بعض الاخطاء الشائعه فى القياده

[amir elgamal]

السلام عليكم
هذا الموضوع انشأته بسبب وجود بعض الاشخاص يقودون بصوره خاطئه

1- بعض الاشخاص يضغطون على الدبرياش كثيرا جدا وده بيخلى الواير يتقطع (حتى هتلاقى فى ناس بتشتكى من قطع الواير كتير اعرف انه بيضغط دبرياش عمال على بطال)
كيف يتم ذلك؟؟
فى ناس يادوب تدور العربيه وتروح دايسه دبرياش ومستعد للانطلاق ولسه فى واحد نازل على السلم وكل ده حمل على الدبريا
ش
برضو فى ناس فى وسط الزحمه بتدوس دبرياج وتدى الاول وتفضل دايسه دبرياش وكل ما الطريق يمشى بترفع رجليها من على الدبرياش
فى نوع ثالث بقى وهو انه مثلا ماشى على الرابع وقدامه مطب بيروح دايس دبرياش ويفصل الحركه لحد ما يوصل للمطب وبعدين ينقل الحركه!!!!!!!!! ليييييه طيب امال المور ده اتعمل ليه؟؟ لو عاوز تفصل الحركه مور العربيه لحد ما توصل وده الطريقه السليمه بعدين ادى الغيار الى انت عاوزه وفى طريقه تانيه وهو انك ماتدوس على حاجه ولما تيجى قبل المطب دوس دبرياش وسقط الغيار بتاعك وامشى لكن ده فى استهلاك للوقود اكثر.

2- وهى عكس رقم 1 وهو ان فى ناس لا تضغط دبرياش.
ويتم ذلك لمجرد الكسل بانه ينقل الغيار يعنى مثلا ممكن يكون ماشى على الثالث ويلاقى مطب ويروح دايس فرامل وطالع المطب ومكمل عادى جدا ولا اكنه عمل حاجه وممكن على الرابع عادى

الاضرار :اولا تقليل العمر الافتراضى للموتور بشكل واضح جدا والى هيجرب يعمل الحركه ده هيلاقى العربيه بترجرج منه لما يهدى سرعته لكن فى ناس لا تهتم بذلك
ثانيا إيذاء العفشه ده طبعا علشان مثلا لو انت هتاخد المطب على الثالث هيكون اقل سرعه ليك حوالى 30 فلازم تاخد المطب على سرعه عاليه علشان ماتنقلش الغيار ولو حاولت تدوس فرامل وتقلل السرعه عن كده الموتور هيفصل

3- ده واحد نشيط جدا وبينقل الغيارات من الاول الى الخامس بشكل ثابت ولا يضغط على الدبرياش كثيرا
لكن يوجد مشكله واحده وهو نقل الغيار بدرى يعنى ايه الكلام ده؟
مثلا الراجل بينقل من الثانى الى الثالث من على سرعه 20 ومن الثالث الى الرابع من 40 مثلا

الاضرار: نفس ضرر الموتور بتاع رقم 2 طبعا لان انت بتزود حمل على الموتور جامد جدا
الحل: انا هقولكم على حل كويس جدا ومش هقول الثانى بيبدا من سرعه كذا الى كذا
لكن الحل الامثل هل نقل الحركه لما عداد rbm الى هو بتاع عدد لفات الموتور يوصل لحد 3000 لفه فى الدقيقه (rbm) واحذر انك تنقل الحركه من 4000 لفه مثلا وده هنتكلم عنه فى رقم 4

4- بعض الاشخاص ينقولون الحركه متاخرا بشكل ملحوظ لدرجه تصل الى انه يوصل الى 4000 لفه فى الدقيقه (rbm)

الاضرار: هذا ما يسمى بالاستعمال الشاق للموتور وهذا المصطلح يطلق على من تكون 50% من قيادته على سرعه 120 او اكثر يعنى 4000 لفه تقريبا فى معظم السيارت

تجنب الاربع اخطاء السابقه وستتمتع بموتور جيد باقل الاضرار الممكنه وعلى الاقل تجنب نفسك من الاعطال والمشاكل الى بتحصل على الطريق.
(الموضوع من انشائى)
amir elgamal

[mr_astra]

مشكور على المعلومات المفيدة والنصائح الهامة
تقبل مرورى

[حبيب الناس]

بجد موضع رائع تسلم ايدك علي النصائح الهمة
وفعلا فيه بعض النس بتعمل الاخطاء ده

[mhamdy75]

[miam0502788391]

جزاك الله خيرا
فعلا أخطاء شائعة