دستور مصر المسودة الأولى لدستور لجنة الـ50 المعدل

[silverlite]

هل منصب وزير الدفاع تم تحصينه ؟
الاجابة لا.. التحصين فى القانون هو المنع من المسائلة او عدم امكانية الرد او الطعن على القرار .. وهذا غير موجود ويخضع الوزراء ومجلس الوزراء بالكامل لنفس قواعد محاكمة رئيس الجمهورية . فى بعض المناصب السيادية فى الدولة كمنصب النائب العام لا ينفذ تعيينه الا بعد موافقة المجلس الاعلى للقضاء . وفى كل الاحوال المادة انتقاليه ومؤقته ليست ع الدوام . هل يستطيع وزير الدفاع اتخاذ قرار الحرب ؟ ليس من سلطات وزير الدفاع سلطة اتخاذ قرار الحرب وليس لرئيس الجمهورية منفرد ووزير الدفاع مجرد واحد عضو فى مجلس الدفاع الوطنى . مادة 152 رئيس الجمهورية هو القائد الأعلى للقوات المسلحة، ولا يعلن الحرب، ولا يرسل القوات المسلحة فى مهمه قتالية إلى خارج حدود الدولة، إلا بعد أخذ رأى مجلس الدفاع الوطني، وموافقة مجلس النواب بأغلبية ثلثي الأعضاء. فإذا كان مجلس النواب غير قائم، يجب أخذ رأى المجلس الأعلى للقوات المسلحة، وموافقة كل من مجلس الوزراء ومجلس الدفاع الوطني. هل هناك استثناءات على مناقشة ميزانية القوات المسلحة ؟ اوردت مسودة الدستور مادة 124 تشمل الموازنة العامة للدولة كافة إيراداتها ومصروفاتها دون استثناء، ويُعرض مشروعها على مجلس النواب قبل تسعين يومًا على الأقل من بدء السنة المالية، ولا تكون نافذة إلا بموافقته عليها، ويتم التصويت عليه باباً باباً ، وبعدين المادة 203 قال ان اثناء نظر الموازنة يطلب حضور رئيس الشئون المالية فى القوات المسلحة وده شىء عادى لا موازنتها ضخمة مش زى دستور مرسى الا عملها سرية وحوارات !! اخيرا هل الدستور المصرى دستور جامد ؟ يعنى لا يتغير الا من رئيس الدولة ؟ الاجابة لا ويمكن لاى نائب برلمانى التقدم بطلب تعديل مادة دستورية بعد اقرارها من ثلثى مجلس الشعب .. انا هقول نعم على مسودة دستور 2013 ان شاء الله

[tamer.koko]

المشاركة الأصلية كتبت بواسطة ahmed_eng2001 و جزاك الله خير يا استاذ وليد .... انا مش معترض مع حضرتك ... بعد ثورة 25 يناير كان عندنا مشاعر فياضة و حماسة شديدة للتغيير .... و التغيير السريع ... و المشاعر دى لسة موجودة عند اغلب الناس و من الممكن ارد على حضرتك فى موضوع منفصل و نتحاور و نتكلم ببساطة..... بشرط ان الموضوع لا يتطور الى ما تطور اليه كل مواضيع النقاش السابقة و ردى على الاستاذ تامر مش نقض ليه ... انا كنت بشرحله وجهة نظرى الاستاذ تامر اخ فاضل ....هو زميلى الى ماشى جنبى فى الشارع ....و هو زميلى فى الشغل الى بشتغل معاه ... و هو الموظف الى بيمشيلى شغلى ... على ان احترمه و اقف معاه على حدود فى النقاش حضرتك اخ فاضل .... و كما الحال مع الاستاذ تامر .... حضرتك جارى الى ساكن جنبى ... لينا حدود فى التعامل و النقاش ... و اذا وصلنا لطريق مسدود لنا حد للوقوف عنده ... علشان تفضل جارى ... علشان حق الجيرة ... و حق الاخوة ...و حق الوطن اهم من الخلاف فى الرأى .... نفضل انا و حضرتك مختلفين بس بنتعامل مع بعض بود و احنا امامنا الان ... مشروع دستور .. مواد بنحاول نفهم تاثيرها حيكون ايه على مستقبل بلدنا ..... مين مع الاخوان ؟! مين ضد الاخوان ؟! مين مع السيسى ؟! مين ضد السيسى ؟! ممكن نتناقش فى المشكلة دى زى ما احنا عاوزين فى مواضيع تانية ... مع الاخذ فى الاعتبار ان المواضيع دى لا تاخذ اكتر مما تحتمل ... و لا تتطور الا نقض او اهانة اتمنى ان حضرتك لا تأخذ الموضوع على محمل شخصى او ان انا بنتقض حضرتك ربنا يباركلك اتمنى من حضرتك و من باقى الاعضاء الكرام عدم تحويل النقاش على مواد ثابتة .. الى نقاش ( جدال ) عام مرة اخرى ..... ان شاء الله حنفتح مواضيع للحديث عن اعضاء لجنة الخمسين .... عن التصويت الى حصل فى اللجنة و عن اى مواضيع اى حد يحب يتكلم فيها تقبل تحياتى

تحياتي لحضرتك يا بشمهندس احمد
اولا انا لم اتطرق في موضوعكم اللي كنت بتشرحوا فيه المواد وشرح الستور الا بمشاركه اللي شرحت فيها كيفيه ومتي تحويل مدني لمحاكمه عسكريه واعتقد اني مجبتش سيره الاخوان نهائي

والمشاركه بتاعتي اللي هي برد فيها وقولنت نعم للدستور والاونطه والكلام ده اللي ابو نورا علق عليها كانت في موضوع تاني خالص كان عامله شخص ما وانا رديت وقولت نعم للدستور وده رأئيي وحقي اني اقول نعم
اعتقد انه برده من حقي اني احشد بنعم واقول الناس تقول نعم
اما موضوع ان الاخوان خلاص
فدي ردها بسيط يابشمهندس احمد ان في دستور 2012 كانوا هم برده في الحكم واحنا كا معارضه برده م مكنش عندنا فرصه نقول لا للدستور وكمان كانوا بيحشدوا لنعم وهم في الحكم
يبقي اعتقد اني من حقي اني احشد واقول رأئيي بنعم ولا الاخوان تبقي في الحكم وتحشد بنعم للدستور عادي
ولما تتقلب الايه ونبقي احنا في الحكم حرام نحشد ونقول نعم للدستور
وتاني انا مدخلتش في الموضوع بتاعكم للنقاش وحتي مقولتش اي حاجه لولا ضم الموضوعين لبعض لاني برد فقط علي ا للي بساطه مكرث جهده وقته للدفاع عن الاخوان

وعامه انا مش هتناقش معاكم في الدستور لاني ببساطه هقول نعم وهحشد كمان كل معارفي واصدقائئ بنعم
واللي مش عاجبه الدستور يقول لأ دي حريه شخصيه
وعتاب بسيط يا بشمهندس احمد حضتك علقت في مشاركتي وقولت ان الاخوان خلاص واتكلمت معايا بلباقه لانك شخصيه محترمه فعلا
ولكن لما الشخص التاني علق علي كلامك رديت وقولت انك لم تنتقدني ولكن ليه برده مقولتلوش نتكلم عن الدستور ونناقش وننسي الانجازات وعلقت علي كلامه
فده عتاب علي الانحياز الواضح


واخيرا زي ما قال ابو نورا كل طرف منحاز لفصيله بلا تفكير
ولكي الله يا مصر

[tamer.koko]

[SUPER MARIO]

المشاركة الأصلية كتبت بواسطة ahmed_eng2001 فيه شوية حاجات مش فاهمها فى المادة 203 ... منها ... ويختص بالنظر فى الشئون الخاصة بوسائل تأمين البلاد، مجلس الامن القومى .... ويختص بإقرار إستراتيجيات تحقيق أمن البلاد ... ايه الفرق الجوهرى ؟! ويؤخذ رأيه فى مشروعات القوانين المتعلقة بالقوات المسلحة. و دى حاجة كويسة الموازنة ..... انا قرات ان هناك فرق كبير بين الموازنة و الميزانية ...... لم اجد فى الدستور حتى الان ما يشير الى ان هناك اى جهة مختصة ستقوم بالاطلاع على ميزانية القوات المسلحة التى اعرف جيدا انها سرية ممكن تكون سرية للعامة .....بس لازم اى جهة ( لتكن مثلا لجنة خاصة من مجلس النواب ) تراقب او تطلع على ميزانية الجيش ... فى امريكا ... على ما اعتقد ... الجيش بيقدم ميزانيته امام لجنة من الكونجرس للموافقة عليها

لو تسمحلى يا استاذ احمد نكمل كلامنا من حيث وقفنا
انا على قدر معرفتى ان المقصود باستراتجيات تحقيق امن البلاد هى الخطط المستقبلية و طويلة الامد زى استرتيجيات التعامل مع الفكر التفكيرى و اعادة دمجهم فى المجتمع لكن الوسيلة بتاعت تحقيق الامن هى القبض عليهم و ملاحقتهم و الاستراتيجية هى المراجعات الفكرية ليهم اتمنى اكون موفق فى توضيح فهمى لهذه النقطة و ده مثال على انا فهمته و اللى قدرت اوصله فى الفهم و البحث و اتمنى اسمع رد حضرتك
طبعا يا استاذ احمد هناك فرق كبير بين موازنة و ميزانية
كلنا كنا بنسمع ان مشروع الموازنة بتاع الاخوان كان يهدف الى 140 مليار جنيه عجز فقط فى الميزانية الفعلية الموازنة هى توقع مستقبلى لميزانية تحاول تحققها و تلتزم بيها قدر امكانك مجلس الدفاع الوطنى هيناقش ميزانية القوات المسلحة لكن الميزانية مش عارف و سؤالى هل موازنة القوات المسلحة تختلف عن ميزانيتها و هو ده زى ما بيقولوا هيبقى مربط الفرس و اللى هيوضح لحضرتك الاشكالية ديه ليا و ليك

[SUPER MARIO]

المشاركة الأصلية كتبت بواسطة AbOnOrA اونطة ايه بس يا تامر انا اول مرة اشوف نص دستورى يقعد وزير دفاع مدتين رئاسيتين والرئيس ميقدرش يغيره ياراجل ديه بقت مسخرة وونبى يا عم احمد متتكلم عن الاخوان والعسكر متخلينيش احطلك اخبار وصور ومواقف وفيديوهات تملى 100 مشاركة عن صفقات الاتنين مع بعض عامة كل طرف فيكم مبقاش شايف الا نفسه وكتر الكلام ممنوش فايدة انا بس عايز اقول انى رافض الدستور ومقاطع للاستفتاء وما سيترتب عليه

استاذ وائل اولا يزندنى شرف انى اتحاور و اتكلم مع حضرتك
ثانيا النص الدستورى بيقول ان فى اول مدتين فى الرئاسة اذا اراد الرئيس ان يغير وزير الدفاع او يعين وزير جديد فعليه ان يأخذ موافقة المجلس الاعلى للقوات المسلحة مش تحصين للسيسى شخصيا و لا لمنصب وزير الدفاع عامة اتمنى اكون قدرت اوضح وجهة نظرى و عارف انه المجلس العسكرى السابق عامل صفقات مع الاخوان قد يكون بعضها تحت ضغط داخلى و الاخر تحت ضغط خارجى و جزءا ثالث لمصالحهم هم انفسهم
تحياتى لك