العربية سخنت أنا خايف جدأومش عارف أعمل أية برجاء المساعدة

[gogofreedome]

المشاركة الأصلية كتبت بواسطة hossamhussein0 طبعا كلام الزملاء 100% كونها تعرق مياه ده دلالة علي ان الموتور مضبوط و حالته جيدة جدا و كونها حتي ترش ميه ده ممكن يكون نتيجة و جود مياه مختزنة في علبة الشكمان نتيجة التعريق و تندفع خارجة منه (ترش) عند الدوس فجأة و بقوة علي دواسة البنزين اللي يطمن قلبك هل ده جوان ام لا ،، هو متابعة منسوب المياه في الريداتير و القربة فلو كانت بتنقص يبقي ممكن يكون جوان فعلا أما اذا كانت ثابته (وخصوصا ان الجو حاليا ممتاز و لا يوجد حرارة عالية مثل الصيف) يبقي تتطمئن و تنسي القصة خالص أما عن سبب ارتفاعها في الاساس ،، ممكن تروح لكهربائي يكشف علي مروحة التبريد الخارجية الخاصة بالتكييف لانها 99% هتكون السبب (ممكن تكون تعليقة و راحت لحالها نتيجة الكتاوت مثلا أو وصلات في الضفيرة او ما شابه) الشئ الغريب انك لقيت البوجيهات بها صدأ ،، و ده امر نادر جدا جدا و لكنه يرجح وجود دخول للمياه في غرفة الاحتراق و ده مالهوش تفسير ثاني غير انه إما البوجيهات القديمة كانت من نوع ردئ و استمر عملها في السيارة لسنوات طويلة و ده احتمال اقدر اقولك 30% أو ان هناك خلل فعلا في الجوان كان هوه السبب في ذلك و عموما العربيات اللادا مشهورة بالسخونية و لاسوأ الاحتمالات جوان وش السلندر مش هيبقي غلبة كبيرة زي ما انت متخيل ،، يعني يوم عطلة و حوالي 100- 150 ج بالمصنعيات و كل حاجة و ابقي طمنا عليك

انا متشكرا جداً لأهتمام حضرتك وردك الوافى بس البوجيهات كانت ngk ومكملتش 5000 كم بس انا كشفت على البوجيهات الجديدة بعد 3 أيام كانت سليمة أما موضوع نقص المية من القربة فهى بتنقص علشان فى افيز بيسرب مية من الخرطوم وربنا يسهل هغيرة واراقب موضوع المية وهو ممكن البوجيهات تصدى علشان هى مرطبة يعنى العيب فيها ولا دة مش صح

[hazem_khidr]

رأيي من رأيي الاساتذه باهي و حسام
مفيش عندك مشكله و غلط انك تروح لكذا ميكانيكي يشوف العربيه
اتعامل مع واحد بس ثقه ودا لان اي ميكانيكي ايا كان حيطلع اللي قبله مش فاهم حاجه.
تعريق الميه من الشكمان صحي للموتور حتي لو الميه الكتير ممكن جدا يكون تراسب مياه في علبه الشكمان نتيجه لعدم سفرك كثيرا بالسياره.
اما لو الميه بتنقص من الردياتير و القربه يبقي حاجه من الاتنين
1.وجود تسريب في دوره المياه كما هو الحال عندك
2.دخول المياه علي الزيت و دا بتعرفه لو كان لون الزيت طحيني و في الحاله دي يبقي محتاج جوان وش سلندر

[الكشفى]

لا تقلق انما انا اتفق مع الاعضاء ان كدة الموضوع لا يتعدى شوية ظبط فى الموتور ولو الجوان الموضوع هين

[samirayad]

للأسف دى بوادر تلف لجوان وش السلندر

ومطلوب المتابعه حاليا لحرارة المحرك مع متابعة منسوب مية التبريد

حفاظا على محرك السياره كوحده متكامله من التعرض للقفشان الفجائى مع مشوار سفر طويل

روحت لواحد تانى فك البوجيهات لقى فى صدا على الشمعة وقالى دا جوان وش سلندر

والراجل ده شخص المشكله تمام

[gogofreedome]

المشاركة الأصلية كتبت بواسطة samirayad للأسف دى بوادر تلف لجوان وش السلندر ومطلوب المتابعه حاليا لحرارة المحرك مع متابعة منسوب مية التبريد حفاظا على محرك السياره كوحده متكامله من التعرض للقفشان الفجائى مع مشوار سفر طويل

يعنى يابشمهندس المية من الشكمان والعربية سخنة يبقى دة جوان ؟
طب أنا غيرت البوجيهات من 6 أيام والجديدة مصدتش وعلى أفتراض أن أنا فكيت وش السلندر مع العلم أن دية أول مرة الموتور يتفتح أية الأضرار اليممكن تحصل وهل ممكن يرجع زى الأول وهل دية يعتبر عيب فى العربية وممكن لو مطلعش فى حاجة فى الجوان يقفل تانى من غير منغير حاجة !!!! برجاء الإفادة
فى حاجة كمان أنا شلت ثرموستات الكوعة هلى دة صح ولا لاء علشان كدة العربية حرارتها بتوصل لغاية 85 وبعد كدة بتنزل لغاية 75 وطبعاً أنا شلت الترموستات لما العربية سخنت ووصلت حرارتها والمروحة شغالة 120 درجة وفى حاجة كمان موضوع المية من الشكمان والعربية سخنة دة بقالة فترة يعنى ممكن سنة معلش أنا طولت عليك