ما تيجي نفتكر والدي ووالدتك كانو بيقولولنا ايه

[QUOTE=lovelyboy;291864]

المشاركة الأصلية كتبت بواسطة corsair ذاكر ياموكوس مش فالح غير فى الهيافه والكلام الفاضى هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج) أوعا حد يضحك عليك ويقولك جرب السيجارة دي قوم اقرا لك كلمتين ينفعوك ياريتك تحفظ دروسك زى مانت حافظ الاغانى يا ابني حرام عليك الى بتعمله فينا ده انا سايبالكوا البيت وماشية ومش حتشوفوا وشي تاني وانت فاكر احنا مستنيين منك حاجه كفايه رغي في التليفونات ما فيش مذاكرة على المزيكا .. وازاى بتذاكر و البتاع ده شغال جنبك كنت فين لحد دلوقتى يا صايع ده منظر اودة بني آدم ، انت عايش فيها ازاي؟ هو انا الخدامه الى ابوكم جبهلكم . أبوك عندك أهو اتصرف معاه يأبنى المذاكره مابتخلصش .... نفسى اشوفك مره ماسك كتاب قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت احمد ربنا الاكل الى مش عجبك ده فى ناس مش لقينه انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض بس يا دوب كده زي الفل بس ربنا يخليهموملنا

ههههههههههههههههههههههههه ههههههههههه

حلو اوي لحد كدا وربنا يخليلك الحج والحاجه يا زعيم

المشاركة الأصلية كتبت بواسطة احمد بدر1978 انت نسيت اهم حاجة لو اخدت مفاتيح العربية حطلع روح اللى جابوك لما افتكر تانى حبقى اقولكم

معتقدش ابدا ان والدتك اللي بتقولك كدا اكيد اختك من بعد ما دغدغتلها العربية هههههههههههههههههههههه

[احمد بدر1978]

[QUOTE=corsair;292001]

المشاركة الأصلية كتبت بواسطة lovelyboy معتقدش ابدا ان والدتك اللي بتقولك كدا اكيد اختك من بعد ما دغدغتلها العربية هههههههههههههههههههههه

هههههههههه
والدى الله يرحمة اللى كان بيقولى كده

[ahmed_harb777]

ههههههههههههههههههههههههه هههههه

والله دايما بتفكرنا بحاجات جميله ياابوحميد

واقولك حاجه وماتقولش لحد
فيه كلام لسه بيتقالي لحد دلوقتي بالرغم اني اتجوزت وخلفت
ربنا يخليهم لي

[ابن فنان]

[M.khodary]

انا والدتى -ربنا يبارك فيها- دايما تقول
"بدل ما أنا مش عجباك ابقى روح بيعنى واشتريلك أم تانيه"
اما السيد الوالد فديما يقولنا
"ادى ذقنى لو فلحتوا"
مع ان فى مننا ناس مهندسين ودكاتره فى الجامعه