الحلقة الثانية من مسلسل رصاصة الرحمه بطولة المجني عليها هوندا رودستر S2000

[فادى]

فى ستين الف داهية,
عربية فيها الكثير من الاستهبال و الاستعباط.
موتور 2000 سى سى معمول بالضبط زى موتورات الموتوسيكلات, من شركة لا تريد أن تنسى أصلها كمنتج للموتوسيكلات, فراحت تصمم سيارات هى عبارة عن موتوسيكلات بأربعة عجلات.
نظرة لمواصفات المحرك بس هتجعلنا نفهم كيف انه صمم من أجل موتوسيكل و ليس سيارة :
162 lb·ft (220 N·m) @ 6,800 rpm
بالذمة ده كلام؟ عربية المفترض انها رياضية ماشى على عينا و على راسنا بس مش لدرجة انو العزم يكون عند 6800 لفة زى الموتوسيكلات!!
مش بقولوكوا استهبال على استعباط.

[AbOnOrA]

يا فادى ما ده الاسلوب اليابانى فى اغلب العربيات اللى اتصممت فى الوقت ده ومبنى على استخراج اعلى طاقة من المحرك بدون استخدام وسائل تعزيز زى التربو مثلا
بس العبرة مش دايما بنقطة الوصول لاعى قدرة او عزم المهم المنحنى كله يكون سلس ده بالاضافة للجير بوكس بنظام النسب المتقاربة 6 سرعات اللى بيسهل مهمة ادارة محرك عصبى زى ده ويدى عزوم غير عادية على كل السرعات تقريبا ده بالاضافة للشاسية وتوزيع مثالى للوزن اللى هو خفيف اصلا يبقى عندك عربية باداء رياضى حقيقى مش تهريج

وراك وراك انا يا فادى لحد ما تحب اليابانى ptmnlo123per122

[فادى]

المشاركة الأصلية كتبت بواسطة AboNoRa يا فادى ما ده الاسلوب اليابانى فى اغلب العربيات اللى اتصممت فى الوقت ده ومبنى على استخراج اعلى طاقة من المحرك بدون استخدام وسائل تعزيز زى التربو مثلا بس العبرة مش دايما بنقطة الوصول لاعى قدرة او عزم المهم المنحنى كله يكون سلس ده بالاضافة للجير بوكس بنظام النسب المتقاربة 6 سرعات اللى بيسهل مهمة ادارة محرك عصبى زى ده ويدى عزوم غير عادية على كل السرعات تقريبا ده بالاضافة للشاسية وتوزيع مثالى للوزن اللى هو خفيف اصلا يبقى عندك عربية باداء رياضى حقيقى مش تهريج وراك وراك انا يا فادى لحد ما تحب اليابانى ptmnlo123per122

مفيش حاجة اسمها منحنى سلس و منحنى غير سلس, الكلام ده لو المحرك كبير مش صغير 2000 سى سى,و عموما منحنيات المحركات معظمها متشابهة مادامت تخضع للتقنية نفسها.
و بعدين المحركات اليابانى و عن تجربة هى أسوأ محركات شهدتها فى حياتى, صدقنى انا سقت اللانسر و الكورولا و مشفتش محركات أسوأ من كده, استجابة بطيئة, دائما تضطر الى رفع السرعة للاحساس ببعض العزم الضعيف أصلا, معظمها محركات متخلفة تقنيا.
على فكرة ده مش أسلوب يابانى و لا حاجة, ده اسلوب أمريكانى أصلا, و متبع فى معظم السيارات الرياضية و لكن بحساب معين حتى لا يقضى على متعة القيادة, و الفكرة هنا انو منحنى العزم ده مطلوب على الطرقات السريعة, لكنه ممل و سىء جدا فى المدينة.ده غير انو له أضرار بالغة على عمر المحرك.
الهوندا اس 2000 سيارة رودستار عادية و ليست سيارة رياضية, أعتقد ان بيجو 206 سى سى مثلا أفضل منها بكثير.
اليابنيين ليست لهم أى تجربة ناجحة فى خفض الوزن نسبيا, مع ان معظم سياراتهم تفتقر للمتانة و تجهيزات الأمان, بل على العكس معظم سياراتهم ثقيلة الوزن و تفتقد للتوزيع الصحيح, كما أن معظمها يفتقد للثبات, فهم قليلوا الخبرة فى هذا المجال, و لا يمكن مقارنتهم بالماركات الرياضية العريقة مثل فيرارى و بورش و لمبرجينى, و كل انتاجهم من السيارات الرياضية تقع فى فئة السيارات الرياضية الرخيصة التى تستهدف طلبة الجامعات.

العربية رودستار عادية و ليست خارقة و لا حاجة, انا مش هقارنها بفيرارى و لا بورش لأن المسافة بعيدة جدا, حتى لا يمكن مقارنتها مع سيارات مثل كورفيت أو الفايبر أو الفاير بيرد.

وراك وراك انا يا فادى لحد ما تحب اليابانى ptmnlo123per122

صعب يا باشا, Never Ever!ptmnlo123per154 احب اليابانى, أنا عمرى ما هحب اليابانى و لا هركبه, للأسف هو واخد سمعة كاذبة فى مصر لا تمت الى الواقع بصلة, سيارات متخلفة تكنولوجيا و غير ممتعة و لا معمرة, احبها على ايه طيب؟

[AbOnOrA]

هههههههههه

فينك يا هشيموتو (حامل لواء الدفاع عن اليابانى) بيتهئلى لو موجود دلوقتى الموضوع ده كان هيبقى كله رصاص مش رصاصة واحدة بس ptmnlo123per184

بص يا باشا اولا المنتدى بتاعنا ومحدش بيجرى ورانا بس جميل اننا نتناقش بهدووووووووووء وبشكل منطقى وحتى لو موصلناش لتطابق تام فى الاراء فاكيد هنستفيد من بعض سواء بمعلومات فنية او على المستوى الادبى بممارسة ثقافة الاختلاف وتطبيقها بشكل واقعى

اذا كان عندك استعداد توجع قلبك معايا شوية ونتناقش مع بعض فى توجهاتك (القوية جدا ) وافكارك (الراسخة جدا) ضد الصناعة وكمان التكنولوجيا اليابانية يبقى لازم تشارك برأيك فى النقاش ده بتحب انهى مدرسة فى صناعة السيارات
ويسامحنى احمد باشا كمال اذا كنت لغوشت على الموضوع الاساسى

[فادى]

المشاركة الأصلية كتبت بواسطة AboNoRa هههههههههه فينك يا هشيموتو (حامل لواء الدفاع عن اليابانى) بيتهئلى لو موجود دلوقتى الموضوع ده كان هيبقى كله رصاص مش رصاصة واحدة بس ptmnlo123per184 بص يا باشا اولا المنتدى بتاعنا ومحدش بيجرى ورانا بس جميل اننا نتناقش بهدووووووووووء وبشكل منطقى وحتى لو موصلناش لتطابق تام فى الاراء فاكيد هنستفيد من بعض سواء بمعلومات فنية او على المستوى الادبى بممارسة ثقافة الاختلاف وتطبيقها بشكل واقعى اذا كان عندك استعداد توجع قلبك معايا شوية ونتناقش مع بعض فى توجهاتك (القوية جدا ) وافكارك (الراسخة جدا) ضد الصناعة وكمان التكنولوجيا اليابانية يبقى لازم تشارك برأيك فى النقاش ده بتحب انهى مدرسة فى صناعة السيارات ويسامحنى احمد باشا كمال اذا كنت لغوشت على الموضوع الاساسى

طبعا يا أستاذ ابو نورا أنا مستمتع بالنقاش معك, و لا وجع قلب و لا حاجة, النقاش المثمر متعة فى حد ذاته مش وجع قلب.
و الباقى نكمله فى الموضوع الذى اشرت اليه, فالى هناك.