السوبر تشارجر الكهربائى و هل هو فعال ام لا

[Aymansabry]

السلام عليكم يا جماعه

انا الحقيقه اشتريت سوبر تشارجر كهربائى من امريكا وهو عبارة عن مروحه قويه معدن بتركب فى فلتر رياضى و بتتوصل مكان فلتر الهواء بتاع العربيه .... فكرته انه بيشتغل على البطاريه لما تدوس على المفتاح بتاعه.... و يكبس كميه هواء للمحرك قيسزيد نسبه احترلق الوقود داخل السلندر مما يزيد من قوة الموتور.

طبعا دى النظريه المكتوبه على العلبه... يعنى اللى بتسوقها الشركات ليه واللى بتقول برضه انه ممكن يزود القدرة الحصانيه ل ثلاتين حصان.

طيب انا قراءت الاتى لانى عملت بحث عليه على النت:
1 - فيه اراء بتقول ان قوه الهواء الداخل الى الموتور و المسحوب نتيجه الاحتراق بيكون اقوى من المروحه فبالتالى ملهاش اى لازمه ... و الراى دا من منتديات مواتير فى امريكا.... و هما بيهاجموا الشركات اللى بتنتجه و بتقول عليه انهم نصابين.

2. طب قراءت راى اخر بيقول انه حيكون فعال على السرعات البطيئه ..اما لما تكون العربيه ماشيه على 150 كم مثلا فكمية سحب الهواء من الموتور حيكون اكبر بكتير و بالتالى هو ممكن اصلا يكون عائق... ولو انى معتقدش لانه متوصل بفلتر رياضى زى ما قلت و المروحه كده كده بتلف.

3. فيه راى كمان بيقولك ان مصدر الكهرباء من بطاريه العربيه الى بتشغيل المروحه مش حتكون كفايه و بالتالى قالو لازم يتعمل بطاريه تانيه قويه و تكون مصدر للطاقه ليه!!!

عموما كلها نظريات ... واسأل مجرب ولا تسأل طبيب.... وانا شخصيا بفكر اركبه على الكروز الاتوماتيك عندى بس خايف من كذا حاجه و عايز استشيركو هنا فيها الاخوة الافاضل:

اولا: هل تركيبه سيرفع استهلاك البنزين؟

ثانيا: هل سيكون له صوت عالى ولا حيكون زى الفلتر السبور ؟ ( انا مش عايز دوشه من الموتور على فكرة... احب ازود السحب و على قدر الامكان اكتم الصوت)

ثالثا هل ممكن يبوظ الضفيرة و كهربه العربيه؟ علما بانه سيتم التوصيل مباشرة للبطاريه.

رابعا: تفتكروا ممكن يزود قدرة اد ايه فى القدرة الحصانيه؟ انا يكفينى ازود بس فى الكام نقله الاولانيين ..لان الكروز ما شاء الله بتوصل لل 200 عادى.... لكن طلعتها الاولانيه هىاللى ممكن تكون بطيئه نوعا.

خامسا: اذا كان حد ركبه و شاف فعلا انه عامل فرق فى السحب ياريت يقولنا عن المكان اللى ركبه فيه او اى حد تانى ممكن بيكون بيفهم كويس فى الحاجات دى.... واسف للاطاله و اتمنى اكون برضه اضفت شويه معلومات عنه مما قرءت على النت.

[Aymansabry]

متابع.... حد ليه يا جماعه تجربه عمليه فى الموضوع دا يا ريت تنصحنا

[ramy safwt]

المشاركة الأصلية كتبت بواسطة Aymansabry السلام عليكم يا جماعه انا الحقيقه اشتريت سوبر تشارجر كهربائى من امريكا وهو عبارة عن مروحه قويه معدن بتركب فى فلتر رياضى و بتتوصل مكان فلتر الهواء بتاع العربيه .... فكرته انه بيشتغل على البطاريه لما تدوس على المفتاح بتاعه.... و يكبس كميه هواء للمحرك قيسزيد نسبه احترلق الوقود داخل السلندر مما يزيد من قوة الموتور. طبعا دى النظريه المكتوبه على العلبه... يعنى اللى بتسوقها الشركات ليه واللى بتقول برضه انه ممكن يزود القدرة الحصانيه ل ثلاتين حصان. طيب انا قراءت الاتى لانى عملت بحث عليه على النت: 1 - فيه اراء بتقول ان قوه الهواء الداخل الى الموتور و المسحوب نتيجه الاحتراق بيكون اقوى من المروحه فبالتالى ملهاش اى لازمه ... و الراى دا من منتديات مواتير فى امريكا.... و هما بيهاجموا الشركات اللى بتنتجه و بتقول عليه انهم نصابين. 2. طب قراءت راى اخر بيقول انه حيكون فعال على السرعات البطيئه ..اما لما تكون العربيه ماشيه على 150 كم مثلا فكمية سحب الهواء من الموتور حيكون اكبر بكتير و بالتالى هو ممكن اصلا يكون عائق... ولو انى معتقدش لانه متوصل بفلتر رياضى زى ما قلت و المروحه كده كده بتلف. 3. فيه راى كمان بيقولك ان مصدر الكهرباء من بطاريه العربيه الى بتشغيل المروحه مش حتكون كفايه و بالتالى قالو لازم يتعمل بطاريه تانيه قويه و تكون مصدر للطاقه ليه!!! عموما كلها نظريات ... واسأل مجرب ولا تسأل طبيب.... وانا شخصيا بفكر اركبه على الكروز الاتوماتيك عندى بس خايف من كذا حاجه و عايز استشيركو هنا فيها الاخوة الافاضل: اولا: هل تركيبه سيرفع استهلاك البنزين؟ ثانيا: هل سيكون له صوت عالى ولا حيكون زى الفلتر السبور ؟ ( انا مش عايز دوشه من الموتور على فكرة... احب ازود السحب و على قدر الامكان اكتم الصوت) ثالثا هل ممكن يبوظ الضفيرة و كهربه العربيه؟ علما بانه سيتم التوصيل مباشرة للبطاريه. رابعا: تفتكروا ممكن يزود قدرة اد ايه فى القدرة الحصانيه؟ انا يكفينى ازود بس فى الكام نقله الاولانيين ..لان الكروز ما شاء الله بتوصل لل 200 عادى.... لكن طلعتها الاولانيه هىاللى ممكن تكون بطيئه نوعا. خامسا: اذا كان حد ركبه و شاف فعلا انه عامل فرق فى السحب ياريت يقولنا عن المكان اللى ركبه فيه او اى حد تانى ممكن بيكون بيفهم كويس فى الحاجات دى.... واسف للاطاله و اتمنى اكون برضه اضفت شويه معلومات عنه مما قرءت على النت.

ادخل اقراء موضوعى عن التربو شارجر الكهربى و تجربة تصنيعه و تركيبه


1- بخصوص المنتج الامريكى لا انصحك به لأن مروحته ثقيلة جدا على الموتور و ده بيضعف ادائه اساسا

2-فى حاجه اسمها معدل تدفق الهواء دلوقت عربيتك ليها معدل تدفق هواء قياسى بتتعامل بيه
عشان تفهم العربية ان فيه معدل اعلى متدفق عليها و تخرج بنزين و شرارة مناسبة للمعدل ده لازم كمبيوتر العربية يفهم ده و عشان يفهم ده لازم يكون فى حاجه اسمها ماس فلو سينسور عشان يقراء معدل تدفق الهواء و يفهم الموتور


3- التربو نفسه بيخرج هواء بكميات معينة فى تربو بيخرج 1.5 متر مكعب للثانية و فى تربو بيخرج 2 متر و فى تربو بيخرج 6 متر و فى تربو بيخرج 8 متر مكعب للثانية

و طبعا اختيارك للتربو يعتمد على نوع الموتور و كمية الهواء اللى هتناسبه

4- تركيب التربو بدون العمة يعتبر عملية انتحارية على المدى البعيد الصح بقى انك تجيب العمة و تعالج الجوان بتاعها و تسد الفتحة الثانوية و تخلى العمة بروح واحده تربط عليها خرطوم مريح للتربو و تربط بينهم السينسور اللى قولتلك عليه و بعدين العمة بقى هى اللى تغذى الموتور

5-الصوت اللى عالى ده حسب نوع الموتور بتاعه و حسب فلتر الهواء

6- المفروض فى كل الاحوال التربو ميخقنش الموتور ابدا

7- مينفعش تشغل التربو الكهربة عمال على بطال التربو الكهربة بيشتغل عند الضرورة و الا هياكل البطارية و يهلك الموتور بادرى


8- كفائة النظام من فشلة تعتمد على قدرته فى انتاج الهواء و توظيف القدرة دية صح

اتمنى اكون فدت فى شئ

[Aymansabry]

الف شكر استاذ رامى على اهتمامك فى الرد و النصيحه.... و على فكرة انا قريت موضوعك و اعجبت بالفكرة بتاعتك اللى بتحول ال 12 فولت بتاعه بطاريه العربيه الى 230 فولت و اللى بيها تركب بلاور قوى.... ( على فكرة فى اجهزة بتتباع فى امريكا بتعمل موضوع تحويل الكهربا دا بس على ولاعه العربيه ... يعنى تقدر تشغل تليفزيون او مكنسه كهربائيه مثلا 220 فولت وانت قاعد جوة ) بس خلينا الاول نكون متفقين على بعض المصطلحات المستخدمه لانى اتلخبطت شويه لما حضرتك قلت التيربو ...انا اعرف انه فيه موتور تيربو ... و دا بعتمد على تدوير التوربينات اللى بتدخل الهواء للموتور بالضغط من خلال العادم .... ودا التيربو العادى .. كل ما تدوس بنزين كل ما العادم يخرج و يلف التوربينات اللى بتدفع الهواء للمحرك اللى بتخليه اقوى وله نظام تبريد خاص ..... ودا طبعا نظام تانى مش هو اللى قصدى عليه هنا.... ثانيا التشارجر الميكانيكى .. و هو نفس فكرة التيربو بس الفرق ان المروحه اللى بيخليها تدور سير من الموتور... كل ما تدوس بنزين كل ما السير يخلى المروحه تلف اكتر .. و دا مش موضعنا هنا برضه.... ثالثا بقى التشارجر الكهربائى اللى هو بيعتمد على البطاريه فى ادارة التوربين او المروحه اللى المفروض تدفع الهواء للمحرك اكثر بضغطه زرفهو دا موضوعنا .... صح كده؟ طبعا فكرة حضرتك ممتازة لانك استعملت بلاور و مصدر كهرباء اقوى يخلى البلاور دا يلف بكل طاقته و يدفع هواء بضغط جامد .... بس بالنسبه للموضوع اللى بطرحه هنا فانا مش عايز غير انى انشط العربيه فى الطلعه الاولانيه شويه زياده بس وقت اللزوم .... وكما تفضلت مينفعش طبعا اخلى المروحه دى شغاله على طول ... لان المروحه حتبقى ضعيفه بالنسبه للهواء المسحوب طبيعى داخل المحرك على السرعات العاليه .. اما على السرعات البطيئه .. يعنى اول و تانى و تالت مثلا... فالجهاز اللى بتكلم عليه لو كويس ممكن يفرق شويه و ينشط العربيه .... وبالنسبه للسينسور فعندى فى الكروز كمبيوترالموتور بيظبط نفسه اوتوماتيك على نوع البنزين و على كميه الهواء .... السؤال الان: هل حضرتك شفت حد او سبق و جربت تركب المروحه دى فعليا عندك بدون اى تعديلات زى ما قالو عليها كده ؟ علما بانى شفت فيوهات على اليوتيوب ناس بتقول انها نصب و بتبطاء العربيه حتى ... و فى نفس الوقت برضه سمعت من الميكانيكى بتاعى انه شاف ناس ركبت زيها وانها عامله فرق حلو ... يهمنى اعرف رايك و مع جزيل الشكر

[ramy safwt]

المشاركة الأصلية كتبت بواسطة Aymansabry الف شكر استاذ رامى على اهتمامك فى الرد و النصيحه.... و على فكرة انا قريت موضوعك و اعجبت بالفكرة بتاعتك اللى بتحول ال 12 فولت بتاعه بطاريه العربيه الى 230 فولت و اللى بيها تركب بلاور قوى.... ( على فكرة فى اجهزة بتتباع فى امريكا بتعمل موضوع تحويل الكهربا دا بس على ولاعه العربيه ... يعنى تقدر تشغل تليفزيون او مكنسه كهربائيه مثلا 220 فولت وانت قاعد جوة ) بس خلينا الاول نكون متفقين على بعض المصطلحات المستخدمه لانى اتلخبطت شويه لما حضرتك قلت التيربو ...انا اعرف انه فيه موتور تيربو ... و دا بعتمد على تدوير التوربينات اللى بتدخل الهواء للموتور بالضغط من خلال العادم .... ودا التيربو العادى .. كل ما تدوس بنزين كل ما العادم يخرج و يلف التوربينات اللى بتدفع الهواء للمحرك اللى بتخليه اقوى وله نظام تبريد خاص ..... ودا طبعا نظام تانى مش هو اللى قصدى عليه هنا.... ثانيا التشارجر الميكانيكى .. و هو نفس فكرة التيربو بس الفرق ان المروحه اللى بيخليها تدور سير من الموتور... كل ما تدوس بنزين كل ما السير يخلى المروحه تلف اكتر .. و دا مش موضعنا هنا برضه.... ثالثا بقى التشارجر الكهربائى اللى هو بيعتمد على البطاريه فى ادارة التوربين او المروحه اللى المفروض تدفع الهواء للمحرك اكثر بضغطه زرفهو دا موضوعنا .... صح كده؟ طبعا فكرة حضرتك ممتازة لانك استعملت بلاور و مصدر كهرباء اقوى يخلى البلاور دا يلف بكل طاقته و يدفع هواء بضغط جامد .... بس بالنسبه للموضوع اللى بطرحه هنا فانا مش عايز غير انى انشط العربيه فى الطلعه الاولانيه شويه زياده بس وقت اللزوم .... وكما تفضلت مينفعش طبعا اخلى المروحه دى شغاله على طول ... لان المروحه حتبقى ضعيفه بالنسبه للهواء المسحوب طبيعى داخل المحرك على السرعات العاليه .. اما على السرعات البطيئه .. يعنى اول و تانى و تالت مثلا... فالجهاز اللى بتكلم عليه لو كويس ممكن يفرق شويه و ينشط العربيه .... وبالنسبه للسينسور فعندى فى الكروز كمبيوترالموتور بيظبط نفسه اوتوماتيك على نوع البنزين و على كميه الهواء .... السؤال الان: هل حضرتك شفت حد او سبق و جربت تركب المروحه دى فعليا عندك بدون اى تعديلات زى ما قالو عليها كده ؟ علما بانى شفت فيوهات على اليوتيوب ناس بتقول انها نصب و بتبطاء العربيه حتى ... و فى نفس الوقت برضه سمعت من الميكانيكى بتاعى انه شاف ناس ركبت زيها وانها عامله فرق حلو ... يهمنى اعرف رايك و مع جزيل الشكر

صح كده احنا بنحكى على التربو شارجر الكهربى و ملهوش علاقة بالتربو الميكانيكى او اللى بيشتغل على العادم

بخصوص القطعة اللى انت اشتريتها من بره انا شوفت على النت كذا موضوع و لقيت فعلا بيقولو انها نصبايه تمام

المشكلة بتاعتها زى ما قولتلك بتكون ان وزن المروحة تقيل عشان كده انا مرضتش استخدم مروحة معدن فى التربو اللى عملته خليته على مروحته الفيبر و نضفتها و عشت على كده


التجربة احسن شئ يساعدك و نصيحة التربو متعته فى الغيارات العالية و الجرى و العزوم على المطالع و اخد الغزر بعزم و ثقة الغيارات القليلة مش بيكون فيها لسه معدل ضخ البنزين كويس و مش هتحس بيه غير لو بتعمل دريفتات و عاوز فرق فى العزوم بس


المهم يكون السينسور موجود

بالتوفيق