أسئلة أتمنى أن أجد لها إجابة

[sgdlhk]

السلام عليكم جميًعا:
عندي كام سؤال:
1- سعر الرداتير كام ومنين؟ (لأني الفتحة اللي بيمسك فيها الخرطوم فكت وعملتها بلصق بعد ما كانت الميه كلها اتسربت والعربي سخت، واللي شفها قالي عيزة تغير رداتير، وواحد تاني قالي هفك الوش والفوانيس وأطلع الرداتير واخطلك ماسورة نحاس وألحمها على البارد فقلقت )..

2- ما هي أعراض تغيير تيل الفرامل؟ بسمع صوت تزييق خفيف كده قبل ما توقف، وحاسس إنها ضعفت شويه.

3- منين أشتري علبة شكمان أمامية وبكام؟ علبة الشكمان الأمامية كانت اتشرخت (اللحام فك)، رحت لحمته بس برده صوتها مش زي الأول.

4- مقياس زيت الماتور في اخره جزء بلستك أصفر، وأنا بغير زيت لقتها مكسورة وباقي القطعة مش موجود، يعني ممكن يكون نزل في مكان الزيت، فهل ده فيه خطورة على العربية؟ أنا ماشي بيها بقالي فترة ومافيهاش مشاكل.

5- كشفت على المساعدين وكله تمام والحمد لله، بس المساعد يمين أمامي لو أخدت مطب بسرعة شويه بسمعه كأن بيطق. انا سمعت كلمة بطاحات دي ليها علاقة؟؟ ولا ممكن يكون أيه.

6- صوت كمبروسور التكييف عالي حبتين وبيعلى مع الأر بي إم، غير الأول، بس شغال تمام، ده عادي ولا باين عليه هيبوظ قريب؟

7- فيه صوت حكه كده بيظهر لحظة تشغيل العربية ولما رحت للتوكيل قالي دي طرمبة الميه وكان عايز يغيرهالي وقالي إنه علشان تتغير لازم تفك الكتينة ولو اتفكت لازم تغير كل حاجة معاه وكان عايز بتاع 1400 جنيه، بس الحمد لله مكنتش عنده فمغيرش ولا فك حاجة والحمد لله مافيشها مشاكل غير الحكه دي اللي بتظهر وقت التشغيل فقط لا غير، وغالبًا العربية مش بتتحرك غير مرة أو مرتين كل أسبوع. فيه حد حصل ده عنده قبل كده؟

8- الدركسيون بيتحرك مع المطابات يمين وشمال على السرعات البطيئة، هل ده عادي ولا في حاجة بيظة؟

9- العربية بتجيب سرعة الـ 100 والأر بي إم على 3200 لفة تقريبًا. هل ده كويس ولا فيه حاجة غلط؟

أخر سؤال بقه، بفكر أبيعه وأغير للـ m11، بس متردد، هل الفرق في الفلوس والمبلغ اللي هدفعه يستهال؟ مش عارف

جزا الله خيرًا كل مجيب.

[moustafa.peace]

كل الحاجات دية جت مع بعضها مرة واحدة ..... عربيتك موديل كام وعاملة كام كيلو

[sgdlhk]

المشاركة الأصلية كتبت بواسطة moustafa.peace كل الحاجات دية جت مع بعضها مرة واحدة ..... عربيتك موديل كام وعاملة كام كيلو

معلش بقه كنت محوشهم
موديل 2008 وعمله 62000 كيلو

[moustafa.peace]

على العموم ان شاء الله خير
بصراحة انا معرفش سعر الردياتير كام
بالنسبة للتيل يتغير لما تسمع صوت صفارة فى الفرامل وانت بتفرمل لان الصفارة دية معناها ان التيل بدأ يجيب اخرة
الدريكسيون اعتقد عادى انة يتحرك مع المطبات بس لو مطبات جامدة اللى هى النقر بتاعت شوراعنا الجميلة اسف دا كل اللى اعرفة وتقبل مرورى

[mhamdy75]

المشاركة الأصلية كتبت بواسطة sgdlhk السلام عليكم جميًعا: عندي كام سؤال: 1- سعر الرداتير كام ومنين؟ (لأني الفتحة اللي بيمسك فيها الخرطوم فكت وعملتها بلصق بعد ما كانت الميه كلها اتسربت والعربي سخت، واللي شفها قالي عيزة تغير رداتير، وواحد تاني قالي هفك الوش والفوانيس وأطلع الرداتير واخطلك ماسورة نحاس وألحمها على البارد فقلقت ).. شارع دمشق وحوالى 400 جنيه 2- ما هي أعراض تغيير تيل الفرامل؟ بسمع صوت تزييق خفيف كده قبل ما توقف، وحاسس إنها ضعفت شويه. ماتقلقش شوية ويطبع مكانه ويمسك زى الفل 3- منين أشتري علبة شكمان أمامية وبكام؟ علبة الشكمان الأمامية كانت اتشرخت (اللحام فك)، رحت لحمته بس برده صوتها مش زي الأول. برضو شارع دمشق فى ابو الفتوح وفى عزيز جرجس 4- مقياس زيت الماتور في اخره جزء بلستك أصفر، وأنا بغير زيت لقتها مكسورة وباقي القطعة مش موجود، يعني ممكن يكون نزل في مكان الزيت، فهل ده فيه خطورة على العربية؟ أنا ماشي بيها بقالي فترة ومافيهاش مشاكل. هاتنزل مع غيار الزيت عند فك الطبة 5- كشفت على المساعدين وكله تمام والحمد لله، بس المساعد يمين أمامي لو أخدت مطب بسرعة شويه بسمعه كأن بيطق. انا سمعت كلمة بطاحات دي ليها علاقة؟؟ ولا ممكن يكون أيه. هى البطاحات دى 6- صوت كمبروسور التكييف عالي حبتين وبيعلى مع الأر بي إم، غير الأول، بس شغال تمام، ده عادي ولا باين عليه هيبوظ قريب؟ ممكن تراجع فنى تكييف أحسن 7- فيه صوت حكه كده بيظهر لحظة تشغيل العربية ولما رحت للتوكيل قالي دي طرمبة الميه وكان عايز يغيرهالي وقالي إنه علشان تتغير لازم تفك الكتينة ولو اتفكت لازم تغير كل حاجة معاه وكان عايز بتاع 1400 جنيه، بس الحمد لله مكنتش عنده فمغيرش ولا فك حاجة والحمد لله مافيشها مشاكل غير الحكه دي اللي بتظهر وقت التشغيل فقط لا غير، وغالبًا العربية مش بتتحرك غير مرة أو مرتين كل أسبوع. فيه حد حصل ده عنده قبل كده؟ لما يحى ميعاد الكاتينة ضرورى جداَ تغيرها 8- الدركسيون بيتحرك مع المطابات يمين وشمال على السرعات البطيئة، هل ده عادي ولا في حاجة بيظة؟ طالما بيتحرك ويرجع يبقى عادى يعنى المهم ما تحدفش 9- العربية بتجيب سرعة الـ 100 والأر بي إم على 3200 لفة تقريبًا. هل ده كويس ولا فيه حاجة غلط؟ كده تمام أخر سؤال بقه، بفكر أبيعه وأغير للـ m11، بس متردد، هل الفرق في الفلوس والمبلغ اللي هدفعه يستهال؟ مش عارف لو معاك الفرق وعايز عربية واسعه هاتها وهى تستاهل الفرق جزاك الله خيرًا كل مجيب.

وجزاك مثله