رحلة شراء الكورسا

[وائل شويخ]

هبتدى معاكوا حكايتى من النهاردة وهحكيلكم كل يوم لغاية لما ربنا يوفقنى وأشترى الكورسا الهاتش باك
المهم حسب ما فهمت منكم ومن قراءة بعض المواضيع أن الكورسا 1200 أفضل من ال 1000 علشان الحساسات
النهاردة العصر روحت معرض ولقيت عنده كورسا موديل 98 1000 سى سى وحبيت كده أتفرج عليها
ولقيت فيها بور ونفس المتور بتاعها ولونها جميل وحبيت اجربها
بس لائتها بتحدف شمال ومش راكزه ومش بتجمع بسرعة
وروحت رافعها فى البنزينة وكانت المفاجئة الموتور كبسة زى الزفت عايز عمرة وراشح زيت مش عارف منين والبارومة سارحة وعمل الواجب
والصاعقة أن البيه مالك السيارة طالب فيها 35000 ألف جنية
والحمد لله خلى مزاجى زى الطين وروحت
________________________
معلش طولت عليكوا وياريت نصايحكوا فى الشراء
وعلى فكرة أنا من دمياط ولو فيه حد قريب وفيه عنده ممكن يحصل نصيب وأشترى

[hamaad]

لو موديل 98 وحالة ممتازة يبقى ب 31 الف وما تعديش الرنج دى باى حال من الاحوال بس نصيحة الاوبل الهاتش باك موديلات تسعينات بيطلبوا مبالغ غالية

[AbOnOrA]

طيب ومدايق ليه بس ده انت تسجد لله ركعتين شكر لانه نجاك منها

[وائل شويخ]

طبعا الحمد لله على كل حال
وتسلم يأبو نورا على التعليق
______________
بكرة هشوف كورسا تانية وربنا يسهل وتكون كويسة

[mhamdy75]

الاوبل بالذات تشتريها من مالكها مش من معارض

لأنها لما بتتهان تصرف مصاريف مهولة عشان ترجع تانى