تجربتى مع زيت التعاون الاصفر XPL-SM بالصور واسعار زيوت التعاون

[sayed2077]

انا سعيد جدا بردود حضراتكم جميعا

وللاسف الزيت لما حطيتة العربيه مكملتش بيه 100 كيلو وبيعتها
ومعرفش ايه الاخبار
ولكن عموما مع الاكسيل ان شاء الله هبقى افضى الشل اللى موجود فيها ده بعد ما ينتهى
و هبقى احط ان شاء الله زيت
التعاون ده لانه فعلا اكثر من رائع وحرام اشترى شيل الاصفر ب 130 جنية لما قدامى التعاون صنع بلدى كفائة اعلى وسعر ارخص

و

السلام عليكم ورحمة الله وبركاته

[momen_bondok]

السلام عليكم ورحمه الله وبركاته
بفضل الله غيرت الزيت اليوم من موبيل XHP إلى زيت التعاون الاصفر XPL SM
فى بنزينة التعاون اللى أمام عمارات العبور
تم شراء الزيت ب 110 و 5 جنية تغيير هو والفلتر يعنى الإجمالى 115
أما عن حالة الزيت للاسف انا كنت مرهق اليوم ولم أكن مركز إن شاء الله هوافيكم بالتفاصيل الأيام القادمة عن حالة السيارة بعد تغيير الزيت
وجزا الله صاحب الموضوع خيراً الأخ سيد على هذا الموضوع الرائع

[مالك مرار]

المشاركة الأصلية كتبت بواسطة sayed2077 السلام عليكم ورحمة الله وبركاته النهارده روحت غيرت زيت العربيه من التعاون سوبر ستان 1000 كيلو الى زيت التعاون الاصفر XPL-SM 7000 كيلو وزى ما هو باين ان اداء الزيت عالى جدا اعلى من زيت شل هيليكس الاصفر 5000 كيلو و زيت موبيل XHP والزيت طبعا متعدد الدرجات 20-50 وطبعا انا من الناس اللى بثق فى زيوت التعاون ثقه عمياء فعلا زيوت تستحق التجربه وعموما من خلال تجربتى معاه نقدر نقول فوائده كالتالى:- 1:صوت منخفض تماما لماتور ال 128 بتاعتى رغم استعمالى بنزين 80 ورغم ضوضاء المحرك نفسه الغنية عن التعريف (كل واحد يركب معايا ويسمع صوت الماتور يقول بسم الله ماشاء الله الماتور مالوش صوت ) 2:اختفاء لخشونة الصوت اثناء العمل بطريقه سحرية (والله ساعات يبقى الماتور شغال وانا واقف فى اشارة وافتكر انه اطفى واجى ادور الاقيه شغال اصلا) (مع العلم كل تجاربى السابقه مع اغلب زيوت التعاون اللى اتعاملت معاها (زيت التعاون الاحمر - زيت التعاون البرتقالى - زيت التعاون الاصفر اللى انا بجربه دلوقت) 3:الماتور سحبة اتحسن عن الاول بسبب ان الزيت اللى استخدمته المره ديه متعدد الدرجات بخلاف الزيوت اللى كنت بستخدمها قبل كدا كانت احادية الدرجه 50 4:السعر الرخيص والمناسب لمنتجات التعاون عموما (هذكر اسعار المنتجات بعدين ان شاء الله) 5:يجمع ما بين العر المناسب والاداء العالى 6:تشجيع الصناعه الوطنيه وعلى فكره الزيت لما روحت اشتريته اشتريته من بنزينة التعاون اللى فى مصر القديمه وخدمة تغير الزيت فيها من خلال تقيمى انا كويس اديها مثالا 8/10 وكان معاه هدية ميدلية مفاتيح جميلة جدااا بصراحه وعليها شعار التعاون اليكم الصور ديه صورة علبة الزيت وزى ما انتم شايفين العلبة متبرشمه كويس ازاى وتاريخ الانتاج لسه جديد الى حد ما ودية الميدلية الهدية وموجوده جوة البرشام اللى متغلف بيه العلبة كلها بطريقة محكمة منعا لاى تلاعب ودية الميدلية بعد ما فكينا البرشام البلاستيك من على الجركن بتاع الزيت (عجبانى جدا بصراحه) وديه اثناء وضع الزيت فى المحرك وسعر الزيت ده 107 جنية بالتغير سعر ممتاز جدا بالنسبه لزيت نصف تخليقى يقدر يستحمل شغل 7000 كيلو بصراحه اكثر من ممتاز فعلا نقدر نقول بحسبة بسيطه ان كل 1000 كيلو هتصرف عليه زيت 15 جنية فقط وبالنسبه لاسعار زيوت التعاون 1:زيت التعاون الاحمر 1000 كيلو (غير متوافر اداء للمحركات البنزين) مع العلم شغال كويس مع العربيات القديمة ولا انصح به للحديث ب 55 جنية 2: زيت التعاون البرتقالى 2000 كيلو اداء SF ب 60 جنية 3:زيت التعاون الاصفر 5000 كيلو اداء SL ب90 جنية 4:زيت التعاون الاصفر (اللى انا اشتريته ) 7000 كيلو اداء SM ب 102 جنية و السلام عليكم ورحمة الله وبركاته

السلام عليكم عاوز رقم هاتف او بريد الكتروني لمصنع زيت التعاون ارجووووووووووووووووووووو الرد

[مالك مرار]

ياجماعه للامانه مفيش زيت سيارات بيمشي اقل من 3000 الاف كيلو في الغيار الواحد