أسعار جميع موديلات هيونداي (( محدث باستمرار ))

[sas.pilot]

المشاركة الأصلية كتبت بواسطة mmffor والله بصوا لما الفيات ايفو تتباع ب 92 الف و الاي 20 ب 93 الف يبقى غبي اللي يشتري كوري و يسيب الايطالي ثانيا انا لاحظت ان الفيرنا العادية خالص مالص سعرها زاد من 62 الف في اول صفحة الى 68500 في الصفحة دي بزيادة 6500 جنيه يعني اكثر من 10% برغم انها مصنعه محليا يعني المفروض سعرها ميتأثرش اصلا بالدولار

لازم واقفة صارمة ضد توكيلات العربيات لزيادة الاسعار باستمرار
لازم مقطعت شراء السيارات وخليها تصدى و مودلها تعدى
دة هيجبر غبور واصحاب التوكيلات لانخفاض الاسعار

[lol64]

كده اسعار السيارات الهيونداى بصفه خاصه خربت رسمى وادى دقنى لو غبور حقق اى مكاسب خياليه من اللى كان بيكسبها

[diaa taha]

المشاركة الأصلية كتبت بواسطة sas.pilot خليها تصدى و مودلها تعدى

علي رأيك يا باشمهندس
خليهم براحتهم ودورهم هيجي
غالبا معندهمش فكرة عن الشعب المصري لما بيفوق

[Mr.Mamo]

المشاركة الأصلية كتبت بواسطة mmffor والله بصوا لما الفيات ايفو تتباع ب 92 الف و الاي 20 ب 93 الف يبقى غبي اللي يشتري كوري و يسيب الايطالي ثانيا انا لاحظت ان الفيرنا العادية خالص مالص سعرها زاد من 62 الف في اول صفحة الى 68500 في الصفحة دي بزيادة 6500 جنيه يعني اكثر من 10% برغم انها مصنعه محليا يعني المفروض سعرها ميتأثرش اصلا بالدولار

متضحكوش الناس عليكو يا جماعه

يعني العربيه اللي متقفله محلي مكوناتها بتيجي منين
اكيد من كوريا بالدولار
أي طفل صغير عارف الموضوع ده

أنا مبحبش ارد علي فكره علي بعض الردود المستفزة لسزاجتها مش لاني في موقف ضعيف

يا جماعه فكروا شويه في كلامكو قبل ما تكتبوه ولو 10 ثواني بس
واتكلموا بموضوعيه وباراء و مقترحات وبشكل ينفع يترد عليه
ووالله ما هتلاقوا حد يرد بصدق و موضوعيه زي ما هرد عليكوا
لكن مش كده يعني
هو نقد لمجرد النقد و اي كلام بيتقال و خلاص
مش كده يا جماعه بجد يعني


ما اسهل اني اجيب الردود كلها و صدقوني هرد بشكل محترم بس لما تبقي ردودكم ومناقشاتكوا عقلانيه موضوعيه
الهدف منها الاستفسار أو المساعده أو حتي الاحتجاج
الاختلاف في الرأي لن يفسد للود قضيه إطلاقا
لكن بجد احنا كده بنكتب اي كلام وخلاص
ولما نوصل للمرحله دي يبقي لازم وقفه
ماهي مش مشاركات ، وعضو جديد وعضو فعال وعضو مشارك وعضو مشاكس وخلاص
لكل مقام مقال والا فالصمت افضل

سلام

[MmFFoR]

المشاركة الأصلية كتبت بواسطة Mr.Mamo متضحكوش الناس عليكو يا جماعه يعني العربيه اللي متقفله محلي مكوناتها بتيجي منين اكيد من كوريا بالدولار أي طفل صغير عارف الموضوع ده أنا مبحبش ارد علي فكره علي بعض الردود المستفزة لسزاجتها مش لاني في موقف ضعيف يا جماعه فكروا شويه في كلامكو قبل ما تكتبوه ولو 10 ثواني بس واتكلموا بموضوعيه وباراء و مقترحات وبشكل ينفع يترد عليه ووالله ما هتلاقوا حد يرد بصدق و موضوعيه زي ما هرد عليكوا لكن مش كده يعني هو نقد لمجرد النقد و اي كلام بيتقال و خلاص مش كده يا جماعه بجد يعني ما اسهل اني اجيب الردود كلها و صدقوني هرد بشكل محترم بس لما تبقي ردودكم ومناقشاتكوا عقلانيه موضوعيه الهدف منها الاستفسار أو المساعده أو حتي الاحتجاج الاختلاف في الرأي لن يفسد للود قضيه إطلاقا لكن بجد احنا كده بنكتب اي كلام وخلاص ولما نوصل للمرحله دي يبقي لازم وقفه ماهي مش مشاركات ، وعضو جديد وعضو فعال وعضو مشارك وعضو مشاكس وخلاص لكل مقام مقال والا فالصمت افضل سلام

احبك
و احترم شخصك و احترم الدور الفاعل اللي حضرتك بتلعبه في الربط بين ادارة المبيعات في توكيل هيونداي و اعضاء المنتدى و اي مصري بيتصفح المنتدى حتى و ان لم يكن عضو
و اشكرك على النقل الفوري و الحصري لفاعليات التوكيل و قوائم الاسعار المحدثة باستمرار

دي كانت تحية واجبة

نتكلم تعليقا على تعليقك على كلامي

1- مسمى مصنعه محليا محدد في القانون بان المكون المحلي يزيد عن 50% يشمل التجهيزات الكهربية ( ضفيرة و اسلاك و خلافه ) و الهيكل المعدني بتشطيبه ( الصاج + العزل و الطلاء و التشكيل ) الشكمان بالكامل و الفرش الداخلي ( تنجيد و هيكل كراسي و ابواب و حشوات و فرش و سقف و ارضيات ) الزجاج بالكامل و في بعض الاحيان العناصر البلاستيكية زي التابلوه و المقابض و الاكر و الحوامل و اغضية الجنوط
يتبقى المكون المستورد العناصر الميكانيكية و الاليكترونية ( محرك + فتيس (غير شامل الفلاتر لانها تصنع محليا ) + حساسات + كمبيوتر + عدادات ) و احيانا الاطارات
كلامي صح و اللا غلط؟
نفترض ان المكون المحلي 50% فقط و المستورد يتم شراءه بالدولار و يمثل 50%
المستودر و هو 50% يتم استيراده بجمرك عناصر مكملة و يتم الحساب عنه بنسبة 10% جمارك فقط و قد تم الطرح انه تم تخفيضها مؤخرا الى 8% مقارنة بجمرك يصل الى 40% للسيارات المصنعة بالكامل في الخارج !!!
ضريبة المبيعات المفروضه تمثل 10% فقط مقارنة بحوالي 20% للسيارات المصنعة في الخارج بالكامل

ملاحظة بسيطة ان السيارة المستوردة يفرض عليها ما يقارب 60% ضريبة + جمارك
بينما السيارات المجمعة محليا (مش حقول مصنعة محليا علشان متزعلش ) يتم فرض لا يزيد عن 20% جمرك + ضريبة على 50% فقط من تكلفتها و 10% على 50% المشكله للمكون المحلي و هي ضريبة المبيعات
نفترض ان متوسط الرسوم الحكومية على السيارة المجمعة محليا يمثل 15% فقط من اجمالي تكلفة السيارة مقارنة ب 60% للسيارات المستوردة بالكامل

دي نقطة الرسوم

نقطة ارتفاع سعر الدولار : زي ما سيادتك شفت ان الدولار ارتفاعه يؤثر على ما لا يزيد عن 50% من اجمالي تكلفة السيارة المصنعة محليا يعني ببساطة شديدة لو ان السيارة تكلفتها 60 الف جنيه و الدولار سعرة زاد 10% بحالهم ده سيؤدي الى زيادة 5% فقط من اجمالي سعر السيارة و ليس 10% لان الدولار سعره يؤثر على 50% من تكلفة السيارة المصنعة محليا و ليس 100%

نقطة الموديل: من المعروف ان موديل السيارة عندما يتم طرح الموديل الاحدث منه ينخفض سعر السيارة بصورة كبيرة - فما بالنا من ان موديل الفيرنا المجمع محليا توقف انتاجه عالميا منذ 2003 اي منذ نحو 8 سنوات!!! ازاي سعرها مستمر في الارتفاع و ليس الانخفاض كما هو حاصل في جميع الاسواق العالمية المتقدمة و النامية و ازاي السيارة تقارن سعريا بسعر سيارات مستوردة بالكامل و احدث في الموديل!

واضح جدا استغلال غبور لسمعة الفيرنا في الاسواق و توافر قطع غيارها لتحقيق مكاسب خرافية غير مقبولة
و اعتقد ان ادارة المالية في شركة غبور هي الجهة الوحيدة القادره على اعطائنا تكلفة السيارة الواحدة تقدر بكام و ان كنت ارجح انها لا تزيد عن 45 الف جنيه مصري لان هذا المبلغ هو الطرح الاولي للسيارة في مشروع احلال التاكسي و تم رفعه الى 52 الف جنيه و لان سعر الفيرنا عندما تم طرحها في الاسواق الاوروبية منذ 8 سنوات كان متوسط سعرها شاملا على 20% ضرائب في اوروبا لم يتعدى ال 6 الاف يورو و ان السكودا فابيا ميني الان تباع في اوروبا بسعر يقل عن ال 8 الاف يورو للمستهلك شاملا ضريبة مبيعات 20% ايضا

السعر لما زاد من 62 الى 64 ثم 66 لم يتم رفع سعر الدولار و كانت الزيادات غير مبررة انما كانت لتقليص الحاجز بينها و بين النيو اكسنت لتشجيع الشراء للاخيرة