تويوتا ياريس 2010 أو أوبترا أو الانترا

[lol64]

المشاركة الأصلية كتبت بواسطة nightbat_88 بص يا استاذ احمد انا حكلمك عن اليارس عشان مع واحد صاحبي وبركبها معاه كل يوم لمده 3 سنين 1- العربية واسعه جدا سواء في الامام او في الكنبة الخلفية وشنطتها كمان واسعه كنا بنركب فيها 5 مستريحين ماشاء الله عليها 2- العربية بالامانه موتورها مش ضعيف واحنا شباب وبنحب الجري وخلافة العربية تجميعها كويس وخصوصا لما تسقط تاني او ثالث ( اوتوماتيك ) 3- العربية ثباتها كويس جدا لحد الـ 160 مش خط مستقيم سافرنا بيها كذا مرة القاهرة 160 وثبات معقول بس هي عشان عاليه حبتين تحس انها بتميل في الملفات لكن ثابته 4-العربية بتشم البنزين شم اقتصاديه جدا 5- التكييف بتاعها للامانه مش قوي اوي ولو العربية مركونة في الشمس حتاخد وقت لحد متحس بالتكييف حوالي 12-15 دقيقة 6-العربية عفشتها مريحه ومش ناشفة حتي في السفر والقاعده الطويلة فعلا مريحه 7-خامات التابلوه مناسبة لفئتها والتقفيل ممتاز 8- العربية عاليه عن الارض حتي بكامل حمولتها وده مناسب لمطبات بلدنا المحروسه 9- العربية ابعادها مش واضحه قوي حتاخد وقت علي ما تتوعد عليها 10 - اعتماديه عاليه جدا واعطالها تكاد لا تكون موجوده سوي الصيانة الدورية 11- قطع غيارها موجوده كتير بره التوكيل 12 - العربية فراملها قوية 13- عزل الكابينة مش قوي لأن الموتور موجود جوه الكابينه تقريبا يعني تسمع صوت الموتور فوق ال 3000 rpm وخصوصا في الشد وديه كانت حاجه ممتعه بالنسبة لي عشان تحس ان الموتور بيزمجر وتحس بقوته متحسش انه 1300 ابداش 14- الموتور مزدوج الحقن ده بيعطي توزيع اكبر للبنزين داخل الموتور وبيحقق اقتصاديه في الاستهلاك في تبقي قويه وموفره في نفس الوقت مش عايز ادخل في تفاصيل تخضع للاذواق عشان ديه بتفرق من واحد للتاني زي شكلها وموضوع ان العدادات في النص وان كراسيها من جوه عاليه (ناس بتقول تحس انك قاعد في ميكروباص بس انا بالنسبالي كانت مريحه جدا) وفي الاخر كلها اذواق

مشكور ياباشا على التقرير ده
بس التكييف بياخد كده وقت كتير قوى على ماتحس بيه
هو تكييفها ضعيف؟

[lol64]

هى الياريس بتعمل كام فى الصفيحه جوه البلد وفى السفر؟؟

[ramy01011]

المشاركة الأصلية كتبت بواسطة lol64 مشكور ياباشا على التقرير ده بس التكييف بياخد كده وقت كتير قوى على ماتحس بيه هو تكييفها ضعيف؟

ا
اليارس معايا بقالها 3 سنين تكيفها تلاجة علي فكرة انا عايش في الامارات و ما ادراك حرارة الجو هناك تكيفها بجد تلاجة و عمري ما زود عن رقم 1 بس نصيحة لوجه الله هاتها الكاملة اللي هي جنوط و سبويلر هتفرق جامد معك في ثبات العربية و العربية عموما حلوة جدا وممتعة في سواقتها انا طاحنها كل يوم بمشي بيها 150 كيلو علي سرعة 140 و ساعات 160 و علي فكرة اقتصادية جدا عمري ما ودتها للوكيل كل اللي بعمله كل 5 الاف تغيير زيت و فلاتر و كرتين بس غيرت تيل الفرامل بجد العربية معمرة توكل علي الله و هاتها وموش هتندم

[nightbat_88]

الاسعار بعض التخفيض :-

مانيوال هاف أوبشن :- 86900 جم

مانيوال فول أوبشن :- 93900 جم

أوتوماتيك هاف أوبشن :- 95900 جم

أوتوماتيك فول أوبشن:- 114900 جم

منقول من الموضوع الاتي :-
http://www.masrmotors.com/vb/showthread.php?t=7382

[kotbtu]

الياريس جية جية ممكن على شهر اكتوبر