قيادة النقل و الاتوبيس!

[كومندا]

[محمد حسن عبد الرحمن]

السلام عليكم

أنا وأعوذ بالله من قول انا بحب السيارات لأبعد الحدود وكنت دائما أحلم بقيادة سيارة أنا هجكى بالظبط اللى حصل معايا أغلب الوظائف اللى ألتحقت بها كانت أمن سكيورتى بامكان كمول سان ستيفانو والفندق وحتى السكنى وأعمال أخرى مختلفة حتى جاء بطريق المصادفة مرورى بشارع أبو قير بالإسكندرية على باب فيلا مطلوب أمن روحت وعملت المقابلة وأشتغلت بالفيلا وهى لرجال أعمال طيب جدا جدا ومحترم فواق الوصف ومش معوج شخصية جديرة بالأحترام كان عنده السيارات الاتية :
1- نيسان صنى موديل 2000.
2-شيفرولية أوبترا 2008 ودية عربيتين نبيتى وأسود.
3- أوبل فيكترا 2008 .
4- مرسيدس كمبروسر أى 200.
5- بى أم دبليو 740 ال أى.
6- فورد أكسبدشين موديل التسعينات محرك 8 سلندر 5500 سى.سى.
بداياتى كان يوم جمعة ولايوجد أحد بالفيلا قولت أتحرك بالعربية داخل الفيلا وكانت أول مرة أدور عربية فى حياتى بس كان عندى خلفية نظرى كبيرة جدا المهم دورت الأوبل فيكترا ونزلت فرامل اليد وجبت أولنى وشيلت دبرياج وحطيت بنزين العربية طلعت طلعة أن أتخضدت ورحت دايس خطر وشداد فرامل اليد ومبطل العربية وخفت وعريقت بعديه بنصف ساعة كانت هديت حولت أرجعها مكانة والحمد لله بعد ربع ساعة قدرت أرجعها مكانها بعدين وكانت تانى مرة سوقت الفورد أكسبديشن ذات الدفع الرباعى طلعت بيها سنه قدام وسنة وراء وبعد كده معرفتش أحركها لأن الدربكوس بتاعها فى التبلوة مش فى الأرض وكانت أتوماتيك بعديها بحوالى 2سنتين طالبت معايا أشتغل سواق بس لأزم اتعلم السواقة بسال واحد صاحب جراج بجوار الفيلا قال لى علشان تتعلم السواقة على الصح أشتغل فى جراج المهم لقيت جراج بجوار البيت عندنا فى محرم بك وكانت هذه هى اللحظة التى أنتظرتها منذ زمن الجراج كبير أرض مساحتها 1500 متر والآخرى الف متر وكان بالجراج يوجد أتوبيسات تريلات عربيات جامبو وميكروباصات عربيات نصف نقل دبابة ونيسان وتويوتا وعربيات ملاكى وأول سيارة سوقتها بالجراج بغرض ركنها كانت شيفرولية جامبو 8000 شاسية طويل بصندوق مقفول تبع شركة مولتو وحبيت قيادة هذه السيارة وسوقت الشيفرولية بجميع أحجمه 4000 - 5000 - 6000 - 7000 - 8000 وتوياتات ميكروباص هاى أس - وتوياتا دوبل كابينة دفع رباعى - وكابينة واحدة ذات الدفع الخلفى بس - ودايهاتسو دلتا وحش النص بالعجلة الدبل والعجلة الفردنية وأتوبيسات ذات 28 راكب وسوقت الل هو حاجة وخمسين بس موديل قديم جدا أحتمال يكون نصر وشيفرولية الدبابة الشكل الجديد ونسيان النص نقل الشكل القديم والشكل الجديد وحوالى 90 % من العربيات الملاكى الجديدة والقديمة سوقتها بس العربيات اللى عاجبتنى جدا الجامبو 8000 شاسية طويل والتوياتا دوبل كابينة دفع رباعى وفتيس غرز وأن شاء الله لو ربنا كرمنى بفلوس هاجيبها ملاكى ليا وسيارتى الحالية لادا 2106 مو 83 - 1500سى.سى والحمد لله على كل شئ وتحية خاصة لكاتب هذا الموضوع وأرجو أنى مكونش رغيت كتير.

أخوكو محمد

[حسام البورسعيدى]

انا اكبر عربيه سوقتها هى فان هيونداى ستاركس



ودى بصراحه عربية رائعه جدا ..

بموتور 2500 CC تيربو ديزل .. والتربو بتاعها انتر كولر .. عزمها رائع جدا .. وفيها كماليات جامده .. فيها تكييف للركاب الخلفيين منفصل عن اللى قدام وفيها تكييف تالت بفتحات تهويه على الجنب الشمال بطول العربيه تحت الكراسى ..

ده غير ان فيها اير باج للسائق وفرامل ABS وحاجات تانية ...

ده غير ان الكراسى كلها كبيره ومريحه جدا وممكن تنام زى كراسى العربية العاديه .. وبياخد ورا 9 ركاب ..


نفسى بقى اسوق تريلا مرسيدس اكتروس الحديثه .. انا اقدر اسوقها لانى سوقتها فى لعبه simulator اسمها euro truck simulator ودى لعبه محاكاه فيها معظم اوبشنز العربية وظروف القياده الحقيقية .....

[SAMER_ENGINES]

شكرا لمروركم جميعاً اللى بجد اسعدنى و مكنتش متوقع تفاعل زى ده و لا مواهب و جرأة زى دى
و بالنسب لـ محمد حسن عبد الرحمن فأنت نورت الموضوع و انا قريت تعليقكك كله و شاكر ليك جدا على تحيتك اللى بجد اسعدتنى فوق ما تتخيل

و عمنا حسام جاب لنا الهيونداى H1 اللى انا نسيتها و اللى انا سوقت الشكلين بتوعها القديم و الجديد فى شركات سياحة و عملت عليها اكتر من امتحان بس محصلش نصيب رغم انى تقدير الممتحن فى السواقة و عادة بيكون كبير السواقين بيكون و الحمد لله ممتاز لكن بتقابل الواحد عقبات زى انى صاحب الشركة عايزك تمضى على ايصال على بياض و حاجات كدة

منتظر اللى لسه مشاركوش فى الموضوع عشان يبينوا لنا خبراتهم المستخبية فى قيادة وحوش الطريق.

[SAMER_ENGINES]

على فكرة يا حسام انا كمان بلعب Euro truck simulator