تعديل سيارة ميكروباص إلى سيارة رحلات ملاكي بسرير

[sad-bird]

المشاركة الأصلية كتبت بواسطة د.محمود صلاح تغيير الترخيص من أجره لملاكي مكلف جدا جدا

نمر الميكروباص الاجرة لوحدها من 20 ل 25 الف
اما عن التغيير من اجره لملاكي فبتقدم طلب احلال وتاخد القديم وتركبله نمر ملاكي وتاخد النمر تعلقها على ميكروباص جديد ولو السواقين عرفت بيها هتلاقيهمزي الرز بيخطفوا النمرة منك ده اولا

ثانيا انا كلامي عن الميكروباص الفولكس لان فيه منه ملاكي كتير وفيه اسر عامله سيارة للعيلة وبالتالي هيكون حالته افضل من اللي شغال اجره

ممكن تضيف اقتراحات اخري
ميكروباص فورد وده بيكون اوسع وماتور ديزل وقوي جدااااااا وتلاقيه على طول في موقف شبين في عبود
ميكروباش تويوتا صيني بيعمل تقريبا 80 الف
مازدا او تويوتا او هيوندااي موديل الثمنانينات والتسعينات
طبعا كل التفكير في ميكروباص علاشن فكرة انك تعمل سرير متنقل وخدمات
لكن ممكن تفكر في عربية قوية وتجيب كرافان او تصمم واحد

[Xpert]

المشاركة الأصلية كتبت بواسطة mostafakamal تعديل سيارة ميكروباص إلى سيارة رحلات ملاكي واستخدامها في السفر والنوم فيها عندي سؤال لكل الأخوة الخبراء في هذا الموضوع وهو: هل يمكن أن أشتري سيارة ميكروباص وأحولها إلى ملاكي وبعد ذلك أعمل تعديلات بالسيارة كل حاجه بالفلوس تنفع ، فأعمل ليها سرير يثني ويفرد مع باقي أدوات لاستخدامها في رحلة مثلا سخان صغير وثلاجة برضه صغيرة ويكون ليها فوق السقف مكان للتخزين صغير وفي الحالة ديه فيه شركات عملت كده بالفعل ، العربية هتكون موتورها كبير، عشان أنا مش عايز موتور كبير قوي، فهل يمكن تركيب موتور مثلا 1600 سي سي بنزين اه ممكن بس ال 1600 مش هايجر الوزن ده .. البنزين انضق من الجار في الاستخدام بس الجاز عزم عن البنزين وممكن السفر يكون مثلا للاسكندرية أو أي مكان تاني مش بعيد قوي ومش مهم تكون العربية مكيفة، التكيف مهم انت في 2011 دلوقتي لو ده ممكن أنهي نوع من الميكروباصات ينفع ويكون أحسن من غيره بالنسبة للمواصفات اللي قلتها، الفولكس موديلات من 80-91 وهل المرور هيرفض التعديلات دي الله اعلم .. اسال الاول .. اللي يسأل مايتوهش.. ، كمان عايز يكون الميكروباص حجمه مش كبير قوي كبير يعني وزن , و التعديلات بالفعل هتاخد وزن كتير .. حط مكنه كبيره و حجم متوسط يبقي انت كده احسن حل ، معلش للاسئلة الكتيرة بس الموضوع ده مهم بالنسبة لي قوي، عشان عايز مثلا مش كل سنة أسافر مكان واحد بس زي الاسكندرية ويكون عندي امكانية السفر براحتي للمكان اللي عايزه، الفندق هايكون ارخص و اسهل و انسب. بس دي مش علشان السفر .. دي علشان المزاج وشكرا اي خدمه

علي فكره بقي .. الفولكس انسب العربيات تعمل فيها كده .. لانه بره اصلاُ معمول كده .. و لو طلعت محظوظ ممكن حد مستورد يجيبه لك نصين . الاكثر انتشاراُ بالخارج هو الفولكس التيايب تو تي ثري او ما يعرف بالترانسبورتر او الفاناجون.


http://en.wikipedia.org/wiki/Vanagon
http://en.wikipedia.org/wiki/Volkswagen_Type_2_%28T3%29

الشركه الالمانيه الشهريه الي بتقوم بتعديله :
http://en.wikipedia.org/wiki/Westfalia

الفولكس كامبر:
http://en.wikipedia.org/wiki/Volkswa...tfalia_Campers

لينكات اضافيه للقراءه :
http://www.camperize.com/

ارخص حل ليك الاتي : هاتشتري ميكروباص فولكس يكون مترخص ملاكي .. و تفضي الميكروباص من جوه. انت عاوزه 5 راكب غير السائق واللي جنبه .. يبقي تجيب كرسين ريكارو اوريجينا زي بتاع الجولف جي تي اي كده يركبوا قدام .. تحط كونصول ظريف كده بينهم يكون فيه مكان تخزين و كاب هولدر .. او تلاجه كده ظريفه صغيره.
تفضي المكان ورا .. تبداء تصمم سرير ورا خالص عند الباب اللي ورا ..بحيث انه تحت السرير يبقي فيه مكان لو قتحت الشنطه تحط فيه الاستبن و الكوريك و بعض اجزاء قطع الغيار .. و كان بتاع بنزين و حبل اضافي و شويه كلام كده ممكن تحتاجه اثناء السفر.
بالنسبه للكنبه اللي قدام و الكنبه الوسطانيه فهاتحاول تشوف حاجه نضيفه اوي تركب تكون بتتلف قصاد بعض بقي و حركات .. ياريت لو استيراد.. او لو مالقتش يبقي ممكن يتفصلوا عموله.
بالنسبه للموتور والعفشه .. لو انا مكانك هاحط في ار 6 كامل بفتيسه بيكون ساينكرو يعني 2 كارونه ورا و قدام .. و طقم جنوط الومونيوم كده اصلي شيك ..
بالنسبه للعادي فحط 2000 سيسي بنزين او جاز علشان يتحمل البلاوي اللي راكبه دي و يقدر يجر.
تكيف باور سنتر كل ده الزامي ..
جميع قطع الغيار تكون اصليه استيراد و يعاد تجديدها بقطع غيار اصليه جديده .. حتي القاطره تكون اصليه .. لان بالنسبه لالات الجر والكروسليه الاساسي فده كله مصمم علي انه يركز القوه و الضعف في مناطق معينه . اما بقي اي حاجه خاصه بالكامبر نفسه فدي عدل فيها براحتك في خدود المعقول

شكليات خارجيه يكون لون ميتاليك .. باكتات فايبر و جنوط الومونيوم. شبكه و فوانيس 90 زي كده :


تركب شبكه نضيفه علي السطح و تريلر هيتش (قاطره) من ورا. و تشوف ملحقه استيراد تخليها في الجراج عند الحاجه ليها. يا سلام لو الميكروباص يبقي هاي دك كمان .. يا سلاام...


الفورد تقيل في وزنه و قليل في قطع غياره .. الامريكاني تقيل في وزنه و كبير في مواتيره .. الفولكس القديم قديم قوي .. التيوتا غالي في قطع غياره و الهيونداي غير اعتمادي و عن تجربه . الايسوزو كويس و شغال بس قيه منه موديل قديم شاسيه قصير و موديل احدث شويه شاسيه طويل .
مش هايبقي رخيص و هايكلف فوق ال 100 الف لو عملته علي مزاجك ..
الحل البديل : تيوتا لاندكروزر 4 باب.

[sad-bird]

المشاركة الأصلية كتبت بواسطة Xpert علي فكره بقي .. الفولكس انسب العربيات تعمل فيها كده .. لانه بره اصلاُ معمول كده .. و لو طلعت محظوظ ممكن حد مستورد يجيبه لك نصين . الاكثر انتشاراُ بالخارج هو الفولكس التيايب تو تي ثري او ما يعرف بالترانسبورتر او الفاناجون. http://en.wikipedia.org/wiki/Vanagon http://en.wikipedia.org/wiki/Volkswagen_Type_2_%28T3%29 الشركه الالمانيه الشهريه الي بتقوم بتعديله : http://en.wikipedia.org/wiki/Westfalia الفولكس كامبر: http://en.wikipedia.org/wiki/Volkswa...tfalia_Campers لينكات اضافيه للقراءه : http://www.camperize.com/ ارخص حل ليك الاتي : هاتشتري ميكروباص فولكس يكون مترخص ملاكي .. و تفضي الميكروباص من جوه. انت عاوزه 5 راكب غير السائق واللي جنبه .. يبقي تجيب كرسين ريكارو اوريجينا زي بتاع الجولف جي تي اي كده يركبوا قدام .. تحط كونصول ظريف كده بينهم يكون فيه مكان تخزين و كاب هولدر .. او تلاجه كده ظريفه صغيره. تفضي المكان ورا .. تبداء تصمم سرير ورا خالص عند الباب اللي ورا ..بحيث انه تحت السرير يبقي فيه مكان لو قتحت الشنطه تحط فيه الاستبن و الكوريك و بعض اجزاء قطع الغيار .. و كان بتاع بنزين و حبل اضافي و شويه كلام كده ممكن تحتاجه اثناء السفر. بالنسبه للكنبه اللي قدام و الكنبه الوسطانيه فهاتحاول تشوف حاجه نضيفه اوي تركب تكون بتتلف قصاد بعض بقي و حركات .. ياريت لو استيراد.. او لو مالقتش يبقي ممكن يتفصلوا عموله. بالنسبه للموتور والعفشه .. لو انا مكانك هاحط في ار 6 كامل بفتيسه بيكون ساينكرو يعني 2 كارونه ورا و قدام .. و طقم جنوط الومونيوم كده اصلي شيك .. بالنسبه للعادي فحط 2000 سيسي بنزين او جاز علشان يتحمل البلاوي اللي راكبه دي و يقدر يجر. تكيف باور سنتر كل ده الزامي .. جميع قطع الغيار تكون اصليه استيراد و يعاد تجديدها بقطع غيار اصليه جديده .. حتي القاطره تكون اصليه .. لان بالنسبه لالات الجر والكروسليه الاساسي فده كله مصمم علي انه يركز القوه و الضعف في مناطق معينه . اما بقي اي حاجه خاصه بالكامبر نفسه فدي عدل فيها براحتك في خدود المعقول شكليات خارجيه يكون لون ميتاليك .. باكتات فايبر و جنوط الومونيوم. شبكه و فوانيس 90 زي كده : تركب شبكه نضيفه علي السطح و تريلر هيتش (قاطره) من ورا. و تشوف ملحقه استيراد تخليها في الجراج عند الحاجه ليها. يا سلام لو الميكروباص يبقي هاي دك كمان .. يا سلاام... الفورد تقيل في وزنه و قليل في قطع غياره .. الامريكاني تقيل في وزنه و كبير في مواتيره .. الفولكس القديم قديم قوي .. التيوتا غالي في قطع غياره و الهيونداي غير اعتمادي و عن تجربه . الايسوزو كويس و شغال بس قيه منه موديل قديم شاسيه قصير و موديل احدث شويه شاسيه طويل . مش هايبقي رخيص و هايكلف فوق ال 100 الف لو عملته علي مزاجك .. الحل البديل : تيوتا لاندكروزر 4 باب.

الف شكر يا باشا على التوضيح ومنك نستفيد
لكن ليا تعليقات

اولا انا اول لما قال قلتله على الفولكس لاني شوفتها قبل كده معموله في برنامج تعديل السيارات ده
ثانيا العربيات الفولكس الصغيرة شغاله ميكروباصات في الجيزة وبناء عليه وبالعقل والمنطق يبقى قطع غيارها موجوده ومتوفرة واعتمادية والا مكنتش اشتغلت
لكن لما اتكلموا في ان العربية هتكون قدييمة والمنظر وكده قلت يبقى الاقتراحات الاخيرة هيوندايا وتويوتا
حضرتك بتقول تويوتا قطع غيارها غاليه لكن نسيت تقول ان اعتماديتها وصيانتها كويسةو وقطع الغيار معمره يعني العمرة ممكن تعدي معاك نص مليون كيلو ده غير ان فيه منها بالتكييف جاهز الموديلات الحديثة ولكن التفكير كان في الصيني لانه ارخص
اما عن الفورد فانا اتكلمت عن نوعيه معينه تحديدا حجمها كبير وبالتالي مواتيرها كبيرة وكلها ديزل وشغاله اصلا خطوط من عبود لشبين الكوم وبالتالي اكيد قطع غيارها متوفرة ورخيصة وزيها زي تويوتا بتتحمل فترات اطول ممن غيرها

اما عن المرور ومشاكله فله حل ممكن يتعمل بالنسبة للسرير وهو انك تعمل سرير يتطبق ويتفرد زي الكنبة الاستوديو والكنتبين الي في النص ممكن تستغني عن واحده وممكن تعملهم بيلفو وممكن تعمل الكنبة الوسطي هيا اللي بتتفرد وتبقى هيا والكنبية الاخيرة سرير وطبعا ممكن تشوف سروجي نضيف وتختار الوان وتعلب فيها زي ما انت عاوز اصفر في اخضر
بيج في اخضر
بيج في اجمر
ابيض في ازرق
والكماليات محدش هيقولك حاجة فيها انت حر في عربيتك يا رب تعملها استوديوا متنقل لكن طبعا اذا هتحط تكييف يبقى لازم ماتور قوي علشان يتحمل الحمولة دي كلها بويقطر يكيف المساحة دي كلها يبقى افضل تخليك في مواتير ديزل كبيرة شوية 2500 و ممكن تحولها غاز علشان توفير الاستهلاك وياريت خبراء المنتدي يدخلوا يفيدونا اكتر في الفنيات

اما عن فكرة ان الفندق ارخص فدي مستبعده لسبب صغير في تصوري انه بيفكر في موضوع السفاري او لو طبيعة شغله تتطلب السفر والتواجد وقت طويل برة بيحتاج مكان يريح مش علشان اريح ساعتين يبقى مبلغ وقدره

كان ليا عم الله يرحمه كان غاوي سفر وصيد يطلع في دماغه في اي وقت يروح طالع على اي شط وقاعد وبالتالي جاب تويوتا لاند كروزر وخلى الكنبة اللي ورا تتفرد وطبعا لان الشنطة حجمها كبير فكان سهل انه يعملها ، وبوتاجاز صغير اللي هو انبوبه في شعلة راكبين في بعض بس مكنش عامل تلاجه طبعا كان بياخد الايس بوكس وكمان مش كان في دماغه تعديل ولا منظر هو كان بيدور على حاجة يرتاح فيها وقت ما يزهق من البيت والدنيا وقرفها ويروح يصطاد

[mostafakamal]

بجد يا جماعة أفكار جامدة أوي وحلوة وكلها ممكن تتنفذ، ولو سمحتم كنت عايز أعرف العربية الفولكس اللي في الصورة دي اسمها فولكس إيه وموديل سنة كام عشان دي شكلها ينفع قوي وكمان كنت عايز أعرف لو قطع الغيار بتاعتها متوفرة وأسعار العربية دي في حدود كام لو حالة نضيفة، وألف شكر على الأفكار دي كلها

[mostafakamal]