|
|||||||
| المناسبات الاجتماعية التهانى والمناسبات الاجتماعية |
 |
|
|
أدوات الموضوع |
|
|||||||
| المناسبات الاجتماعية التهانى والمناسبات الاجتماعية |
|
|
|
أدوات الموضوع |
|
#1
13-07-2008, 08:40 AM
|
||||
|
||||
أخيرااااااااااااااااااااا اا !!!!!!!!!!!!
الحمد لله الحمد لله الحمد لله
أخيرا يا جماعه وبعد عذاب طويييييييييييييييييييل استلمت رخصة القيادة النهارده فعلا الناس ديه بتعمل لمصلحة بلدها اللي يطلع الرخصة هنا يبقى بطل بمعنى الكلمة بجد يعني مش تهريج هنا النظام عبارة عن مدارس للتعليم وكل مدرسة فيها مكتب مرور المهم اللي معاه رخصة خليجي أو أمريكي بيستبدلها بالقطري على طول واللي معاه مصري ليه فرصتين اختبار وما أدراكم ما الاختبار أولا الدنيا زحمة في المدارس جدا ثانيا الامتحان لا هو صعب ولا سهل بس عايز تركيز وعدم خوف من الناس اللي واقفه تتفرج عليك ومن الضباط اللي لو عملت هفوه واحده هتسقط المهم أنا رحت قدمت في شهر 5 وادوني فرصتين الأولانية سقطت في امتحان الإل لأنها كانت أول مرة وبعدين قولت مش مشكلة أخش المدرسة أتعلم لكن أسعارهم نااااااااااااار ال 15 حصة ب 1200 ريال وليك فرضة امتحان واحده وال 25 حصة ب 2000 ريال (يعني 3000 جنيه !!!!!!!!!! ) قولت لا طبعا حرام ب 3000 جنيه علشان أطلع رخصة المهم رحت لواحد سوداني هنا شغال في مدرسة تانية وخليته يديني حصة برايفت ب 200 ريال أعرف بس قواعد الإل والباركينج ورحت امتحنت يوم 7/10 اللي فات والحمد لله الحمد لله ربنا وفقني بس أعصابي كانت باظت والله أنا راكب العربية ورجلي بترعش ومش عايزه توقف خالص بس الحمد لله المشكلة إني كنت ماشي بالعربية من غير رخصة وديه هنا فيها سجن وبعدين ترحييييييييييييل تخيلوا النظام عمل إزاي ؟؟؟؟؟؟؟؟؟؟
__________________
 
|
|
#2
13-07-2008, 08:57 AM
|
||||
|
||||
|
رد: أخيرااااااااااااااااااااا اا !!!!!!!!!!!!
قلبك جامد يا سمسم انك تمشي من غير رخصة
 بس ألف مبروك (طالما القلب أبيض و دعا الوالدين متقلقش من حاجة أبدا)  أنا كنت سمعت طراطيش (شكلها غريب طراطيش دي) كلام عن الاختبارات متحكيلنا و ينوبك الثواب yaa
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#3
13-07-2008, 09:19 AM
|
||||
|
||||
رد: أخيرااااااااااااااااااااا اا !!!!!!!!!!!!
الامتحانات يا سيدي هنا حكاية بص الأول كانوا زمان عبارة عن إل وباركينج وإس وميكانيكا وشارع تخيل ؟؟؟ لكن لما الناس اشتكت خلوها إل وباركينج وشارع بس ، المهم الأول بتخش امتحان الإشارات وبتتسأل في إشارات كثير لازم تكون عارفها وتخيلوا ناس كثيرة جدا بتسقط إشارات الإل أكيد كلكلم عارفينه مطلع بتطلع عليه وتقف في النص (طبعا حواليك يمين وشمال عواميد حديد على قد العربية بالضبط ) وتقف في النص وتشد فرامل اليد وبعدين تطلع تاني لو العربية ريحت لورا سنة أو بطلت أو أمركت وانت طالع ساااااااااااااااقط وبعدين تطلع لآخر المطلع وترج مارشيدير وانت بترجع عند أول المطلع المفروض إنك ترجع وتاخد يمين حرف الإل يعني من غير ما تلمس عامود !!!!!!!!!!!!!!!!! المهم لو نجت ترجع بظهرك على الباركينج اللي هو أنيل وأضل سبيلا عاملين مستطبل متحاوط بعمدان على قد العربية بالملي (العربيات اللي بنمتحن عليها كلها تويوتا كرولا) وسعادتك تركن بظهرك أنا أول ماشفت الشكل قلت استحاله العربية تخش هنا لكن تصدق بتخش الموضوع عبارة عن حسابات وطريقة معينه في الركن يعني تحضن على العواميد جامد وبعدين ترجع لغاية لما أول عامود في البراكينج يختفي عندك في القايم اللي ورا يمينك تقوم تقف وتكسر الدريكسيون كله يمين وترجع لغاية لما اتلعجلة اللي ورا شمال وراك يعني تقف على الخط الأبيض وبعدين تعدل الدركسيون كله العكس خالص وترجع وتبص من الشباك لغاية العجلة اللي قدام شمال تخش جوه الخط الأبيض وبعدين تكسر العكس تاني لغاية لما وش العربية يتعدل جوه ، والضابط عامة مايهموش غير إن العجلتين جوه بصرف النظر العربية معدولة ولا لأ لو خلصت تستنى لما كل الناس تخلص وتتجمع في أتوبيس ونطلع على الشارع الضابط بيركب أربعة معاه كل واحد يسوق حوالي 5 دقايق بس لازم أول ما تركب تعمل نفسك بتعدل المرايات وتربط الحزام وتعدل كرسيك وبعدين تطلع وهو بيقولك يمين ولا شمال وعند التقاطعات لازم تقف وتوريه إنك بتاخد بالك وماتزودش السرعة عن 50 اللي هي السرعة الرسمية داخل البلد الكارثة إنك لو سقطت بتقعد شهر بحاله علشان تعيد الامتحان ولو سقطت تاني إجباري تخش مدرسة تعليم أنا والله كنت بقعد باأسبوع مش عارف أنام وأقعد أحلم طيب لو سقطت هعمل إيه وأسوي إيه بس الحمد لله غمة وانزاحت . عارف والله والله واحد مستشار معانا هنا وكان معانا في مجلس الدولة في مصر كلمته يتوسطلي إن شاء الله يجبلي الامتحان شارع بس وهو يعرف مدير المرور شخصيا والله كان رده بالحرف الواحد ((((((( إنت لو طلبت مني لا موؤاخذه هنا أقلبك ................... أقدر بس رخصة لالالالالالالالالالالالال الا إنسى ))))))))) وعجبي وعظيمة يا مصر
__________________
|
|
#4
13-07-2008, 09:48 AM
|
||||
|
||||
|
رد: أخيرااااااااااااااااااااا اا !!!!!!!!!!!!
مش عارف ليه حسيت بمشاعر قلق و أنا باقرأ كلامك ، حقيق امتحان
بس احساسك بالنظام أكيد حايختلف مع الوقت و حتتفضل مشكلة كبيرة لما ترجع مصر إزاي تتعامل مع الغابة اللي اسمها مصر تاني ألف مبروك و إيه رأيك في احساس الأسرة تاني و بعدين الحمد لله كدة كلة تمام و الخير علي قدوم الواردين . . . . فين الحلاوة angryhead
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#5
13-07-2008, 08:56 PM
|
|||
|
|||
|
رد: أخيرااااااااااااااااااااا اا !!!!!!!!!!!!
ألف ألف مبروك ..... فعلا حمل تقيل و إنزاح .... فكرتنى بحالى من عشر سنوات فى جدة ... بس كان أرحم شوية ... الخبر الكويس إن الرخصة الخليجى تتبدل فورا بدون إمتحان ..... الله يبشرك بالخير ... لأنى أكيد ساقط بالثلث لو أمتحنونى من جديد .... مبروك و خد بالك من الإشارات .....
__________________
تحياتى م/ طارق زياد SPERANZA A620
|
|
| الكلمات الدليلية |
| رخصة قيادة |
|
|
