تجربتى مع مروحة الشاهين فى ال 128 (موضوع مميز جدااا)

[sayed2077]

السلام عليكم ورحمة الله وبركاته

طبعا زى ما الكل عارف ان مروحتى كانت بدأئت تودع خلاص
ومروحتى اللى كانت راكبه كانت مروحة اونو وبصراحه كانت تؤدى الواجب وزياده فعلا ولكن خلاص ده عمرها المهم الكهربائى قالى هات مروحه جديده قلتله هجيب مروحة الشاهين قالى لا كبيرة فروحت عند الراجل بتاع قطع الغيار امبارح الاحد وقلتله وارينى مروحة ال 128 ومروحة الشاهين بصراحه شوفت الاثنين لقيت المروحه بتاعت ال 128 ديه مروحه صغيرة جدا ومتورها صغير جدا وبصراحه شكلها يضحك قلتله طيب ورينى بتاعت الشاهين راح جايب مروحه شكلها بيقول انا وحش فعلا انا قولت ديه الافضل لانها هتبرد بسرعه و مش هتشتغل كتير ومش هتحمل على الدينموا زى ما مروحة الاونو كانت بتشتغل وكدا فقلت اجيبها افضل وفعلا قلتله عاوزها قالى فيه صينى ردىء وصينى نضيف وفيه تركى ماريلى اصلى قلتله هات الصينى النضيف
و القميص كان فيه فبر ب 30 بس ماكنش موجود عنده فجاب قميص حديد خامته جيده جدا ومحملة ب 50 جنية
يبقى كله

مروحة الشاهين الصينى النضيف = 125
قميص المروحه = 50
وجبت ثلاث صواميل مقاس 10 و ثلاث ورد
علشان اجمع المروحه فى القميص بتاعها

وبعدين روحت البيت قعدت اذاكر علشان ورايا امتحان النهارده وطبعا كنت بستنى الوقت يعدى بالعافيه علشان اصحى النهارده الاتنين قبل ما اروح الامتحان اروح اركب المروحه فى العربيه

المهم جت الساعه 11 وفاضل على الامتحان ساعتين قلت اروح الحق اركب المروحه فى ساعه وبعدين امشى الساعه 12 على المتحان الى هيبداء الساعه واحده روحت هناك لقيت العيال اللى شغاله مع الاسطى هما اللى فاتحين والاسطى ماجاش انا قولت انا لسه هستنى روحت قولت للواد هات العده وتعالى راح جايب العده وسميت الله وبدائت شغل فكيت الاول خرطوم المايه اللى رايح على الردايتير و بعدين فكيت المروحه الاونو اللى كانت راكبه بقميصها وشيلتها وبعدين خرجت المروحه الجديده وروحت جمعتها فى القميص بتاعها و ربطت الصواميل كويس ورحت رايح على العربيه علشان اركب المروحه بقى بصراحه فى الاول واجهنى ان المكان ضيق ولكن بالمسايسه المروحه ركبت بامتياز الحمد لله و ربطت الصواميل كويس فى قميص الردايتير مع العلم المروحه القميص بتاعها كبير اكبر من قميص الردايتير نفسه واللى ساعدنى انى اربط المروحه كويس ان المروحه القديمه كان محطوط خوص بتاع سنتر لوك فقدرت اركب الصواميل فيه واثبت المروحه بقميصها الجديد كويس جدا الحمد لله المهم خلاصت ورجعت كل حاجه مكانها وربطت الاسلاك وجيت فتحت زرار المروحه اللى عندى المروحه اشتغلت كويس الحمد لله ورحت بسرعه مدور العربيه وزودت مايه وكانت الساعه 12.30 وفاضل نصف ساعه فقط على بداية الامتحان المهم ركزوا بقى فى اللى جاى وانا رايح الامتحان الطريق كان فاضى فروحت جرى والعربيه ملحتش تسخن منى بس وانا جاى بقى الطريق كان واقف وانا مستنى بقى بفارغ الصبر ان العربيه تسخن علشان المروحه تشتغل ويارتها ما سخنت العربيه سخنت من هنا والمروحه اشتغلت من هنا والعربيه بقت تسخن اكتر وانا طبعا اتجننت قولت ايه ده ديه المروحه الشاهين ديه تعبانه وياريتنى ما جبتها وكنت جبت بتاعت ال 128 احسن وبدائت معناتى فى الزحمه والحر وقعدت امشى شوية واقف العربيه تستريح شوية لغاية بعد ساعه ما وصلت للكهربائى وكان الاسطى جه روحت وقلتله طلع انى كنت قالب السلك والمروحه كانت بتشتغل بالعكس وبالتالى العربيه كانت بتسخن اكتر وانا بمشى من العربيه المهم قلب السلوك وركبها تمام وكل حاجه وقالى اطلع جرب وياريتنى ما طلعت جيت اطلع من هنا ولقيت العربيه راحت فاصله وبقى شياط يطلع من الكونتكت المهم جه فك فبرة الدركسيون وشاف الكونتكت لقا الفبرة بتاعته باظت قالى روح اشترى واحده روحت اشتريت واحده ورجعتله وجه راكبها وجيه يدور برضوا حصل اللى حصل والعربيه شاطت والفبرة فصلت تانى وباظت فجينا نشوف طلع انى لما جيت اركب المروحه فيه سلك اتشال شريط اللحام من عليه وبالتالى بقى لما الماتور يشتغل يتهز السلك ويلمس فكان هو ده اللى بيبوظ الفبرة روحت اشتريت واحده تانية الحمد لله وجينا راكبناها وقالى اطلع جرب وطبعا استنين بفارغ الصبر عقبال ما العربيه سخنت واول ما سخنت والمروحه اشتغل وساعتها كانت الساعه 4 والدنيا حر جداااااااا

ومصدقتش عينى العربيه بردت خلال اقل من دقيقه فقط وده عمروا ما كان بيحصل من مروحة الاونو التعبانه جدااا مقارنة بمروحة الشاهين فعلا العربيه مفيش المروحه يدوب اشتغلت ولقيت مره واحده امبير الحرارة نزل بسرعه جداااا والمروحه فصلت على طول وفعلا غير الاول تماما ونهائيا الاول كانت المروحه ممكن تشتغل بتاع 5 دقايق علشان تبرد دلوقت مفيش دقيه والعربيه تبرد تانى بجد حاجه بسم الله ماشاء الله عليها

وفعلا انصح الجميع اللى بيعانى من الحرارة او مروحته باظت متروحش تشترى مروحة 128 ب 130 لما تقدر تشترى مروحة الشاهين ب 125 وتبريدها افضل واقوى 100 مره من مروحة لعب الاطفال ال 128 والحمد لله على كل شىء واى استفسارات انا فى الخدمه ان شاء الله

اخوكم فى الله سيد

السلام عليكم ورحمة الله وبركاته

[mhamdy75]

شكرا استاذ سيد

على نقل التجربة الناجحة

والله ينور عليك

[الايطالى الصغير]

ألف ألف مبروك والحمد لله على كل شىء واهى تجربة ومن التجارب كلنا بنتعلم وانتى بقى بقيت دكتور فى مسألة المراوح والتبريد وان شاء الله عزوجل انا هغير قريب مروحتى من باب التغيير للافضل مع ان عربيتى مش بتسخن قوى انما حابب اتخلص من مروحة ال128 التعبانة والحياة تعلم وخبرة واكتساب ومعلومات

[sayed2077]

الف شكر لك استاذ محمدى واستاذ الايطالى انت تؤمرنى فى اى شىء

وانا هحط صورة توضح المروحه الجديده وراكبه ازاى

[Vanditta]

مشكور جدا يا استاذ سيد على نقل التجربة
وربنا يباركلك فى عربيتك ويكفيك شرها