النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟

[Felefel Ahmed]

السلام عليكم معلش هطول شويه عليكم (اصل انا علي أخري)
انا بسافر كل أسبوع من القاهره الي الأسكندريه للأجازه وبرجع شغلي الحد الصبح

النقل الثقيل (التريلات) انا مش عارف ايه الحل معاهم
- طبعا بتشوف طوب بالهبل طاير حوليك (وأفضل يمين وشمال افادي الطوب لغايت ما اعدي منه) وطبعا الخوف من صوت (تك تك ثم طــــــــــكــ تركن وتغير زجاج
- 80% مش بيغطوا الحموله (ردم , طوب , رمله , زلط)

بيمشوا فى الحاره الشمال (قولت خلاص أمشي انا فى النص)
بيمشو برضه فى النص (قولت خلاص هاخد غرز بينهم وأمري لله, أو أمشي يمين)
بيسدو الطريق علشان يسلوا بعض (ديه الموضه والله)
بيمشو عكسي علي الصحراوي (عادي جدا) وألي يفرس يضرب الكشافات العاليه فى وش الناس ألي مشيه صح
80% منهم بيحودو من غير اشاره (والله بيطلعو أديهم للأستسهال)

اقولوكم ان وصل بيا الحال ان انا بمشى اتخانق معاهم (صباح الدماغ السواق أخروه يطلع دماغه يبصلي ويضحك ويمشى غلط ولا أكن فيه شيئ بيكلمه )
- واحد تانى فى مدخل تحويله فضلت أهدي قدامه ونزلتله ( وقلتله كل الكلام ألي فى الدنيا بمنتهي الأحترام) تخيلوا يقولى أيه (قالي , معلش القانون محطوط غلط علشان النقل صعب يهدي ويرجع تاني لسرعته لكن اتم عندكوا الموضوع سهل , احنا بننقل 20 نقله فى التهديه, وعلي موضوع الموت لما بنحود فجأه معلش حقك علينا) قولتله ما أنتم زمان كنتو مثال الانضباط ليه كده بعد الثوره , قالي معلش بقى استحملونا , اعتبر بسكليته ماشيه جنبك , هيا تتصرف (الملاكى كده احنا شيفينه بسكليته) ومتتعبش نفسك معانا احنا هنمشى براحتنا

- واحد تانى ماسك شمال بليل ودماغه جزمه مش عايز يجي يمين (مع أن الطريق فاضى) يوميها كنت لوحدي معيش مراتى ولا الأولاد , طلعت قدامه بمسافه أمان ليا , وفضلت مدي أنتظار وأرعش رجلي علي الفرامل , قام الباشا النقل متحرك حاره يمين (بقى فى النص) أسيبه , والله أبدا فضلت فوق النص ساعه بنفخ عليه لغايت ما بقي ماشى فى الحاره الصح (طبعا يمين فى شمال وقمت نافخ)

طبعا فى النهايه هو مفهمش حاجه وكلهم مش عيزين يفهمو
ما هو الحل ؟ (انا وقفت عربيات مرور , والله علي الصحراوي) وأشتكتلهم كل ألي بيقولوه (مجموعه هائله من الشتايم علي النقل وبعديها والله مش عرفين نعمل ايه)

يا ريت حد يفكر معايا (ما هو الحل؟)
انا أخر مره طلعت مسدس لعبه من شباك عربيتى علي نقل علشان يمشى يمين والمفاجأه انه طار علي اليمين ومشى صح

[tamer.koko]

ماهو الا استهت ار بارواح البشر

[ahmed el gendy]

بص يا باشا ما دام ماشي يمين او شمال وسايب لك مسافه تعدي منها يبقي مفيش مشكله و انا بالنسبه ليا لو حد ماشي ع الشمال وبراحته خالص معنديش مشكله اعديه من اليمين وفكك من القانون اللي بيقول السرعه البسيطه تمشي ع اليمين لان محدش بيلتزم بكده وانت عود نفسك علي كده من النهارده عشان ما تخانقش مع مصر كلها

ثانيا بتوع النقل التقيل يموتوا ولا انهم يسوقوا بالنهار هم بيحبوا السواقه باليل جدااااااااااا ليييييييييييه؟؟ شوف انت مثلا سواق ملاكي بتتغاظ من التوك توك اللي عمال يكسر عليك كل شويه وسواق التوك توك بيتغاظ من سواق الموتوسيكل اللي بيكسر عليه تخيل بقي بتاع النقل التقيل كل الناس بتكسر عليه ملاكي ونقل خفيف وتكاتك بتكسر عليه وده عشان حركته تقيله يعني ف الزحمه تلاقي الناس كلها بتعدي والنقل لسه واقف فلازم تعزر سواق التريله ده لانه اتخنق وده مش راجل رايح يقضي مشواار ده شغله كده علي طووول فاستحمله شوويه اهم حاجه انه يكون مصحصح وانت بتعدي من جنبه ومش عاوزين منهم غير كده
وكفي المؤمنين شر القتال

[mr_astra]

اومال بقى لو مشيت طريق القاهرة السويس تقول اية
الطريق دة بيروحو يحجرو سن من الكيلو 101 ومن عتاقة وبيدودو لمدينتى والقاهرة الجديدة والشروق وبدر
فعلا اكتر حاجة بتدايقنى السن ولسة الاسبوع اللى فات الكشاف اليمين اتكسر نتيجة سن وقع من المقطورة وجة عندى ........... ومرة وانا ماشى عربية محملة طوب احمر كانت ادامى ووقع منها شوية طوب بس الحمد لله ربنا نجانى ...........ومعظم اللى انا اعرفهم وسكنين جنبى كلنا زباين مستديمين عند دكتور جريش اللى بيغير برابريز واللى بيغير شباك
المشكلة مش فى السواق على اد المشكلة المادة اللى محملها ......فعلا السن دة صعب جدا السيطرة علية حتى لو غطى الحمولة برضة بيقع منة فى المطبات
عارف حضرك من النادر فعلا انك تسافر على طريق السويس وما تقابلش حادثة ان ماكانوش اتنين طريق فعلا سىء جدا
والللى زاد وغطى بعد ما تعدى الكمين فى الكيلو 26 فى منطقة مزروعة ومياة الزراعة بتنزل على الطريق عملت نقر باقطار كبيرة جدا وبعدها كثبان رملية والله انا بشفق على الناس اللى مش حافظة الطريق ويكون واخد شمالة ويعدى على المنطقة دى ...لازم يتقلب ونفس الحوار دة ادام مدخل التجمع الخامس وامام اليو تيرن بتاع مدينة بدر
ربنا يستر علينا جميعا

[طارق فولفو]

مساء الخير كل الانت بتقولة دة مش صح انت وغيرك المفرود تحترمة النقل لان انت وغيرك من غير النقل مكنتوش لقيتة الطريق البتسفرة علية وعيزين تتحكمة فية ومنغير النقل مكنتوش لقيتة مكان تسكونة فية ولا تشتغلة فيةمن الاخر النقل فضلة عليك وعلى كل مصر انت لو تعرف سوق النقل بيبقا على اعصبة بسبب كل واحد زيك انت لما هديت قدامة مش فضل ماشى وراق دة دليل على انهم بيخفو عليكم اكتر من نفسك حركة زى دة ممكن تنبورت الفرامل تتكسر وميبقاش فيها فرامل وبسببك تعمل كرسة وتازى الناس دول لو ناس همج كان تلع منك وزنق عليك وقلبق بس دول ناس محترمين وفضلهم عليك وعلى غيرك ونسيحة متفتكرش ان انت عشان راكب عربية ملاكى ممكن تعمل اى حاجة وتجرى ومش هيلحقق لالالا العربية النقل اسرع من العربية الملاكى بكتير يعنى ممكن يجيبك فى دقايق ادعى ربنا ان متسدفش واحد متهور خاف على نفسك وعلى عيلك وعلى اناس المحترمين بتوع النقل