|
#1
14-09-2011, 11:13 AM
|
|||
|
|||
ايه حكاية اللانسر شارك ؟؟؟
وانا بلف كدا في سوق المستعمل شفت حاجة عجيبة بصراحة :
البومة والكورولا ماسكين سعر اوي اوي اوي زيادة عن المعقول , وفي عربيات محترمة زي بيجو 307... مازدا 3... لانسر شارك.. أوكتافيا A4 و A5 تفتكروا السبب ايه ؟؟ ممكن وقوع السعر في العربيات دي يبقى بسبب ارتفاع التكاليف وكدا , بس اللانسر الشارك سعرها واقع ليه ؟ يا ريت اللي معاه العربية دي يقولنا ايه العيوب اللي تخلي اصحابها يفرطوا في العربية دي بأسعار قليلة ؟ 
|
|
#2
14-09-2011, 11:43 AM
|
|||
|
|||
|
رد: ايه حكاية اللانسر شارك ؟؟؟
الانسر الشارك سعرها واقع لانها بطه بلدي 1500 سي سي علي البودي ده كله
ثانيا كثرة الاقبال علي العربيات ديه هو اللي بيخلي العربية تمسك في السعر زي بردك الماتريكس والفيرنا والانوس ممكن نقول لانها اكثر اعتمادية
|
|
#3
14-09-2011, 12:02 PM
|
|||
|
|||
|
رد: ايه حكاية اللانسر شارك ؟؟؟
الشارك فعلا بطة بلدى
و أقصى سرعة ليها 170 كم/س بتجربة العديد من الاصدقاء يعنى الفيرنا برقبتها .... إبسط يا عم كورسير بس ياترى أسعار الحاجات اللى شفتها فى السوق أيه يا شابرو ؟
|
|
#4
14-09-2011, 06:52 PM
|
|||
|
|||
|
رد: ايه حكاية اللانسر شارك ؟؟؟
يعني يا استاذ كورساير انا لو مش من هواة السرعة والحاجات دي , العربية دي هتبقى كويسة بالنسبالي ؟؟ ولافيها مشاكل بالنسبة لقطع الغيار او عيوب صناعة مخلية الناس مش مقبلة عليها ؟؟
استاذ شريف : طبعا انا مش هفتكر كل الاسعار فهحاول على أد ما أقدر اديك فكرة كويسة عن الحالات النضيفة تويوتا كورولا : 2003 من 70 - 75 2005 من 80 -86 2006 من 88-100 (للحالات الشاذة يعني) 2007 من 95-115 !! (اه والله 115) 2008 و 2009 من اول 95 -110 (تقيلة شوية في البيع والشرا عن الشكل الأقدم) ده بالنسبة لتويوتا .... لانسر EX : تفاوت كبير في الأسعار ,بس بتبدأ من 85 لو العربية فيها بوية معقولة(اكصدامات أو رفرف) لحد ناس كانت طالبة 127 في عربيات تعتبر زيرو , بس مكنش عليهم اقبال وده بيديك فرصة كويسة انك توقع السعر لانسر كريستالة : 45-53 لانسر مكواة : مشفتهاش الصراحة ,بس مش هدفع فيها اكتر من 55-62 لو هشتري البومة :2003-2005 فيها استهبال جامد في السعر , تحس انهم عايزين يقلدوا اللي معاهم 2007 و2008 2007-تفاوت كبير جدا جدا , من اول 65 في الحالات الأقل من الجيدة , لحد 93 للسوبر أكشن معشوقة الجماهير 2008:زود 5 آلاف جنيه.... بالنسبة للبيجو 307 انا شفت منها 3 عربيات 2007 كاملة ب 75 2007 SW ب 83 2008 بيتكلم في 85 ,بس كانت نضيفة اوي الصراحة المازدا 3 موديل 2007 ب 75 موديل 2008 عايز 84 (كاملة , راشة اكصدامات) موديل 2008 ماشية 12 ألف كيلو بيتكلم في 96 الأوكتافيا A5: مو 2006 ب 96 , مو 2007 و2008 من اول 105-118 , بس انا مفهمش فيهم فمقدرش احكم عليها بصراحة وال A4 في الستينات والسبعينات .... هو كل الناس بتقولي ابعد عن العربيات اللي بتزغلل زي السكودا والبيجو والمازدا لان العربيات دي لو هتشتريها تبقى زيرو , غير كدا متفكرش.....ايه اراء حضراتكم ؟؟؟
|
|
#5
14-09-2011, 08:20 PM
|
|||
|
|||
رد: ايه حكاية اللانسر شارك ؟؟؟
العربيات دي لو عرفت توقع واحده مستعمله كويسه تبقي 100 % وخصوصا لاوكتافيا لان العربيات دي اللي بيشتريها دايما ناس كبيره مالهاش في الجري والكلام اللي بيهلك العربيه ده لانها عربيه تقيله في اول 3 غيارات وكمان قطع غيار غاليه
__________________
|
 |
|
|
