أدب الرحلات

[خالدخليفة]

المشاركة الأصلية كتبت بواسطة sad-bird يا باشا حد لاقي اصلا ايجار دلوقتي الاسعار نااااااااااااااااااااااار يدوب تلحق تحجزلك كهف قانون جديد وتشترط على صاحب الكهف ان العقد 60 سنة ( اقصي مده مسموح بيها) وان العقد يجدد تلقائيا ( علشان ميرجعش يستندل ويقلك مليش دعوة انا عاوز الكهف بتاعي عاوز استثمره ) ههههههههههههههههههههههههه هه

انتو هتقرو على الكهف
على راى الشاعر
حتى على الكهف لا اخلو من الحسد
ده كان شاعر زى حالاتنا كده ملوش مأوى ولقى كهف ايجار جديد
ههههههههههههههههههههههههه

[خالدخليفة]

ياشباب نزلت العربية دلوقت وانا كنت رشيتها فليت امبارح ولقيت حوالى 150 الف جثة وجبت البواب وبقول له بديموقراطية احسد عليها عايزين ننضف العربية دى فقال / ياباشا مش هينفع دى عايزة تتنفخ وتتغسل بالبخار وتترش دخان وبعدين تتغسل فى البنزينة وتجيبها انضفها لك بعد كده (بيهزر طبعا)
فقلت ايه ده طيب مناخدها نوديها مركز تعقيم ونغسلها بعدها بالفنيك او نفجرها ونخلص
وسايبه عمال ينضف فيها دلوقت لكنه كان زعلاااااااااااان من المنظر وقال لى عربيتك دى الوحيدة اللى مطلعة عينى فى الشارع كله

[خالدخليفة]

نكمل وأمرنا الى الله
فى عام 1999 كان محافظتى المنيا واسيوط فى حالة غليان ومعارك يومية بين الجماعات الاسلامية والشرطة وانا كنت مربى دقنى ايامها ولا ايمن الظواهرى بعد احداث 11 سبتمبر حاجة حلوة كده وجميلة
المهم
كنا مأجرين تاكسى ومحملين بضاعة ورايحين نبيع فى قبلى وقتها السوق كان مريح دخلنا الفيوم مبعناش دخلنا بنى سويف مفيش برضه طلعنا المنيا بعنا فيها شوية اتفتحت نفسنا قلنا نكمل على اسيوط جينا عند بلد اسمها القوصية قبل اسيوط بحوالى 50 كيلو وقلنا نقعد ناكل ودخلت كافتيريا شكلها متعب ومقرف لكن اهو اللى جعنا عندها بقى
ودخلت انا والسواق والراجل اللى شغال معايا
وقعدنا احنا ال3 ييجى نص ساعة محدش سأل فينا والراجل اللى شغال معايا لاحظ ملحوظة غريبة ان الكافتيريا اللى كانت مليانة بالزباين فضيت ومبقاش فيها حد خااااااااالص حتى اللى بيجيبو الاكل للناس مفيش حد والكافتيريا بقت فاضية خاااااالص
ايه الصحراء دى ياجماعة
قمت ادور على حد وكنا قاعدين فى الشارع ودخلت جوه مفيش حد وببص تحت الرخامة اللى بيحضرو عليها الأكل ولقيت 3 قاعدين تحتها ومستخبيين
ايه ياعم انت وهو عايزين ناكل فطلعو رافعين ايديهم وواحد فيهم كلمنى باستعطاف وتقريبا هيعيط / ابوس ايديك احنا غلابة ومااشيين جنب الحيط والله ولانعرف حاجة يابيه
فانا هزرت حيطة ايه يابنى انتو جنب الطريق الزراعى ففوجئت بيه بيتكلم جد وبيقول هنبنى حيطة يابيه وننام جنبها فانا غيرت معالم وشى انت بتهزر فين الاكل قال الاكل كله اهو خد اللى انت عايزه فانا قلت ف سرى / يخرب بيتك الموضوع فيه ان واخواتها قلت له / فى ايه
فقال يابيه فى كل الاحداث اللى شغالة دى والحكومة والجماعات بيضربو بعض وانت جاى دقنك كبيرة اوى ياتبقى مباحث ومخبى نفسك ياتبقى من اعضاء الجماعات وكلهم حلقو دقونهم تبقى مباحث
قلت له / ايه الذكاء الأنوى النادر ده هات الاكل خلينا نمشى احنا ناس تجار فقال وايه اللى جايبك عندنا قلت له اكل العيش فقال بس اكل العيش هنا مر وانا خايف عليك الغريبة انه مكانش راضى ياخد فلوس وكان جايبلنا فول بالزبدة البلدى وبيض بلدى مضروب فى سمن بلدى كلنا لما تعبنا ولما اصريت انى ادفع وانا ماشى فوجئت بيه رافع أيده للسما وبيدعى بصوت عالى
اللهم انصرك على مين يعاديك /يارب ينجيك /فأغشيناهم فهم لايبصرون وكلام شبه ده كتير فقلت ايه ده احنا داخلين حرب والا ايه
والحقيقة كان فى عربيات مدرعة ف كل حتة وتفتيش وقلق رهيييييييب
بس ربنا ستر

[sad-bird]

المشاركة الأصلية كتبت بواسطة خالدخليفة والله فكرتونى بأيام الجامعه خلاص نقول لكم واحدة من بتوع الجامعه انا كنت فى الجوالة فى الجامعة و فى يوم طلعنا معسكر فى نادى السكة الحديد واخدنا معانا شوية معلبات وعلى فكرة ايامنا المعلبات مكانتش منتشرة كده (انا خريج 1987 والحكاية دى حصلت 1983 وانا فى سنة اولى ) و كنا جايبينها بالشىء الفلانى ومخبيينها لسببين الاولانى ان ممنوع تاخد اى اكل معاكى فى المعسكر ومفيش غير اكل المعسكر اللى هو أسوأ اكل فى العالم ويكفى انى اقول لكم اننا مرة فى معسكر من دول قعدنا اسبوع ناكل بطاطس مطبوخة وفى الأخر اكتشفنا انها قلقاس بعد اعتراف احد حبايبنا اللى بيطبخو المهم هربنا المعلبات وسط الحاجة والمعسكر كان اسبوعين وقعدنا اسبوع كامل نستلم الاكل بتاع المعسكر ونركنه وندخل الخيمة بتاعتنا ونفتح علبة فاصوليا ونديها الى ان وقع المحظور احد قادة المعسكر حس اننا مبناكلش فقال فى نفسه /الله اومال الناس دى عايشة ازاى وانا عارفهم أكيلة وخصوصا الواد الصعيدى لانى كنت حوووووووووووووووووت فى الاكل زمان طبعا وكان الرغيف بتعريفة كنت باكل 15 رغيف يوميا قعد يراقبنا اكتشف موضوع المعلبات لكن طلع جدع وقال فيها لاخفيها يااكل معاكم ياافضحكم وخصوصا ان بطنى باظت من اكل المعسكر قلنا له اقعد كل وفعلا فتحنا علبة من اللى بقى لنا اسبوع بناكل فيهم واخد اول لقمة واترمى فى الأرض وصرااااااااااااااخ وبطنى وآآآآآآآآآآآآه قتلتوونى واحنا كلنا اعصابنا باظت حصل ايه م احنا واكلين معاك وبقى لنا اسبوع بناكل وجرينا بيه على مستشفى الحميات فى العباسية هى اللى كانت جنبنا الدكتور عمل له غسيل معدة وقال ده اكل اكل بايظ وبشجاعتى المعهودة طلعت له وقلت بثقة عجيبة/ بايظ ازاى يادكتور م احنا بقى لنا اسبوع بناكل فيه فقال طب هاتولى العلب بتاعته فجبناهم لاننا كنا بنخبى العلب علشان متبانش فى الزبالة ويدورو على اصحابها وبص عليها وكان موضوع تاريخ الصلاحية ده لسه جديد فى مصر فقال دى منتهية الصلاحية بقى لها 6 شهور وده يؤدى الى نمو بكتريا مش عارف ايه وتضخم بكتريا ايه وبالتالى يعمل ايه فبصينا لبعض واستغربنا م احنا بقى لنا اسبوع بناكل فسكتنا ورجعنا المعسكر لقيت قائد المعسكر مستنينى انا و2 تانى مهو عار ف ان محدش يعمل المشاكل غيرى وقال مين جاب المعلبات فانا قلت لقيناها هنا قال باستغراب / لقيتوها ؟؟؟؟ فقلت بمنتهى الثقة / ايوه فقال /انت ومين قلت انا وفلان وفلان وكانو معايا وكنا عصابة مع بعض وهو عارف انى مبعملش حاجة لوحدى فقال طيب بما انكم لقيتوهم فانتو محرومين من العشاء لمدة اسبوع وهتقفو انتباه فى قلب المعسكر لمدة ساعتين بيكدرنا طبعا اتظلمنا وازاى وظلم والحبتين دول بس هو حبيبنا يعنى عاقبنا ادام اعضاء المعسكر والساعة 3 الفجر كان بيبعت لنا حد من المطبخ هو بيثق فيه يجيب لنا اكل وقال بعد المعسكر وكنا قاعدين على القهوة سوا انا من الاول قلت طالما مصيبة يبقى انت فيها ههههههههههههههههههههههه

ده انت جوال زي حالاتي بقى( جوال بتشديد الواو علشان محدش يقرا غلط ) لو اني احدث منك كانو الناس باعوا شوية من اخلاقهم والمقالب بقت كتييييييييييييييييييييييي يييييييييير اكتر مما تتخيلو

[sad-bird]

المشاركة الأصلية كتبت بواسطة خالدخليفة نكمل وأمرنا الى الله فى عام 1999 كان محافظتى المنيا واسيوط فى حالة غليان ومعارك يومية بين الجماعات الاسلامية والشرطة وانا كنت مربى دقنى ايامها ولا ايمن الظواهرى بعد احداث 11 سبتمبر حاجة حلوة كده وجميلة المهم كنا مأجرين تاكسى ومحملين بضاعة ورايحين نبيع فى قبلى وقتها السوق كان مريح دخلنا الفيوم مبعناش دخلنا بنى سويف مفيش برضه طلعنا المنيا بعنا فيها شوية اتفتحت نفسنا قلنا نكمل على اسيوط جينا عند بلد اسمها القوصية قبل اسيوط بحوالى 50 كيلو وقلنا نقعد ناكل ودخلت كافتيريا شكلها متعب ومقرف لكن اهو اللى جعنا عندها بقى ودخلت انا والسواق والراجل اللى شغال معايا وقعدنا احنا ال3 ييجى نص ساعة محدش سأل فينا والراجل اللى شغال معايا لاحظ ملحوظة غريبة ان الكافتيريا اللى كانت مليانة بالزباين فضيت ومبقاش فيها حد خااااااااالص حتى اللى بيجيبو الاكل للناس مفيش حد والكافتيريا بقت فاضية خاااااالص ايه الصحراء دى ياجماعة قمت ادور على حد وكنا قاعدين فى الشارع ودخلت جوه مفيش حد وببص تحت الرخامة اللى بيحضرو عليها الأكل ولقيت 3 قاعدين تحتها ومستخبيين ايه ياعم انت وهو عايزين ناكل فطلعو رافعين ايديهم وواحد فيهم كلمنى باستعطاف وتقريبا هيعيط / ابوس ايديك احنا غلابة ومااشيين جنب الحيط والله ولانعرف حاجة يابيه فانا هزرت حيطة ايه يابنى انتو جنب الطريق الزراعى ففوجئت بيه بيتكلم جد وبيقول هنبنى حيطة يابيه وننام جنبها فانا غيرت معالم وشى انت بتهزر فين الاكل قال الاكل كله اهو خد اللى انت عايزه فانا قلت ف سرى / يخرب بيتك الموضوع فيه ان واخواتها قلت له / فى ايه فقال يابيه فى كل الاحداث اللى شغالة دى والحكومة والجماعات بيضربو بعض وانت جاى دقنك كبيرة اوى ياتبقى مباحث ومخبى نفسك ياتبقى من اعضاء الجماعات وكلهم حلقو دقونهم تبقى مباحث قلت له / ايه الذكاء الأنوى النادر ده هات الاكل خلينا نمشى احنا ناس تجار فقال وايه اللى جايبك عندنا قلت له اكل العيش فقال بس اكل العيش هنا مر وانا خايف عليك الغريبة انه مكانش راضى ياخد فلوس وكان جايبلنا فول بالزبدة البلدى وبيض بلدى مضروب فى سمن بلدى كلنا لما تعبنا ولما اصريت انى ادفع وانا ماشى فوجئت بيه رافع أيده للسما وبيدعى بصوت عالى اللهم انصرك على مين يعاديك /يارب ينجيك /فأغشيناهم فهم لايبصرون وكلام شبه ده كتير فقلت ايه ده احنا داخلين حرب والا ايه والحقيقة كان فى عربيات مدرعة ف كل حتة وتفتيش وقلق رهيييييييب بس ربنا ستر

ههههههههههههه
ارهاااااااااااااااااااااا ابي
ههههههههههههههههههه
ابوس ايدك انا فطرت وعاوز انام كده مش هنام للصبح