|
#1
20-05-2009, 02:39 PM
|
|||
|
|||
حادثه في جهاز الاشعه بدار الفؤاد .. بين الاهمال و الفساد
حادثه في جهاز الاشعه بدار الفؤاد مابين الاهمال و الفساد واقعه شخصيه حصلت لأمي داخل جهاز اشعه الرنين المغناطيسي ... بمستشفى دار الفؤاد فعلا اصابه في الرأس و نزيف دماء ودخول الطوارئ للعلاج بسبب جهاز ال MRI بمستشفى دار الفؤاد ... البدابه ... والدتي منذ اكتر من اسبوعين تعاني من الام مزمنه بظهرها تمنعها من النوم ليلا او نهارا ... هي سيده مسنه تجاوزت الاربع و ستون عاما ... و منذ ما يقرب من 17 عاما اجرت عمليه الانزلاق الغضروفي ... ومنذ عده سنوات تعاني من الام متقطعه نتيجه ضغط الفقرات على العصب ... واجرت العديد من الفحوصات و الاشعه .... الي ان اصابها الملل واصبحت تستعين بالصبر و الراحه لعده ايام كلما زارها الالم ... ولكن الزائر الثقيل ابى ان يتركها هذه المره و طالت زيارته لايام وليال طوال حرمها فيها من النوم او الراحه .. وبعد الحاح و اصرار مني وافقت على الكشف عند دكتور المخ و الاعصاب و بحكم العاده طلب منها عمل اشعه رنين مغناطيسي ... وبما انها من السكان الجدد لمدينه 6 اكتوبر قإن اقرب مستشفى مشهوره (في سعرها و نظام زياراتها فقط للأسف ) هي ...دار الفؤاد .... واتفقنا على ذهابها لعمل الاشعه دون تحديد موعد تاركين لها تحديد الموعد المناسب لها ... وبالامس 19-5-2009 بعد الساعه السابعه مساء يقليل رن جرس الموبايل اتصال من والدي .. رددت عليه ليقول لي .. يا سامح تعال لنا في مستشفى دار الفؤاد ... مامتك اتعورت في دماغها جوه جهاز الاشعه و دخلت الطوارئ ... ايه ... ازاي ... ايه اللي حصل ... هي عامله ايه .... مبقتش عارف انا بقول ايه مش فاهم ازاي تتعور جوه جهاز الاشعه !!!! 10 دقائق من البيت للمستشفى ...كأنها الدهر ... خفقان قلب ... اضطراب معوي ... اعصاب مهزوزه ... قياده عصبيه عنيفه .... افكار ... تخيلات ... البحث عن اي تفسير منطقي لمعنى الكلام .... خاصه وان والدي لا يتصل بي عند اي مشكله عاديه ... مما زاد من قلقي .. مما اصابني ... بالهلع .. 10 دقائق و كنت عندهم ووجدت والدي واقفا على باب الطوارئ ... يمسك بحقيبه يد امي بيده الوحيده (نتيجه بتر لليد اليمنى منذ عده سنوات ) ايه يا بابا ..ماما فين .. ايه الي حصل .. الحمد لله ... حاجه خبطتها في راسها في جهاز الاشعه و بيخيطو الجرح .. ايه !!؟؟؟؟؟ جريت على الطوارئ ... ( مانا حافظ المستشفى دي اصلي .... ) و شيلت الستاره من غير ما اسأل اي حد عن اي حاجه لقيت امي على سرير الطوارئ و حواليها 5 او 6 بلاطي بيضا و فوطه بيضا كلها دم .. و هدومها دم ... و وواحد فوق دماغها بيخيط غرز !!!! اول ما امي شافتني ... صرخت في ... قلت لك مش عايزه المستشفى الزفت دي ... هي زعقت في وشي .. وانا ردت فيا الروح ... امي بتزعق .. امي غضبانه .. امي زعلانه ... امي ... صاحيه امي .... بخير ... ايه اللي حصل يا امي ... دخلت جوه الجهاز وبعد 10 دقايق صوت تخبيط جامد جدا ... ( اجرت امي نفس نوع الاشعه 4 مرات سابقه بمركزين مختلفين : - كايرو سكان – مصطفى محمود ) دوست على الزرار للبنت علشان تيجي تشوف الجهاز ... البنت دخلت و معرفش عملت ايه .. الجهاز وقف و في نفس اللحظه حسيت بحاجه زي شاكوش خبطتني على رأسي من ورا .... ايه !!!؟؟؟ حاجه خبطتك جوه الجهاز ؟؟ فين الدكتور اللي ماسك الجهاز ده .. الممرضه تعالى معايا حضرتك .. الحمد لله ماما بخير .. وكلام مش فاكره لكنه كله نفس المعنى تركت والدي مع والدتي بعد ان اطمأنت هواجسي ... وصلت عند الاشعه و خرج لي بالطو ابيض و كرافته ... ممكن افهم يا دكتور ايه اللي حصل ؟؟ بصراحه مش عارف ... اول مره تحصل .. مش فاهم حصلت ازاي .. يعني ايه .. يعني الجهاز خبطها ؟؟ ايه اللي حصل .. حقيقي مش عارف ... طيب انا عايز تقرير بالكلام ده .... حيعملو لحضرتك تقرير بالطوارئ ... انا عايز تقرير من الاشعه باللي حصل ... وابقى اكتب فيه انك مش عارف .. علشان اديه لحد يعرف .... طالما انتو مش عارفين انتو بتعملو ايه ... ياريت تبعت التقرير على الطوارئ لأن كلامي معاك ملوش اي فايده او لازمه ... شكرا .. وسيبته و رجعت الطوارئ ... القيت نظره على امي ... فين المدير المسئول عن المستشفى .... ظهر لي كرافته تانيه عليها بالطو ... حاضر حنعمل لحضرتك تقرير .. بس نعملها اشعه مقطعيه نتطمن انا مش عايز منكم حاجه ... انا حاخد امي من عندكم ... انتو ×××××××××××××××××× مشتمتش لكن ... حسي بقى علو كده و طلعت كل اللي جوايا انا عايز تقرير باللي حصل ... لو انتو مش عارفين تشغلو الاشعه يبقى نقفلها لكم احسن تبدل ما انتو بتبهدلو الناس البيه المحترم قالي .. التقرير يطلع بكره .. لأن مفيش حد يمضي عليه النهارده بعد الساعه 7 امال حضرتك مين ... انا المدير الطبي المناوب .. انا عايز المسئول الموجود بالمستشفى دلوقتي انا المسئول الحالي انت المسئول و متقدرش تمضي على تقرير ؟؟!! ما هو حضرتك احنا لسه مش عارفين ايه اللي حصل ... حنعمل تحقيق و بكره نكتب التقرير .... دكتور فلان الفلاني .. اديني كارت او اكتبه في ورقه و وظيفتك بالمستشفى ذهبت لامي وابي .. و وجدتهم قد ركبو لها ابره اعطاء الحقن ( كانيولا ) وحقنوها بعقاقير مختلفه لا اعلمها و لكن قيل انها مسكن و مخدر و مضاد للقيئ و محاليل لتعويض فاقد الدم الغزير !!!! وطبعا السكر 330 و الضغط علي مرديوش يقولو بقى كام !!!!! ( هي اساسا في العادي ضغطها عالي وبتاخد ادويه للسكر و الضغط ) طلبت من امي الخروج معي ... فقالت انها مرهقه و لا تستطيع الحركه الان .... وطلبت الانتظار للراحه اخدت الورقه بأسم المدير الطبي المناوب و ورقه الاشعه و طلعت على القسم ..... حتى الان الموضوع لم ينتهي بعد ... و حتى كتابه هذه السطور ... قد يكون الموضوع في بدايته ... تنويه عن الحداث التاليه ... والتي تبين سبب سعى في الاجراءات القانونيه اللازمه لاثبات الاهمال .... خاصه بعد ان اظهر العاملين بالمستشفى الفساد .. فقد ذكرو لأبي انه في حاله كتايه تقرير فسوف يذكرون ان والدتي اصابتها فوبيكا و صدمت رأسها بالجهاز !!!!! كيف لشخص مستلقي على ظهره يعاني من الام في ظهره ان يصدم رأسه ... إن الاصابه في أم الرأس فهل يستطيع المريض ان ينطح جهاز الاشعه !!!!!؟؟؟ هل من قام بعمل نفس الاشعه مرات سابقه ان يصاب بفوبيا عند المره الخامسه ؟؟!!!!! لقد صرحت الممرضه العامله على الجهاز لوالدتي .. انها كانت تحتفظ في جيبها بعمله معدنيه قام الجهاز بسحبها لترتطم برأس والدتي ... فهل يمكن للقوه المغناطيسيه لجهاز الرنين المغناطيس ان تحول عمله معدنيه الي سلاح يجرح الرأس و يستلزم التقطيب ؟؟!! ارجو تفاعل الساده الاطباء بالمنتدى بالرأي الطبي و النصيحه.. اتمنى لو احصل على رقم او عنوان الجهات المسئوله بوزاره الصحه حتى ابث شكواي الي كل الجهات المسئوله... حتى لو وصلت لمكتب وزير الصحه ... فلا يعنيني من اصحاب هذه المستشفى ... و ما لهم من سلطه او نفوذ إن التلويح بالكذب والتصريح بعكس الحقيقه من قبل الطاقم المسئول لهو فساد مهني و اخلاقي يراد به إخفاء الاهمال ... كنت اتقبل الاعتذار الناتج عن الخطاء البشري ... كنت اتعامل مع مفهوم الاهمال المستشري في ارجاء تعاملاتنا اليوميه ... ولكن .... هل اصبح علاج الاهمال ...هو الكذب ... التضليل ... هل اصبح الحل السحري ... هو الفساد .... و هو ما يزيد اصراري ... على اثبات اهمالهم .... لقطع رقبه الفساد ... سأثبت أن من اصيب بالفوبيا ... هي .... دار الفؤاد والله المستعان وللحديث بقيه ...
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#2
20-05-2009, 03:18 PM
|
||||
|
||||
|
رد: حادثه في جهاز الاشعه بدار الفؤاد .. بين الاهمال و الفساد
لا حول ولا قوة الا بالله يا باشمهندس سامح الف حمد الله علي السلامة علي الوالدة و ان شاء الله تكون بأحسن صحة و حااال متسيبشي حقك ،، الف الف سلامة علي الوالدة انا اسف مش هارعف افيدك اوي مش تخصصي بس بجد لو فيه اي حاجة ينفع اساعد فيها انا في الخدمة ربنا يصبرك و يقويك و يشفي الوالدة ان شاء الله
__________________
|
|
#3
20-05-2009, 03:45 PM
|
||||
|
||||
|
رد: حادثه في جهاز الاشعه بدار الفؤاد .. بين الاهمال و الفساد
الف سلامة يا سامح على الوالدة وربنا يشفيها يارب ويخفف عنها
بصراحة حاجة تدايق وتحرق الدم والحمد لله انك متهورتش انا لو مكانك مش عارف كنت عملت ايه بس انا حاسس بنية استهبال جامده جداً من ادارة المستشفى وان كنت مش عارف ايه افضل اجراء فى الحالة ديه بس تفكيرى انا ان فى الحالة ديه لازم يتاخد اجراءات فى كل الاتجاهات شكوى فى وزارة الصحة لاكثر من جهه رقابية وادارية محضر فى القسم بالواقعة ( بس مهم تتأكد ان المحضر هيتم فى المستشفى بشكل ميرهقش الوالدة لانها مش ناقصة) ولازم تاخد اسماء وبيانات المسؤلين فى المستشفى ياريت تطمنا يا سامح على الوالدة اهم حاجة
|
|
#4
20-05-2009, 03:45 PM
|
|||
|
|||
|
رد: حادثه في جهاز الاشعه بدار الفؤاد .. بين الاهمال و الفساد
السلام عليكم و رحمة الله و بركاته
اول حاجة الف حمد لله علي سلامة الوالدة و ياريت لو تديني رقم تليفونك علشان اكلمك او اجيلك اطمن عليها بالنسبة لجهاز الرنين..انا مش عارف الجهاز اللي حصلت فيه الحادثة قوته كام..بس هحاول اشرحلك بسرعة ايه اللي بيحصل في الرنين الرنين دا مش اشعة..دا تكنولوجيا بتعتمد علي تكوين مجال مغناطيسي قوي جدا حوالين جسم المريض و بعدين بيتم التصوير بأسلوب معقد شوية مفيش هنا مجال لشرح المهم قوة جهاز الرنين بتتحدد برقم اسمه "تيسلا" و الأجهزة تبدأ من ربع تسلا لحد 3 تسلا و علشان نتصور قوة التيسلا دي اد ايه كفاية اقولك ان قوة الجاذبية الأرضية اضعف من التيسلا بمراحل رهيبة يعني لو الجهاز دا قوته واحد تيسلا يعني اقوي من الجاذبية الأرضية مئات المرات طبعا دا لو في اي حاجة معدنية في مجال جذب الجهاز هتتحرك زي الطلقة الأطباء لما بيدخلوا غرفة الرنين (و الجهاز مش شغال) لازم يسيبوا الموبايلات و الساعات برا الغرفة..علشان كلها هتبوظ من المغنطة الجامدة.. يبقي في احتمال ان في حاجة معدنية فعلا هي اللي خبطت الوالدة..و دا يعتبر جزء من الأهمال من الممرضة (لو كلامها صح) و ممكن يكون راسها خبطت في حاجة اسمها الكويل..و دا جزء من الجهاز بيحوط المنطقة المراد فحصها علشان يستقبل الأشارات اللي جاية من الجسم لو كانت بتعمل رنين علي المخ يبقي لازم يتحط الجزء دا عند الرأس انما لو بتعمل علي الفقرات في الغالب مش هيكون في حاجة عند الرأس ارجو اني اكون وضحت جزء بسيط من الصورة..و انا معاك في اي استفسار و يا ريت تطمنا حصل ايه
__________________
No Pain No Gain Dr. Mohamed El-Refaey Radiologist
|
|
#5
20-05-2009, 03:57 PM
|
||||
|
||||
|
رد: حادثه في جهاز الاشعه بدار الفؤاد .. بين الاهمال و الفساد
أولا ألف مليون سلامه على ماما وشفاها الله وعفاها
وطمنا على حالتها دلوقتى.........!؟ أما فيما يخص الحادثه فأكيد يا سامح جزء من جهاز الاشعه كان مثبت بطريقه غير صحيحه خبط رأس ماما من الخلف...... واكيد هم يتحملون الاهمال بالكامل وفضايحهم كثرت جدا ولازم قبل تصعيد الموضوع تعمل اثبات للحاله فى ساعتها لأنهم ممكن يقوم بمحى جميع الاوراق اللى تثيت ان ماما دخلت اصلا المستشفى دى ناس وسخه فعلا وبص انا اعز اصدقائى يعمل فى قناة النيل للأخبار وممكن اصعد الموضوع معاه لو انت عاوز..........؟ لكن انا مش بأحبطك انت لوحدك مش هتعرف تعمل حاجه وبعدين احنا مش هنعمل غاغه علشان نبتذهم طبعا لأ احنا عاوزين قطع يد المهمل والمسئول عن هذه الفضيحه المدويه الف مليون سلامه على ماما ومتابع لأخر الاخبار
__________________
أبو الفتوح رئيسأ
|
 |
|
|
