الميجان 2006

[Elsebily]

فيه كتير يعني ممكن نيسان صني 2007 اكس صالون مانيوال وبتبقي في رينج من 60 ل 63 الف ومش محتاجه مصاريف طبعا وفيه بردو الاوبترا 2006 اوتوماتيك او 2007 مانيوال وفيه النيو اكسنت 1600 سي سي بردو وفي حاجات كتير بس حضرتك حدداستخدام حضرتك ليها هيكون في ايه وايه اولوياتك

[fadymedhat]

الميجان عربية جميلة و محترمة و قطع غيارها متوفرة كلها خارج التوكيل و اسعارها معقولة....انا كان معايا ميجان 2005 و كانت تحفة و بعتها و ملقتش عربية تستاهل الفلوس فجبت ميجان 2006 بس مانيوال ...عربية تحفة............

[akerima]

الميجان من 2006 وانت طالع عربيه خيالية ماشاء الله وركوبة مفيش بعد كده وسيبك من الكلام اللي حيخوفك منها انت كنت راكب رينو يعني عارف يعني ايه رينو دا غير ان دي كمان احلي رينو وعموما سعر 2006 يتراوح ما بين 60الف و65الف دا النضيف اوي وربنا يهديك للاحسن

بس خلي بالك بجد ان لاقيت واحده كويسة امسك فيها ماتسبهاش صعب اوي اليومين دول تلاقي عربية نضيفة بتتباع وتقعد مع صاحبها اكتر من يومين معرفش ليه اليومين دول الناس اللي عايزاها ياما اوي واللي بيبيع قليل قوي

[gym1974]

معلشى سؤال كده يا جماعة المانوال احسن فى العربية ده ولا الاوتوماتيك وهل فى فرق فى متعة القيادة بينها وبين الفلوانس والثبات بتعها عامل ايه وجزاكم الله كل خير

[yaso12]

سألت واحد صاحبى معاه ميجان مانوال 2005 قالى الاتى:
1- المانوال هيجنبك مشاكل الفتيس الاتوماتيك بتاع الموديل ده يقصد الميجان 2 .
2- كمان مفيش مشكلة دواسة البنزين (الاتوماتيك على حساس مش واير).
3- غير كدة بتحتاج تغيير بوجيهات كتير يعنى بمعدل كل 10 الاف كم تقريبا .
4- الموديل المانوال جنط حديد احسن الف مره من الجنط الاسبور لانه ضعيف جدا .
5- الرفرف الامامى فبر لو اتخبط بيتكسر (ثمنه 260 جنيه فى الحرفيين غير الدوكو)

اما اهم ما يميز هذا الموديل
1- صالون رائع من حيث الوسع وراحة الجلوس والعزل وشكل تابلوه شيك جدا.
2- كماليات كتير جدا .
3- ثبات خرافى فى السرعات والملفات (الاوروبى وحلوته).
4- الموديل المانوال الاقل من حيث التجهيزات وبالتالى الاقل من حيث الاعطال الخاصة بالكمبيوتر .
ومن الاخر الميجان عربية ركوبة.