|
#6
15-03-2011, 08:29 PM
|
||||
|
||||
رد: جلب المقصات واختلال الزوايا
هاتلك جوز مقصات أسبانى
أو جوز أستيراد نضاف وركبهم وظبط زواياك وبلاش منها قصة الجلب الغير مجديه وخصوصا لعدم توافر المهاره الازمه لشحط جلب جديده مكان الجلب التالفه القديمه
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#7
16-03-2011, 02:28 PM
|
|||
|
|||
|
رد: جلب المقصات واختلال الزوايا
متشكر يا جماعه ....رحت لعفشجى زى ما قال أ/ طارق فقالى الجلب دى فعلا بايظه فقلت له غيرها وامرنا لله...
لما فك الجلب وشفتها فعلا مقطوعه فقلتله انا لسه مركبهم من يومين معقوله لحقكم يتلفو... فقال لى دايما بتقابلنى المشكه دى فى النوبيرا لآن قطع الغيار مضروبه وطبعا بتأثر فى ظبط الزوايا ..ع العموم قدامك حل اما اجلبك جلب الهوندا ونخرطها او جلب عموله احنا بنصنعها مخصوص للنوبيرا بنفس المقاس طالما مقصاتك سليمه قلت له ركب العموله ويادوب نص ساعه وكانت اتحلت وركبت وكبسهم فى المخرطه والعجلتين اتظبطو اى راحت الفتحه الى فيهوم .... وبعدين ظبط الزوايا تانى. نصيحه ...العفشجى عفشجى .... والميكانيكى ميكانيكى ...كل واحد له شغلته...ماعنتش حاعمل شغل عفشه عند ميكانيكى تاااااااانى..... وشكرا
|
|
#8
16-03-2011, 02:39 PM
|
|||
|
|||
|
رد: جلب المقصات واختلال الزوايا
معلش يا م/ سمير انا شفت الرد متأخر...
على فكره قلت اجيب جوز مقصات من الشونه من عندنا من بورسعيد ورحت ودورت بس ...التاجر نصحنى بالحكايه السابقه الى ذكرتها منذ قليل وهى ما تغيرش مقصاتك وتجيب من الشونه طالما هما سلام مش معوجين يعنى مش حتشترى من عندى وتركب علطول لازم تعملهم جلب اضمن...فهيا هيا ## والجديد الى فى السوق كلهم صينى ما فيش اسبانى عندنا يعنى القديمه انظف... شكرا لاهتمامك يا أ/ سمير
|
|
#9
16-03-2011, 03:29 PM
|
||||
|
||||
|
رد: جلب المقصات واختلال الزوايا
المشكله مش فى كون المقصات معووجه
ولكن لما جلب المقصات بتبوظ فتحة الجلب فى المقص ممكن تبقى مش مستديره صح ( عامله شكل بيضاوى ) وفى نفس الوقت طريقة كبس الجلب ليها أصول فنيه وغير مطبقه عندنا فى مصر عموما جرب كبس جلب على مقصاتك السليمه ولكن بتكون العمليه دى نسبة النجاح فيها مش مضمونه وغالبا مبتعمرش
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#10
08-04-2011, 10:00 PM
|
|||
|
|||
|
رد: جلب المقصات واختلال الزوايا
الحمد لله غيرت جلب المقصات من يومين عند الميكانيكي وتم شحط الجلب القديمة وكبس الجديدة عند الخراط والحمد لله العربية بقت صخرة علي الطريق ثبات عالي جدا ما بقتش تعوم حتي مع السرعة وتكلفة جلب المقصات الجديدة ثمنهم 90 جنيه + 30 جلب صلب داخل مجري المسمار بالجلب لاحكام ربط المسامير لان المسامير كانت اصغر من مجري الجلب + 15 جنيه خراط + 45 جنيه ميكانيكي وان كنت حاسس اني اتغلبت شوية في الاسعار ولكن الحمد لله العربية اصحبت مريحة جدا ونسيت العوم وايامه
|
 |
|
|
