|
#31
09-03-2009, 06:09 PM
|
|||
|
|||
رد: عن الانسـيـابيـه ... و الثـبــات ...
معلش يا سام رام انا عارف انى طمعت زيادة.
بس فى معلومة سمعتها وعاوز اتأكد منك لو تعرف يعنى طنت سمت ان العربية الماتريكس فى المنحنيات مش بتميل بدرجة عالية ودة بيديها ثبات ازيد. مع العلم انا معايا ماتريكس وبلاحظ دة فعلا.......فهل فى تقنية فى السيارات عموما بتحقق دة؟؟؟؟؟ياريت لو انت ماعرفتش أى حد يعرف يجاوبنى وربنا يجازيكم خير 
|
|
#32
09-03-2009, 08:48 PM
|
|||
|
|||
رد: عن الانسـيـابيـه ... و الثـبــات ...
اخيرا لقيت حد في المنتدى معاه ماتريكس زيي ptmnlo123per154ptmnlo123p er154 بصراحه انا ليا وجهه نظر خاصه في الماتريكس بالذات في موضوع الثبات مبدئيا ثبات العربيه مرتبط بمركز الثقل ( C.G or Center of Gravity) و مركز الثقل ده كل يقرب من الارض الثبات يبقى احسن و كل ما علي الثبات يبقى اضعف .... وعلشان كده العربيات ال 4×4 ثباتها ضعيف مقارنه بالعربيات السيدان لأنها عربيات عاليه و عفشتها عاليه وبالتالي مركز الثقل عالي نيجي بقى للماتريكس ... العربيه عفشتها عاديه زي اي عربيه سيدان ... لكن سقفها عالي و كراسيها عاليه ... وبالتالي الواحد بيبقى قاعد في مستوى اعلا من بقيه العربيات السيدان ... لكن مركز الثقل زي اي عربيه سيدان او اعلا حاجه بسيطه لكن مش زي ال 4×4 معلش كان لازم المقدمه دي تحيه من ماتريكس لماتريكس ... ptmnlo123per1127 العربيه في الملفات لو مالت بيتنقل مركز الثقل ... وبالتالي بيضعف ثباتها لأن الحمل بيزيد على ناحيه و يقل على الناحيه التانيه .... لكن لو ممالتش بيقى الحمل تقريبا موزع بالتساوي ...(تقريبا لأن طبعا في تأثير الطرد المركزي ) وده سبب ان العربيات الرياضيه بتكون عفشتها قاسيه و شوط المساعد قصير علشان متميلش جامد في الملفات العنيفه ... انا فعلا لاحظت نفس النقطه زي حضرتك( الماتريكس في الملفات مش بتميل جامد) خصوصا ان كان في ملف حاد نسبيا كنت دايما باخده على سرعه 100 بالسيينا و بحس انها اقصى سرعه بثبات و تحكم ... بالماتريكس اخدت نفس الملف على 115 تقريبا و كان ثباتها احسن من السيينا ... وفعلا ممالتش جامد زي السيينا بالرغم من ان كرسي الماتريكس اعلا و بالتالي المفروض الواحد يحس بالملفات اكتر .. لكن للأسف انا مش متعود على القعده المرتفعه و بالتالي احساسي بالثبات مش زي الاول وبالرغم ان العربيه بقالها معايا سنتين لكن مش قادر اتاقلم على الاحساس بالثبات في الملفات لكن هو مجرد احساس ... والله اعلم معلش يا استاذ عظيمه ... طولت عليك .. لكن كان لازم اتوصى طالما طلعت ماتريكس زيي ptmnlo123per1127
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#33
11-03-2009, 12:48 AM
|
|||
|
|||
|
رد: عن الانسـيـابيـه ... و الثـبــات ...
والله يا باشا انت اللى زى العسل ....دة شرف ليه اننا نكون ماتريكساوية زى بعض.
انا باحترم جدا الانسان اللى بيحب الماتريكس مع احترامى لباقى الماركات.... وبعد/ بالاضافة لتفسيرك القيم عن موضوع ثبات الماتريكس فبيتهيالى لو العفشة الناشفة بتدى نوع من الثبات للسيارات الرياضية فمع فارق التشبيه طبعا.. متهيألى عفشة الماتريكس ممكن تكون ناشفة نوعا ما ودة ممكن يساهم فى حكاية ميلها القليل فى المنحنيات . ولا ايه؟؟
|
|
#34
13-03-2009, 12:21 PM
|
|||
|
|||
|
رد: عن الانسـيـابيـه ... و الثـبــات ...
انا بحس ان عفشه الماتريكس عاديه ... لكن متهيألي المقصات هي اللي بتساعد على عمليه الاتزان ...
خايف اكون بفتي لأن موضوع العفشه و المساعدين ده كبير عليا شويه ... ممكن حد من الزملا يساعدنا فيه ... لكن المشكله اللي بحس بيها دايما في الملفات .... الطرد المركزي .. بالرغم ان العربيه مش بتميل جامد لكن بتزحلق من على الكرسي ..... يمكن علشان الفرش ؟؟!!ptmnlo123per1127 المشكله ان لو معايا اي حاجه بتقوم مدلوقه او طايره ... كيس .. شنطه ... موبايل .. دايما لو حطيت الموبايل على الكرسي اللي جنبي ... اول ملف جامد الاقيه في الارض مره واحده طلعت بسرعه والعجل مكسور وكنت بغير اتجاه العربيه .... العربيه لفت من ورا بزياده ... انا مكنتش قاصد( كنت طالع متنرفز بس ).... والحمد لله لميت بسرعه و عدلتها ... لكن اكتر حاجه تضايقني ان العرييه تعمل حاجه انا مش متوقعها هي الفكره في ايه ... ان احساسي الجامد بالطرد المركزي بالرغم من عدم الميل الجامد (نسبيا) بيقلقني في الملفات .... وبحس ان العربيه ممكن تتزحلق في اي وقت ... او لا قدر الله تقلب ptmnlo123per160 على العموم زمن الشقاوه انتهى والماتريكس عربيه عائليه من الدرجه الاولى .... وده احسن علشان الواحد يمشي بهدوء ... وربنا ييباركلنا فيها ... ويرجعنا بالسلامه للاولاد واسف على التأخير في الرد .... لسه شايف الموضوع حالا ... والشرف ليا انا يا استاذ عظيمه
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#35
13-03-2009, 04:05 PM
|
|||
|
|||
|
رد: عن الانسـيـابيـه ... و الثـبــات ...
ولا يهمك يا باشا على التأخير.
انا متهيألى موضوع الطرد المركزى دة بيأكد ملاحظتنا فى عدم الميل الجامد للعربية. لان دة معناه ان الطرد المركزى بيحصل تقريبا على زاوية قريبة جدا للصفر ودة اللى يسبب الزحلقة على الكرسى لكن فى حالة لو العربية بتميل عادى الطرد المركزى حيحاول يرمى الحاجة او ينطرها مش يزحلقها لان زاوية الطرد المركزى حتكون اكتر من الصفر..... تفتكر؟؟؟ptmnlo123per1127
|
 |
|
|
