معى ! المهم الراجل يظهر انه استلطفنى رغم عدم استلطافى له و اختار لى أفضل شاليه حقيقة فى

المجموعه كلها ! و بعد وضع أغراضى فيه أخذنى الى صالة الطعام اللآنيقه و قابلنى بصاحبة المكان !

( ميا ) و هى عباره عن برميل من القشطه السايحه النايحه و لا يعيبها شىء سوى كرش كبير تحاول

اخفائه ! وعرفنى عليها و على نفسه ( فيتور ) و اكتشفت أنها زوجته ! و المكان اسمه ( ميا نست )

يعنى عش ميا ( للآخوه اللى ثقافتهم فرنساوى ) ! و هم مقسمين العمل بينهم بحيث هى تدير المكان

بمساعدة بعض العاملات السود اللذين يأتون صباحآ و يمشون عصرآ و هو يقوم بالمشاوير و شراء

مستلزمات البقاله و الاعاشه والتوصيل ! و كمان لهم ابنه متزوجه بس عايشه فى البلد (جوهانسبرج)

و ابن فحل الجثه أيضا وعامل شعره ديل حصان و يسكن معهم و يساعد الاثنين ! واسمه (كريس)

طبعا احنا كنا فى آخر يومين من رمضان بس أنا فطرت علشان السنه و المفاجئات و يمكن علشان

الملعونه السجائر ! و جلست لآتغذى و طبعآ أول سؤال سألته ! الآكل فيه خنزير؟ فقالت لى المرأه

لآه طبعآ علشان احنا عارفين المسلمين لا يأكلوه و كمان احنا كنا بنجيب الآكل ( ديليفرى ) بس لما

ابتدى يجى لنا مسلمين ابتديت أطبخ بنفسى ! و كان الآكل موش بطال بس موش رائع ! المهم أكلت

و حمدت الله و فوجئت بالست تعطينى كارت موبايل شريحه + كارت ب100 راند للموبايل

و كارت آخر ب 60 راند للتحدث بالتليفون العادى الموجود بالشاليه ! و قالت لى كل أسبوع تاخد

نفس الكروت ! فسعدت جدآ و كلمت مراتى و أولادى على طول ! وعلى فكره التوقيت هناك زى

مصر بالضبط لآنهم على نفس خط الطول ! بس الصيف عندهم شتاء عندنا و العكس صحيح !

و الحمدلله أنا رحت فلى شهر أكتوبر يعنى كان ربيع عندهم ! دخلت الشاليه بتاعى و كان بسيط جدآ

و جميل جدأ و فى نفس الوقت به كل حاجه تتخيلها وبه سريرين بس أنا لوحدى و كل ماتتخيله

بالاضافه لشمسيه و سشوار بالدولاب ! و كومود بين السريرين يضعون عليه راديو منبه و طبق

صغير به بونبون ليكلير و قطع شيكولاته ! والتلفزيون معلق فى زاويه بجانب الباب الآنيق اللى

مغطى بستائر فقط و فى الناحيه الآخرى مدخل به حوض لغسيل الوجه و على يمينه مباشرة الحمام

بدون أبواب و لكن لا يمكن أن تراه من أى مكان بالغرفه ! و طبعآ كل الصحى ( جروهى ) !

معلش أنا بأوصف بدقه علشان زملائنا المهندسين مثل العم /سام رام و أحم كامل !
يتبع !
Dr. Bolbolan


مدخل ميـا نست ! الباب الحديدى الالكترونى !


صالة الطعام - الكونتر !


الحاجه / ميا صاحبة المكان ( الصوره طلعت موش حلوه - لاحظوا ال.....) .

مدخل الشاليه بتاعى ( سابقآ ) .

جزء من المنظر أمام الشاليه !
السمك الحلوف على شمال الشاليه بالضبط !

[AHMEDCAR]

لا بجد انت لازم تعملها قصه و تنشرها

بس ميا دى مش قشطه ولا حاجه ذوقك مش قوى يا دكتور

[Dr. Bolbolan]

معلش يا أخ أحمد كار

أنا ذوقى زى الفل ! ptmnlo123per195

بس هيه غلطه مطبعيه ! أنا كان قصدى سيد قشطه ! ptmnlo123per122

Dr. Bolbolan