تجربتي مع ميجان || 2008

[adel khalil]

سؤال للاستاذ M - FIR عن سبب اعادة بيعها بسعر من 60 الى 65% وحقيقة موضوع الاعطال والكمبيوتر

[Hoooba90]

السلام عليكم M-Fire Dj , معلش بس حابب أسألك عن التكييف و برضوا زى ما سألك الأخ adel khalil إيه سبب سعر إعادة البيع المنخفض ده فى وجه نظرك ؟؟

[M-Fire Dj]

المشاركة الأصلية كتبت بواسطة karim hamed ali الف شكر لحضرتك على الموضوع ..ما تتخيليش ريحنى قد ايه اصلى خلاص ناويت احجز الرينو فلوونس ان شاء الله...وقاعد مقلق وتفكير من كتر اللى قريته عن رينو... كنت عاوز اسأل حضرتك عن مكان مركز العدوى دا..هو اقرب لطنطا ولا للمنصورة؟..كام كيلو تقريبا من المنصورة.؟ ولو الادارة تسمح..عنوان الراجل الرهيب اللى بيجيب قطع غيار رينو فى المنصورة دا؟ ولكم جزيل الشكر

العفو على ايه دي حاجة بسيطه كده ومعلش اسف على التأخير في الرد
ومبروك مقدما على الفلونس بس لما تستلمها ان شاء الله ياريت تقولنا رأيك فيها ايه ؟
بالنسبة للعدوي هو اقرب للمنصورة 15 كيلو تقريبا
اما بالنسبة لعنوان الراجل الرهيب ممكن اقولك عليه بس اعتقد مش هيفيدك بالنسبة للفلونس
واسف مرة تانية على التأخير

[M-Fire Dj]

المشاركة الأصلية كتبت بواسطة adel khalil سؤال للاستاذ M - FIR عن سبب اعادة بيعها بسعر من 60 الى 65% وحقيقة موضوع الاعطال والكمبيوتر

هقول لحضرتك على حاجة موضوع سعر اعادة البيع ده بيرجع لحاله العربية يعني مينفعش اقلك دي سعرها 60 الف من غير ما تشوف العربية ابسط مثال انا كنت في سوق السيارات في من فتره كده حوالي شهر كان في ميجان 2005 فل اوبشن سقف بانوراما لونها اسود كانت ب 55000 مع العلم انها كانت جديدة بتوصل 160000 وفي نفس السوق كان في ميجان 2006 مانيوال مش كل الكماليات يعني كانت ب 75 الف المضوع كله متوقف على حالة العربية وكمان ان كان في مشكلة في موديل 2005 بالتحديد وعلى حد علمي انه اتعالج في الموديلات اللي بعدها

اما بالنسبة لموضوع اعطال الكمبيوتر برضه دا كان في موديل 2005 بس انا لحد دلوقتي مشمعتش عن حد حصل معاه عطل كمبيوتر في موديل بعد 2006 مع العلم اني اعرف كتير من ملاك ميجان

لو في اي استفسار تاني انا تحت امرك

[M-Fire Dj]

المشاركة الأصلية كتبت بواسطة Hoooba90 السلام عليكم M-Fire Dj , معلش بس حابب أسألك عن التكييف و برضوا زى ما سألك الأخ adel khalil إيه سبب سعر إعادة البيع المنخفض ده فى وجه نظرك ؟؟

وعليكم السلام ورحمة الله وبركاته

اسف برضه على التاخير في الرد

بالنسبة للتكيف بتاع الميجان
اولا تأثيرة على الموتور وسحب العربية تقريبا منعدم يعني التكيف شغال او مش شغال السحب ثابت مش بيتأثر
ثانيا بالنسبة للتبريد كويس جدا جدا جدا سيبك من اللي يقولك مش بيبرد والكلام الفاضي ده انا كنت بيها في السعودية كانت درجه الحرارة بتوصل احيانا ل 55 و 60 درجه وكان التكييف شغال تمام اعتقد عمرها ما هتوصل هنا في مصر للدرجه دي مع العلم ان عربيتي خليجي يعني المفروض تكيفها افضل شوية من بتاع التوكيل هنا لكن اعتقد الفرق مش هيكون كبير اوي
المشكلة الوحيدة في التكييف بس هيا انه مش بيبرد على طول زي تكييف الياباني كده لا بيحتاج تقريبا من 3:5 دقائق عشان يبرد وبرضه صوت العربية بيبقى عالي شوية مع التكييف لكن انت بتبقى قاعد جوا العربية قافل الزجاج ومشغل تكييفك وكاسيتك مش حاسس باي حاجة بره ودا برجع للعزل الممتاز للعربية

ولو في اي استفسارات تانية انا في الخدمة