حقيقة الجيتا، سؤال مهم؟؟؟

[mainz]

المشاركة الأصلية كتبت بواسطة mohamed ibiza مكسيكي يا رجاله مش برازيلي اللي عندنا مكسيكي و مع ذلك تقفيلها نضيف جدا و خاماتها الداخلية فخمة جدا برضه علامة vw مش بتتحط علي اي حاجة

طيب يا جماعه انا عندى بقى سوال طالما ان علامه vw مش بتطح على اى حاجه انا زورت اكتر من بلد فى اوروبا وبالاخص انى عايش فى المانيا وعمرى ما شوفت عربيه محطوط عليها علامه الفولكس فاجن زى البوينتر والباراتي عمرى ما سمعت عنهم هنا فى اوروبا او المانيا نهايئا على الاطلاق طيب اتعملوا فيين العربيات دى وليه مصنع الفولكس فاجن مش معترف نهائيا بالنوعيين دول فى اوروبا ptmnlo123per1147
لكن الجيتا والجولف والباسات طبعا معروفيين انهم المانى 100 فى الميه

[mohamed ibiza]

البوينتر و الباراتي يا مينز اتعملوا في مصنع فولكس في البرازيل و هما يعتبروا عربيات رخيصة و تكنولوجيا مش عالية يعني شاسيه قديم و موتور 1600 مطلع 90 حصان و حتي التصميم قديم و مفهاش روح vw يعني مش زي الجولف رغم انها نفس الفئة بس رغم كده عربية جرايه جدا و ثابته وزنها 900 كيلو و 90 حصان 1600 و حجمها ملموم جدا بس مشكلتها ان التصنيع برازيلي تكنولوجي الماني بس انما الالمان مصنعوش فيها حاجة عشان كده في كذا واحدة ظهر فيها مشاكل و طبعا جابوها مصر هنا عشان الشعب الغلبان يفرح بيها و يشتريها

[hanady]

لى تعليق على مسألة مكسيكى دى لأن بعض الأعضاء معتبرينها سبة للجيتا، و أسمحوا لى بالتعليق (و لو أنى منضمة للمنتدى حديثا و لذا قرأت الموضوع متأخر بعض الشىء) و لكن لأن عندى معلومات لم يضفها اى من من شارك قبل ذلك فاريد منكم معرفتها معى.
فعلا الجيتا مكسيكى و لا يوجد منها ألمانى----لماذا؟؟؟
نبدأ القصة من أولها:
شركة فولكس عملت استطلاع فى أوائل السبعينات لماذا لا تنتشر عربتها الشهيرة جولف فى امريكا (لأنها ببساطة اكبر سوق للعربيات فى العالم) رغم تفوقها الكاسح فى أوروبا و باقى العالم---كانت أجابة الأمريكان أنهم لا يحبون العربيات الهاتشباك و بقضلون السيدان عليها، و فكر عباقرة فولكس فى عمل سيارة مبنية على الجولف و لكن سيدان و افخم و أكبر بعض الشىء و تكون وسط بين الجولف و الباسات. و هكذا تم تصميم الجيتا. ولأن المعنى بها أمريكا أكبر سوق سيارات فى العالم و أيضا لمراعاة التكلفة تم عمل المصنع الرئيسى فى المكسيك على الحدود المكسيكية الأمريكية لسهولة التصدير إلى امريكا (طبعا مش ألمانيا لأن الجيتا للسوق الأمريكى بالأساس).
العربية نجحت جدا و أصبحت لجودتها أكثر العربيات الأوروبية مبيعا فى أمريكا و بيع منها فقط فى أمريكا 3.3 مليون سيارة (فى العالم كله 6.5 مليون سيارة) حتى الأن .
و عند تصنيع الجيل الخامس فى 2005 تم تجديد المصنع فى المكسيك بمليار دولار خصص منه 200 مليون فقط للروبوتات التى ستصنع العربية.
و نظرا للنجاح الباهر للسيارة و شدة الطلب عليها تم عمل مصانع (تجميع فقط) فى الصين (لأسيا) و فى جنوب افريقيا (لأفريقيا) يتم شحن جسم العربية الأساسى من مصنع المكسيك (المصنع الرئيسى لأنتاج الجيتا بالعالم كله) و يتم التقفيل فى هذه المصانع بالقرب من المستهلكين المعنيين.
أذن مسألة مكسيكى هذه لا تعيب السيارة لأنها لا تنتج اصلا فى ألمانيا و أنما هى سيارة تصنعها فولكس للجمهور الأمريكى الذى يعشق حاجة أسمها جيتا.
و معروف التصدير إلى امريكا يتطلب مواصفات شكلها أيه.
و أعتقد أن لما الواحد يركب عربية مصنعة بنكنولوجبا ألمانية و هى نفسها الموجودة فى امريكا ستكون لا تقل أيدا (مش عايزة أقول أحسن) من المصنعة فى ألمانيا (فى الأخر هى علامة فولكس على العربية).
الحقيقة عند شرائى للجيتا أول شىء أتأكدت منه فى التوكيل أن العربية صناعة المكسيك (مش تجميع جنوب أفريقيا أو الصين) و لما رأيت Made in Mexico و الأفراج الجمركى مكتوب بلد المنشأ المكسيك اشتريت على طول لأن هذه هى نفس العربية بالضبط الموجودة فى أمريكا.
لا أعرف الخليجى منشأها ايه
أرجو أن أكون أوضحت لماذا الجيتا مصنعة فى المكسيك مش ألمانيا

[مصطفى ايهاب]

الجيتا يا جماعة يكفى انها تابعة لاحدى أكبر شركات تصنيع السيارات فى العالم وهى شركة فولكس فاجن ويكفى لاصحاب العقول ان الجيتا بداخل البودى اذرع من الفولاذ للحمايه الكامله

[مصطفى ايهاب]

الجيتا سياره فخمه جدا وليست سياره شعبيه وادعو كل من لم يقودها ان يقودها لمدة نصف دقيقه ليتعرف على سحر السياره من الثبات والفخامه واراهن على كل من يقودها سيشتريها فورا