النسر والماروتى

[ابراهيم داود]

فى سنه 2001 اشتريت عربيه سوزوكى ماروتى مستخدمه من احد معارض بيع المستخدم وجدت على اللوحه العدنيه الاماميه بجوار ملاكى القاهره {نسر}لفيت وشفت النمره الخلفيه لقيت برده {نسر} شوفت الرخصه بتاعتها وجدتها ملك عقيد قل لى صاحب المعرض تسجل ولا تمشى بتوكيل قلت فيها لسه سنتان كنت فرحان{ بالنسر}جدا اخذت اصحابى ورحت مصيف جمصه نسهر وانا داخل مصيف جمصه على البوابه فيه كارته ب 1 جنيه شاف النمره قال لى اتفضل ياباشا بدون ما ادفع الجنيه حسيت وقتها بسعاده جامده وان العربيه دى هتكون وش السعد عليا المهم سهرنا وراجعين حوالى الساعه 3 صباحا عند المخرج بتاع جمصه وجدت عربيات كثيره واقفه على جنب قلت وقتها انت معاك{ نسر} على العربيه وداخل والله بقلب جامد سمعت صوت عالى {اوقف ياماروتى} وقفت جانى امين الشرطه قلى لو سمحت ياباشا الرخصه لسعاده الباشا بصوته العالى قال له شغال ايه ده نزلت من العربيه بسرعه ورحت له قالى انت معلق نسر ليه قلت له شارى العربيه من عقيد رد عليا وشور على كتفه وقال انا عميد شيل النسر قلت له ياباشا العربيه صغيره والنسر عامل لها قيمه قال هتشيل النسر ولا ايه واحد من اصحابى شمات اوى بمفتاح الشقه خلع النسر الامامى والخلفى وانا واقف واعطاهم للباشا طبقهم ورماهم سعتها حزنت جدا واصحابى كانو شماتيين اوى سعتها حسيت ان العربيه معدش ليها اى قيمه وقفت حوالى دقيقتين بصوته تانى الماروتى دى لسه واقفه ليه جريت على العربيه ومشيت واصحابى ماشاء الله طول الطريق مفيش غير النسر والعربيه

[hazem_khidr]

بسيطه كنت تشتري نسر تاني
او ما تقولوش ان دي عربيه شاريها
قوله دي بتاع جوز عمتي او ابن خالتي و واخدها منه

[د0تامر محمد]

ما طار نسر وأرتفع إلا كما طار وقع
ماهم ماليين البلد وكفاية على الورق

[els3edy]

جامد اوي الحوار وبيتكرر بس كويس انه سابك انا بقي اعرف ناس بيتسحب رخصها نوع من الغلاسة بس . عموما اوعا تزعل علي النسر انتا طلعت انصح منهم وبردووووووووووووووو مدفعتش ال جنيهptmnlo123per154

[ابراهيم داود]

عموما اوعا تزعل علي النسر انتا طلعت انصح منهم وبردووووووووووووووو مدفعتش ال جنيهptmnlo123per154
والله يااخى كنت ادفع الجنيه وانا داخل وجنيه تانى وانا خارج بس كان سابه كام شهر انما من اول يوم كانت صعبه

تشكر لردك الجميل