ايه رايكوا في الشارك 2011 ولا نروح للسيراتو؟

[MASalex]

كفانا الله وكفاكم شر الحوادث

[medo akef]

حضرتك لو مش من محبي الجري فالشرك ركوبه لا تعوض
لكن لو حضرتك من هواة الجري و يهمك ان يكون تحت رجلك موتور محترم يبقا السيراتو طبعا
الثبات بتاع العربيه بسم الله ما شاء الله جيد جدا و مش بتخف الا بعد 150 و في الاستريد واي ثباتها عالي و في الملفات بردو جيد جدا المشكله بس في الحتت المكسره هي الي بتخل بثبات العربيه بشكل ملحوظ نوعا ما
و عن الخامات هي طبعا اقل من متسوبيشي لكن هي تعتبر جيده
اما عن الصاج فحضرتك صاج السيراتو معالج ضد الصدا اصلا و انا عارف ان الصاج الخارجي ضعيف نوعا ما لكن دا عشان يكون سهل في التشكل لكن الاوايم و الدعامات و الشاسي قويين جدا و فيديو الحادثه دا واضح انها خبطه قويه جدا لكن لا بقت نص عربيه بس ولا السقف بقا علي الكراسي
من نحيه الامن فحضرتك تأكد ان سيراتو سياره قمه الامان ويكفي انها تحمل اسم كيا التي لا تتوقف عن اصدار السيارات الجديره بالاحترام

[MmFFoR]

مفيش 2011
بس السعر في التوكيل القديم _ الفل اوبشن سوبر سبورت كاملة بالعتب و السبويلر و سي دي و اي بي اس و اي بي دي و 2 ايرباج عاملة 128 الف
هاف سبورت عاملة ذ24
اوتو عاملة 112
مانيوال عاملة 105 او 107 الف
السيارة دي احسن من الاكسنت الجديدة و من السيراتو و من الالنترا طبعا
انا جربتها و كانت ايجار يعني معمول فيها البدع و كانت قيادتها ابداع ابداع و موتور متحسش انه 1500 ابدا على الرغم اني بسوق فيرنا كتير لكن ممكن اقولك ان اداءها احسن من الفيرنا
و مفيش صوت خالص جوا الصالون- طبعا لو عملت كيك داون حتلاقي الموتور صوته علي بصورة ممتعة مش مزعجه
انصح بيها طبعا

[spidars]

يا عم توكل علي الله وهات الشارك ومش هتندم علي اختيارك انا لما ركبتها كنت حاسس اني راكب بي ام وسيبك من اي كلام يتقال لانه فتو كله يوقلك بومه وخلاص الشارك لما كنت راكبها كنت ماشي بيها 210km وغرز عل السرعة ديه علي اوسخ طريق فيكي يامصر وهو طريق مصر اسكندرية الزراعي وعلي الرغم من كده عفشتها افضل من البومة والسراتو والرائي الاول والاخير ليك

[خالد مكاوى]

انا كانت معايا شارك من 3 شهور ودلوقتي معايا اوكتافيا a5 وبقولك ان الشارك سواقتها ليهما طعم غير كل العربيات اللي في فئتها ممتعه لاقصي درجة ومش هيعرف قيمتها الا اللي هيسوقها عربية بسم الله ما شاء الله شياكة واخر حلاوة من بره ومن جوه ستابلتي عالي اوي عفشة مريحة جدا وعربية واسعة جدا جدا وتابلوه شيك اخر حاجة وميزتها اللي عاجباني جدا انها مبتحكش في المطبات مهما حملت وده تقريبا اللي شوفته في الميتسوبيشي غير كل العربيات الاوكتافيا بتحك ومعذباني في الحتة دي وصراحة لما هتركب الشارك هتحس فيها براحة نفسيه رهيبة وهتعشقها من اول وهلة بصراحة عربية ركوووووووبة متتعوضش وانا ان شاء الله ناوي اشتريها تاني لاني بلاقي نفسي فيها وبحس فيها بمتعة القيادة فعلا
واللي ينرفز انها منجحتش فمصر مجرد ما الناس طلعوا فيها العيوب من غير حتي ما يجربوها والله حرام علي عربية زي دي حقها انا تكتسح كل العربيات انها متنجحش فمصر وخلوا سعر اعادة البيع بتاعها فالضياع وقطع غيار نار
نصيحتي جرب سوق الشارك وسوق السيراتو من غير تفكير هتميل للشارك وانا متاكد من النقطة دي السيراتو متجيش حاجة جنب الشارك ومحدش يزعل مني انا بتكلم من حكم ركوبي للعربيات مش كلام الناس وفي الاخر استخير ربنا وربنا يوفقك