إستفسار عن تويوتا يارس

[mido10201020]

انا عاوز اشتري ياريس اوتوماتيك و عندى إستفسار بسيط عشان أعرف اقرر

ما هي عيوب ياريس الاوتوماتيك (ان وجد)؟

وهل يوجد في مصر ياريس اتوماتيك 1500 او 1600 لاني سمعت ان الاوتوماتيك مع سي سي عالي يكون افضل
وايه فرق السعر عن 1300

وهل ياريس اوتوماتيك 1300 بها مشاكل في ناقل الحركه الاوتوماتيك؟

[hazem_khidr]

اهلا و سهلا بيك في مصر موتورز
بالنسبه للياريس الاتوماتيك لا يوجد بها اي مشاكل
و سحب السياره ممتاز و فرامل abs لتأمين توقف افضل للسياره
لا يوجد بها او بناقل الحركه الخاص بها اي مشاكل
كما يوجد 1500 لكن خليجي ولا ارشحها لعدم وجود ضمان مع السياره

[mido10201020]

شكرا جزيلا يا اخ حازم على الرد ورايك
و كده يعني لو حشتري جديد يبقى 1300 علشان الضمان

و لو حشتري مستعمل ايه رايك في ياريس الاوتوماتيك المستعمل
يعني لو ممكن نصايح معينه بحيث اشتري عربيه كويسه

لان سمعت ان الاوتوماتك جديد افضل بس الظروف الماديه ساعات بتحكم
وانا بفضل التويوتا حتى لو كانت مستعمله عن اي حاجه جديده وكمان

وشكرا ليك

[جلال الشروفي]

ا لسلام عليكم يا منتدى مصر موتورز اريد اعرف البيجو 307 هل لها عيوب وبماذا تمتاز اريد اشتري وحده 2007شكرا لكم يا اعزائي الكرام ودمتم سالمين اخوكم جلال الشروفيptmnlo123per112ptm nlo123per171ptmnlo123per1 105

[hazem_khidr]

المشاركة الأصلية كتبت بواسطة mido10201020 شكرا جزيلا يا اخ حازم على الرد ورايك و كده يعني لو حشتري جديد يبقى 1300 علشان الضمان و لو حشتري مستعمل ايه رايك في ياريس الاوتوماتيك المستعمل يعني لو ممكن نصايح معينه بحيث اشتري عربيه كويسه لان سمعت ان الاوتوماتك جديد افضل بس الظروف الماديه ساعات بتحكم وانا بفضل التويوتا حتى لو كانت مستعمله عن اي حاجه جديده وكمان وشكرا ليك

حضرتك لو حتجيب جديد او استعمال هات ال 1300 و صدقني مش حتندم
ال 1500 قليله و كمان مش حتلاقي توكيل يصلحها و اكيد لو لقيت قطع غيار حتلاقيها غاليه
نظرا لعدم انتشارها
و مره تانيه موتور الياريس مش صغير ولا حاجه هو نفسه موتور الكورولا ال 2007
و شوف الناس بتحكي و تتحاكي عن العربيه دي ازاي.
و بخصوص الياريس المستعمله سواء مانيوال او اتوماتيك اهم حاجه تبص ان العربيه متكونش راشه بره او جوه
ولو راشه بره باب مثلا او رفرف نزل من تمنها 2000 جنيه وقتي عن ما بيقول الا لو كان هو منزل من تمنها اصلا علشان الرش دا.
غير كده الاتوماتيك ما تقلقش منه خالص و مافيش منه اي مشاكل لان كان معانا عربيه 2006 عامله 90 الف كيلو
و او مره زيت الفتيس يتغير كان علي 60 الف و العربيه اتباعت كأنها لسه زيرو مافيش اي اصوات او اي بهدله فيها
رغم ان 90 الف كيلو ف يتلات سنين يعتبروا كتير .

ا لسلام عليكم يا منتدى مصر موتورز اريد اعرف البيجو 307 هل لها عيوب وبماذا تمتاز اريد اشتري وحده 2007شكرا لكم يا اعزائي الكرام ودمتم سالمين اخوكم جلال الشروفيptmnlo123per171

حضرتك ممكن تفتح موضوع مخصص في قسم البيجو و ان شاء الله تجد الرد الوافي