محدش يعرف.....

[eng.ahmed mahmoud]

شكرا لكل الناس اللى رضت على الموضع و انا فهمت انتم تقصدوا اية بس انا عايز اقول حاجة هو الواد وهو بيعمل العربية فضى الفريون القديم و بعدين كبس هواء و قاعد مستنى شوية و بعد ربع ساعة لقيتو بيقولى العربية مبتسربش هواء و راح مفضى الهواء و راح كابس فريون فهو تقريبا عمل اللى حضراتكم قولتو علية بس معرفش بصراحة هو عملو بالكفاءة المطلوبة ولا لا ( اصل دة ضمير) ؟؟ انا بصراحة خايف ليكون فى مشكلة فى التكييف زات نفسة يعنى كباس عايز يتغير او مش عارف اية عايز يتغير انما لو على الفريون مقدور عليها

[bebonet]

المشاركة الأصلية كتبت بواسطة الايطالى الصغير شوف اخى الفاضل انا صحيح مبتدىء وبدات اتعلم من فترة قريبة انما أقدر أفيدك بمعلومة فى الجون زى مابيقولوا السبب هو ان فيه هواء فى دورة الفريون جه منين ؟؟؟ لان الباشا بليه التكيفنجى لازم الاول يتاكد ان ما فيش تسريب واعتقد انه ولا سأل ولا درى ولا اهتم ثانيا ما عملش فاكيوم لدورة الفريون عندك لازم يسحب الهواء والرطوبة الاول قبل ما يشحن وده بيتم بالفاكيوم ولما يوصل عدادات وساعة الشحن يفتح سنة بسيطة علشان يفضى الهواء من خراطيم الشحن قبل الشحن وبعدين يبدا يشحن بنفس نوع الفريون المكتوب على الملصق فى عربيتك وبنفس الكمية المحددة من قبل الصانع كل مشاكل التكييف من دخول الهواء او بقاء هواء فى دورة الفريون روح لحد فاهم وما تقولوش اشحنلى قوله عندى عايز انضف دورة الفريون كلها واشحن على نظافة علشان ما يكفتش الشغل ويختصر لانهم وللاسف حتى الفنيين منهم مش بيتقوا ربنا ومتابع معاك

إنت إطالى صغير إنت
إنت مجرم كبير
هههههههههههه

[الايطالى الصغير]

اول حاجة تعملها

ارجوك ارجع الى كتالوج العربية

او الملصق الى على العربية من جوه

زى ده مثلا




وفيه معلومات كبس الفريون ونوعه وكميته

اكتبهم فى ورقة وما تروحشى لحد الا وانت عارف وفاهم المكتوب فى الورقة

مكتوب النوع المخصص للسيارة

والكمية بالضبط

هو الى بيحصل قدامك

المشكلة الى عندك والله اعلم سببها

زى الاعضاء الافاضل ما قالوا لحضرتك فى المشاركات الى فوق

- نوع فريون غير مناسب

- هواء فى دورة الفريون

لا يخرج عنهم ان شاء الله عزوجل

وشوف أساسى

لازم الاول تتأكد ان ما فيش تسريب قبل ما تشحن

علشان ما ترميش فلوسك فى الهواء


وبعدين خدبالك مش كبس الهواء بس هو اللى يبين التسريب من عدمه

هو ضغط عالى ورفع الضغط علشان يسمع صوت تسريب بودنه ويتلصص ويشوف هل فيه صوت من عدمه

يعنى على الاقل يكشف برغوة صابون

حاجة سهلة وبسيطة وفى نفس الوقت دقيقة

يمشى مع الليات والمواسير ويشوف بعينه ان ما فيش تسريب

ده اضعف الايمان

وفيه الى بيكشف بلمبة هاليد

وفى مراكز بتبقى عندها جهاز بالاشعة الكترونى يعنى لكشف التسريب

بعد كده عند الشحن

اساله ان بتشحن ايه بالضبط نوع ايه

وفهمه انك فاهم علشان ما يخبطكش فريون صينى واقلب بلغه السوق

وعموما فيه موقع على الانترنت لفريون اولاد رزق تقدر تدخل تشوفه

وهو نوع معقول وعلى الاقل أفضل من الصينى


وهيقولك انجليزى وهوصينى

واى حاجة فى اى حته

والدنيا ماشيه

وما فيش مشكلة طالما الزبون هيرجع تانى

مسالة ذمة وضمير

الا من رحم ربك

لان الى قدامك مش شرط يكون خبير

معظمهم بينفذ خطوات حافظها

علشان كده دور على حد فاهم كويس وياريت مهندس تبريد وتكييف

ومتابع معاك