|
#1
26-01-2013, 10:49 PM
|
|||
|
|||
تغيير كوعة ترموستات النوبيرا 2 بأخرى كورى أصلية بالصور
كوعة الترموستات مهمة جدا في دورة تبريد الموتور
ولو سبتها من غير صيانة (تغيير) بتحصل كوارث في العربية زى اللى -لا قدر الله -كانت هتحصلى ومنها 1-ارتفاع درجة حرارة الموتور وبالتالى 2-قلة السحب وبالتالى 3- زيادة استهلاك البنزين وخطورة كبيرة على وش السلندر لو الكوعة نفست أو سربت ببطءوانت مش حاسس زى ما كان بيحصلى والمية كل شوية تنقص فأقوم مزودها رغم انى ما زودتش المية قبل كده من ساعة ما اشتريت العربية فجبت الميكانيكى يبص عليها فقال لى الفكيك : الطرمبة ( يقصد طرمبة المية) واخدة هوا وعايزة تتغير يا إما تشفط الهوا ده من الخرطوم اللى راجع على القربة أو تشوف الطرمبة ولأنى دايما بشك في كلام الصنايعية من أول مرة فقلت أراجع بنفسى دورة مياة الموتور رغم إنى لسه ما أعرفش في الميكانيكا كتيير ... فقمت مدور العربية وبأت أشوف منين بتجى المية اللى بتخس في القربة ....المهم لقيت هوا سخن(بخار مية) طالع من جنب كوعة الترموسات (وهى كوعة فبر طالعة من الموتور وداخلة على الراداتير) ففكيت الكوعة بنفسى ولقيت جزء من الكوعة داخل المكنة متاكل (الشفة اللى بتدخل خو المكنة)وبقية الكوعة سليمة .... قعدت ألف على واحدة كورى أصلية كتيير ما لقيتش..لانى عرفت ان الترموستات اللى بداخلها بيفتح عند درجة حرارة 87درجة مئوية ..فلقيت واحدة صينى بصيت فيها فلقيت الترموستات اللى جواها كله حديد (يعنى هيصدى ولوركبته ممكن الصدا ده يقفل الراداتير) والترموستات اللى داخل القديمة نحاس وفيه اجزاء المونيوم...قمت مجبس القديمة وركبتها فلقيتها بتنقط مشيت بها حوالى اسبوعين لحد ما لقيت الكورى الأصلية محفور عليها علامة الدايو ورقم القطعة وسريال نمبر بالضبط زى القيمة وهى دى صورها 
|
 |
|
|
رد: تغيير كوعة ترموستات النوبيرا 2 بأخرى كورى أصلية بالصور
