|
#116
20-08-2010, 12:38 PM
|
||||
|
||||
رد: كل الرجالة اللي في المنتدي تدخل ضروري - سواقة ستات
نكمل رغم عدم وجود مشجعين
ده موضوع تاني عن طريقة مسك الدركسيون نقلته ليكم هنا يمكن يفيد الاخوة والاخوات
اكتر حاجة تغيط بقى الشباب الجامد ابو قلب جامد والبنات الروشة اللي قلبها جمد في السواقة بيعملوا ايييييييييييه ايييييييييييه بيروحوا مرجعين الكراسي لورا وياعم العربية واسعة والكرسي معمول كده علشان تريح جسمك يابني يا حبيبي او يا بنتي الكلام د همعمول علشان ترتاوا في قعده السواقة علشان طول الرجل او الركبة او لو فيه مشكلة في الركبة والارتفاع بمستوي يسمحلك انك تشوف اللي قدامك لا طالما انا شايف وش العربية خلاص يا جمااااااااااااااااااعه الكرسي معمول متحرك علشان طول الشخص اللي يقعد عليه مش معمول علشان ننام عليه واحنا سايقيين دول اللي قلبهم جامد اللي قلبهم ضعيف لسه في السواقة رجالة او ستات طابق بكل جسمه على العربية هيكلبش فيه زي الطفل الصغير لما يكو نخايف وحاضن امه وملكبش فيها ومتسيبينيش يا ماما يا جماعه كده غلك كده عضلات الدراع والجسم بيكون مشدود وميبقاش فيه سرعة في رد الفعل علشان تتصرفوا المطلوب لا افراط ولا تفريط ولا ارجع لورا خااااااالص واسيب الطارة تبعد عني وامسكها بطرف صباعي ولا اكبس على الطارة واتكتف واكون انا وهيا كيان واحد ( اتوحد مع الطارة يعني ) ................. يتبع
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 20-08-2010 الساعة 12:45 PM 
|
|
#117
20-08-2010, 12:58 PM
|
||||
|
||||
|
رد: كل الرجالة اللي في المنتدي تدخل ضروري - سواقة ستات
نكمل
العربية فيها 3 بدالات او دواسات على الترتيب بنزين فرامل دبرياج ده في المانيوال مش هتكلم على الاوتوماتيك لاني مش اعرف فيه حاجة بنزين ده بندوس عليه على حسب الحاجة علشان نحرك العربية لقدام او لورا على حسب الحاجة فرامل بندوس عليها لما نكون عاوزين نقف والاتنين على الجنب اليمي تحت من الدركسيون علشان نستعمل رجل واحده بس علشان مندوس الاتنين مع بعض طب احنا عاوزين نفرمل والا نشد التالت ده دبرياج وده علشان نقل غيارات الحركة في الفتيس اول لما نبدأ نتحرك بناخد الغيار الاول بندوس دبرياج وننقل الغيار في الفتيس على الاول وبعدين نسيب الدبرياج بالتدريج وندوس معاه سنة بسنة بنزين ولا ينفع نسيبه مرة واحده علشان العربية مش تبطل مننا ولا ينفع ندوس بنزين مرة واحده العربية تتبرجل مننا او تفرك ولا محتاجين ده ولا ده والموضوع ميزان بالعقل نسيب هنا وندوس هنا العربية اتحركت لو فيه ارب بي ام او عدد لفات الماتور بكونعارف او عارفه العربية بتاخد عزمها عند كام لفة وبنقل الغيار التاني لو مفيهاش بعد مما اتحرك وانا على سرعة 10 تقريبا اقدر انقل واخد الغيار التاني ومينفعش امشي على الاول فترات طويلة وهكذا التالت وهكذا الرابع وهكذا الخامس بكون عارف الار بي ام عندي على كام انقل او من صوت لاماتور لما يبدأ يعلي او من سرعة العربية بعد لما اتحرك كل ده بالممارسة الممارسة اللي احنا قلنا عليها قبل كده المشكلة الاكبر عن الستات ده الدبرياج ونقل الغيارات ودول مش مشكلتنا احنا في الطريق غير في حاجةو احده ان العربية فيها 4 او 5 غيارات غير الخلفي وطبعا اغلب البنات او الستات او الرجالة اصحاب القلوب الضعيفة او غير المتمرسين ماشيين على الاول والتاني ماشي براحتكم على الاول التاني مش مهم براحتكم لكن على يمين الطريق مش واخدين اقصي اليسار بتاع العربيات اللي بتخطي او اللي واخده سرعة عالية وماشيين فيه على 20 و30 المهم عندنا الفرامل عربية تعدي قدامك تفرمل فجأة وكأنك داخل على حادثة وبينك وبينها 40 متر او 50 متر الطريق وقف وانت او انتي داخلين على الطريق اللي واقف وبسرعتك وبتنسوا الفرامل الفرامل فين يا عبد الرحيم الفرامل فين يا عبد الرحيم وتروح الفرامل واللي قدامك بالسلامة .................. يتبع بعد الصلاة ان شاء الله
__________________
ولا نقول إلا ما يرضي ربنا إنا لله و إنا إليه راجعون
|
|
#118
20-08-2010, 02:34 PM
|
||||
|
||||
|
رد: كل الرجالة اللي في المنتدي تدخل ضروري - سواقة ستات
ونكمل
بدأنا نتحرك بالعربية اخدنا الاول التاني التالت الرابع ايا يكن السعرة اللي ماشيين عليها الفرملة الفجائية بلاش منها قطه عدت في الشارع افرمل واحد ماشي بيني وبينها 100 متر افرمل عربية عملت ستوب وبيني وبينها 50 متر افرمل انا مبقلوش منفرملش انا بقول الفرملة الفجائية لان غالبا اللي ورايا هيلبس فيا ده غير اني هقلب الدنيا بسبب صوت الفرملة والسبب مفيش سبب الاشارات ياريت لما تحب تدخل يمين تدي اشارة قبلها يمين بوقت كافي على الاقل 50 متر قبل الملف بتاعك طبعا كل ما المسافة تكون اطول يكون التنبية افضل خصوصا لو الطريق ماشي مش واقف على الاقل خاااااااااااااااااالص لو مش عارف انت أو انتي داخل اليمين الجاي او لا فعلى الاقل كل اللي ماشي معاك في الطريق عارف انك داخل يمين فيعمل حسابه عليك وطبعا مش عاوزة فهلوة لو داخل شمال يبقى نفس الكلام على الشمال مع تغيير الاتجاهات ومكان الاشارة زي ما قلت قبل كده على حسب نوع العربية اغلب العربيات على يمين الدركسيون اكتشفت اول امبارح في موضوع عن لوجان انه مع الفلاشر على الشمال وفيه عربيات معينه مش فاكرها الاشاره عبارة عن زرار في الدركسيون في اي حال من الاحوال لازم تكون عارف ايه اللي في العربية اللي انت سايقها او انتي سايقاها ............... يتبع
__________________
ولا نقول إلا ما يرضي ربنا إنا لله و إنا إليه راجعون
|
|
#119
20-08-2010, 02:55 PM
|
||||
|
||||
|
رد: كل الرجالة اللي في المنتدي تدخل ضروري - سواقة ستات
الركن
الركن او الباركينج يعني اركن عربتي في مكان لغايه لما اخلص المشوار اللي انا فيه او اذا كانت مركونة في جراج او تحت البيت ايا كان المهم ازاي اركن فيه اماكنانتظار مفتوحة ودي بتكون بمظله او من غير مظله اللي في مظله امرها سهل ومعروف لان كل حارة مخصصة للركن عليها قايم حديد فمعروف مين بيروح فين لكن اللي من غير مظله بقى سواء كان ده باركينج او موازي للشارع او بميل على الشارع فيه اختراع او فكرة محترمة عملوها في المرور اسمه الخطوط الفاصلة بين اماكن الانتظار وده حضرتك او حضرتك لو بصيت او بصيتي كويس وانت او وانتي بتركني هتلاقوه منظم ولونه ابيض او اصفر علشان كل واحد ياخد مساحة واحده على قد عربيته ( ده باعتبار ان البراكنج مخصص لسيارات الصغيرة ملاكي او نقل صغيره ) طبعا اي حد هيقرا دي هيقول ايه العبط ده ودي محتاجه مفهومية هقوله اصل الغريب في الموضوع انك تروح على ماكن للركن تلاقي المكان مخصص ل 3 او 4 عربيات مثلا بالطول وتلاقي واحد او واحده محترمة تفضلت مشكورة وراكت راكنه العربية بالعرض متفهمش ليه هل من باب الكسل او من باب انها مش عارفه تركن او من باب انها بنت مسئول كبير في الدولة وحقها اكبر من حق اي حد تاني او من باب الرخامة والغلاسة الله اعلم لكن فيه حاجة مهمة بقى هنا لو انا مش رايح اركن في مكان مخصص لانتظار السيارات وهركن في شارع عادي او تحت البيت ليها حل من اتنين ملهمش تااااااااااااااااالت لو الشارع واسع يبقى الناس بتركن كلها بميل على الصيق يعني لاعربية تعمل زاوية تقريبا 60 درجة مع الرصيف ودي تسهل على الناس الدخول والخروج وفي نفس الوقت متعطلش الشارع الحل التاني لو الشارع ضيق او لو الكل منتظر صف واحد موازي للرصيف وهنا بقى اغلب المشاكل نقي مكان ركنتك يعني ايه هو احنا لاقيين مكان نركن العربيات بقت اكتر من البين ادميين هقولك عندك حق لكن مينفعش عربيتك طولها 4 متر او 4 متر وشوية وتروح على مكان طوله 3 متر وتقولي اركن ولا جتى على ماكن بطلو عربيتك لازم على الاقل يكون فيه براح يعني المكان الموجود الزم يكون اطول من عربيتك بما لا يقل عن نص متر على الاقل وكمان هركن بصعوبه وعلى اكتر من مرة وانت شخص متمكن فما بالك بقى لو انت مش متمكن ودي شوفتها بعيني عن جارنا معاه 128 والا لازم يركن تحت بيته بالضبط تحسبا لاي حاجة تقع من اي بيت تاني وجهز المكان على ابعاد العربية بالضبط مفيش يمكن 10 سم زيادة طيب هتركن ازاي معرفش ؟؟؟
__________________
ولا نقول إلا ما يرضي ربنا إنا لله و إنا إليه راجعون
|
|
#120
20-08-2010, 02:59 PM
|
||||||||
|
||||||||
|
رد: كل الرجالة اللي في المنتدي تدخل ضروري - سواقة ستات
علشان موضوع الركن ده
نقلت موضوع تاني في المنتدي هنا يارب يعجبكم خلي بالكم دي بنت ايطالية يعني اكيد ايكد جرأتها اكبر من بناتها في السواقة لاسباب كتير من اول رخص تمن العربيات عندهم انتقالا بمساحة اكبر من الحرية عندهم .......... إلخ الخ الخ الخ فما بالنا بالمصريات 
«
الموضوع السابق
|
الموضوع التالي
»
MasrMotors غير مسؤول عن أي
اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر الساعة الآن 04:33 AM.
|
