تجربتى مع زيت التعاون الاصفر XPL-SM بالصور واسعار زيوت التعاون

[الايطالى الصغير]

احسن حاجة عجبتنى فيك

انك اشتريته من بنزينه التعاون

لانه بيتضرب

كله بيتضرب

وعلى النت طوف وشوف

كل انواع الزيوت بتضرب

وهتلاقى الاف الصفحات عن طريقة ضرب الزيت

بيلموا الزيت القديم من محلات تغيير الزيوت

ويقوموا مدخلينه على مصفاة كبيرة

ويسيبوه كام يوم

ويجعوا يصفوه فى مصفاة اصغر مساما

ثم يضيفوا عليه زيوت سليمة بنسبة معينة لا تتخطى يمكن 10 فى المائه

بعدين يحطوا اضافات كثيرة عليه علشان يحسنوا قوامه

تيجى بقى للتغليف والتعبيئه

تخيل فى حملات الشرطة

بيلاقوا غطيان كل شركات الزيوت اصليه وعبوات الزيوت ال 5 لتر اصلية كلها مش متقلده

يعنى فارغة اصليه

والاستيكرات

وكل شىء

ويعبى الزيت ويقفل ويغلف

شغل على مستوى عالى

نصب باحتراف

ولو انتى بقى شرلوك هولمرز مستحيل هتعرفه او هتكشفه

شفت بقى ازاى

علشان كده انت عشرة على عشرة انك جبته من البنزينة

واعى تجيبه من محل

وربنا يسترها معانا جميعا

[sayed2077]

المشاركة الأصلية كتبت بواسطة الايطالى الصغير مشكور جدا جدا معلومات مهمة وجميلة بس انا رأيى الشخصى انى اغير كل 1000 او 2000 مش اكثر علشان اطمن على الموتور واللى بيجراله جوه انما 7000 ما اقدرش أغيب عنه اكثر من كده مهما كان الزيت نظيف وشكرا ليك

ما المشكلة ان حكاية انى اغير كل 1000 او 2000 بالكتير بصراحه بتخنقنى جامد
اولا بسبب الفلوس انى كل شهر اروح اغير زيت بيتخرب بيتى
ثانيا بسبب انى كل شوية لازم اروح اغير المشوار نفسه بيخنق

وانا اصلا جايب المره ديه 7000 علشان اشوف هل ماتورى بياكل زيت ولا لاء لانى كنت بحط ال 1000 و بلاقى على نهاية ال 1000 الزيت نقص نص كيلوا بالظبط يعنى كان بيبقى اول ما احطه على اخر المقاس على الالف بلاقيه بقى فى نص المقاس
وانا لسه عامل عمرة وكل ما اروح للميكانيكى يقولى اصل الزيت لما بيخف بيطير فقولت اجرب ال 7000 هل هيطير ولا لا علشان لو طار هشوف ابقى ابقى اتصرف ساعتها

[sayed2077]

المشاركة الأصلية كتبت بواسطة الايطالى الصغير احسن حاجة عجبتنى فيك انك اشتريته من بنزينه التعاون لانه بيتضرب كله بيتضرب وعلى النت طوف وشوف كل انواع الزيوت بتضرب وهتلاقى الاف الصفحات عن طريقة ضرب الزيت بيلموا الزيت القديم من محلات تغيير الزيوت ويقوموا مدخلينه على مصفاة كبيرة ويسيبوه كام يوم ويجعوا يصفوه فى مصفاة اصغر مساما ثم يضيفوا عليه زيوت سليمة بنسبة معينة لا تتخطى يمكن 10 فى المائه بعدين يحطوا اضافات كثيرة عليه علشان يحسنوا قوامه تيجى بقى للتغليف والتعبيئه تخيل فى حملات الشرطة بيلاقوا غطيان كل شركات الزيوت اصليه وعبوات الزيوت ال 5 لتر اصلية كلها مش متقلده يعنى فارغة اصليه والاستيكرات وكل شىء ويعبى الزيت ويقفل ويغلف شغل على مستوى عالى نصب باحتراف ولو انتى بقى شرلوك هولمرز مستحيل هتعرفه او هتكشفه شفت بقى ازاى علشان كده انت عشرة على عشرة انك جبته من البنزينة واعى تجيبه من محل وربنا يسترها معانا جميعا

فعلا ديه عندك حق فيها وفعلا انا كنت هشترى الزيت من محلات الزيوت بس الحمد لله مكنش عندهم ولما روحت البنزينه الراجل بيجيبلك الجركن من الكرتونة والكرتونة بتبقى متبرشمه تمام بتتفتح بالعافيه حتى الجركن كان عليه طبقتين برشام بلاستيك قوى
وبعد ما بتفتح الغطاء بتلاقى غطاء حديد بيتفتح بالعافية الراجل قعد يفتح فيه بتاع 5 دقايق علشان يفتح اخر ما زهق جاب مفك وطلعه بالعفية وبصراحه الظاهر انى طول عمرى كنت بشترى زيت مضروب اه والله زى ما بقولك وفعلا بعد كدا مش هشترى غير من البنزينه اللى جبت منها الزيت ديه وفعلا يا جماعه كله يخلى باله
بس فعلا زيوت التعاون عن تجربة محدش بيحاول يغشها لكذا سبب علشان محدش بيستخدمها كله بيتفشخر ويقولك اجيب موبيل او شل وفعلا التعاون برقبتهم و ثانيا اسعارها رخيصه يعنى الزيت ال 1000 كيلو من التعاون ب 55 جنية فى حين ان الزيت ال 1000 كيلو من شل ب 87 جنية حرام بجد يعنى وفعلا اغلب محلات الزيت بتبيع زيت مضروب الا من رحم ربى ووللاسف واد بس اللى اضمنه برقبتى انه بيبيع زيوت كويسه ومش مضروبه الباقى لو حلفى على الماية تنشف انه بيبع اصل مصدقوش هههههههههههههه وعلى العموم بعد كدا على طول نشترى من البنزينة ونريح بالنا والف شكر على ردك

[mr_astra]

المشاركة الأصلية كتبت بواسطة momen_bondok جزاك الله خيراً أستاذ سيد على ما تقدمة لنا وكالعادة موضوع رائع كباقى المواضيع انا حاليا بستعمل موبيل XHP وسعرة تقريبا 130 جنية مش فاكر فانا حاليا عايز اغير للزيت الى حضرتك بتتكلم علية اية الخطوات اللى اعملها قبل وضعة بحكم إنى كنت بستعمل موبيل علشان سمعت من بعض الناس إنى لازم انظف مكان الزيت القديم الاول فهل هذا الكلام صحيح أم لا وجزاك الله خيراً

دور الموتور 20 ثانية مثلا والطبة مفتوحة وفلتر الزيت مفكوك

[mody112]

انا كنت بستعمل موبيل xhp وبعدين استعملت زيت ليكوى مولى ( الاشتغاله الكبرى ) ولكن مكملش معايا 2000 كم وبعدين غيرت للتعاون وما شاء الله زى الفل وكنت شاريه من بنزينة التعاون اللى فى صلاح سالم .