يعنى ايه سماعات كمبوننت

[ahmed-casper]

الف شكر يا انجكشن يا معلم بس ليه سؤال هو لو واحد مش مركب سماعات بيضاوى يعنى عنده بس سماعات مدوره ٤ سماعات لو اتوصلو على جى ام و صب او بازوكا ينفع ؟ يعنى البيز بتاع الصب ميغطيش على صوت السماعات ولا عادى؟

[Injection]

لو السماعات ضعيفة ياباشا مينفعش تتوصل على جى أم أصلا, يعنى مش أقل من 200, 300 وات أو أكثر علشان تستفيد منهم ومن الجى أم, أقل يبقوا يركبوا على الكاسيت أحسن.

لو قلنا صب واحدة 12 بوصة, وسماعات العربية الأصلية فقط, البيز هيبقى أقوى من الصوت بس تقدر تتحكم فيه وتوطيه من الكاسيت أو الجى أم بحيث تعادل البيز مع السماعات, ولو عليت البيز على الأخر مش هتبقى سامع غيره لأنه هيغطى على صوت السماعات.

بس طبعا الأحسن أنك تركب سماعتين أقوياء سواء على الجى أم أو الكاسيت, علشان تعادل البيز بتاع الصب بباقى "الأصوات" , بدل ماتبقى ماشى والبيز مسمع فى كل حتة بس مافيش حاجة قدامه.

أنما كل حاجة تنفع, وممكن تركب الصب من غير سماعات خالص.

[ahmed-casper]

طب هى اعلى سماعات مقاس ١٦ بتبقا كام وات؟

[Injection]

المشاركة الأصلية كتبت بواسطة ahmed-casper طب هى اعلى سماعات مقاس ١٦ بتبقا كام وات؟

هو فيه ياباشا الكينوود ال 250 وات ال 3 واى.

وفيه السونى ال 300 وات ال 4 واى.

والبايونيير ال 4 واى ال 280 وات.

دول من بحث على النت, بس أعلى المنتشر فى مصر أعلى حاجة بتبقى فى حدود 300 وات, بس فيه أقل كتير.

وخلى بال حضرتك أن لو جبنا مثلا أمبليفاير 250 وات وركبناه على السماعات ال 300 يبقى كويس جدا, بس لازم الأمبليفاير يبقى أقل من السماعات فى القدرة الماكس علشان مايبوظهاش.

ولو حضرتك عايز صوت بجد لازم بيضاوى, لأن البيضاوى فى حاجات فوق ال 400 وات ومع جى أم كويس, خيال طبعا.

معلش أعذرنى الدنيا ليل وفجر وبتاع, ومش مركز أوى, ربنا يكرمك ياباشا.

[ahmed-casper]

يا باشا صباح الفل و الف شكر بس مشكله البيضاوى عندى ان العربيه هتش باك و الرف خفيف و مش هيستحمل البيضاوى فقلت اقضيها ب ٤ سماعات مدوره اعلى قدره مع جى ام و صب او بازوكا