مناقشه منع سواقه االسيدات

[mar mar]

معلش اصلي دمي محروق
لما واحد يكتب عن مبررات عدم سواقه المراه
يكتب

ما أن الفقهاء لا يعتبرون الطريق خلوة، فإنما الخلوة: الأمن من اطلاع الناس ([28])؛ بحيث يجتمع رجل بامرأة "في مكان لا يمكن أن يطلع عليهما فيه أحد، كغرفة أغلقت أبوابها ونوافذها وأرخيت ستورها"

السياره مش خلوه ازاي فهموني انتم يمكن انا مش فاهمه يعني لما ابقي انا وراجل غريب لوحدي دي مش خلوه لو اني ابقي في عربيه مع واحد غريب مش خالوه وانه مش حرام اني اركب مع راجل غريب يوديني الحته الللي انا عايزه اروحها يبقي مش حرام بقي لما اخرج مع خطيبي ما علي الاقل امي وابويا عارفينوا ومش هيعمل فيا حاجه غلط لاني عارفه وعارفه اخلاقه بقي

ثم إن مبدأ خدمة الرجل الأجنبي في السفر حين يركب النساء الهوادج كان أمرًا معلومًا منذ القديم، وقد كانت النساء زمن رسول الله صلى الله عليه وسلم يُحملن في الهوادج، ويقوم الرجال على خدمتهن وحمل هوادجهن

الله ينور عليك كان في هودج يعني مقفل عليها وهي علي الجمل وهو براه ماسك الجمل
وكان في حضور الزوج والقبيله ماصدفش ان امراه كانت بتخرج لوحدها تروح الكليه مثلا
الوضع اختلف دلوقتي وممكن الرجل الاجنبي يعمل اي حاجه في الست وبعدين زمان كان في شهامه واخلاق ودين دلوقتي قول عليهم يا رحمن يا رحيم

لمبرر الأخلاقي لمنع المراة من قيادة المركبات:

وتظهر قوة هذا المبرر من حيث المفاسد الكثيرة التي يمكن أن تترتب على انطلاق النساء والفتيات بهذه المركبات الخاصة من: هجران المنزل، والسفر بغير محرم، والتعرض للمضايقات، والاختلاط بالأجانب، والتوسع في مجالات عمل المرأة المتعلقة بشؤون النساء السائقات، إضافة إلى مشكلات صيانة مركباتهن ضمن أجواء لا تناسب المرأة المسلمة

والله بقيي ده راجع لتربيه مش للعربيه يعني دلوقتي مجال الاختلاط موجود في كل حتي حتي في البيت يعني النت بقي زي كافيه الكل بيقعد عليه ومنه ممكن تعمل العلاقات اللي هي عايزاها وتعمل اللي هي عايزاه بدون ما تنزل من البيت
ده مش مبرر والحكايه كلها تربيه وبتختلف من بنت لاخري ومش تلوم فيها سواقت العربيات او تطبقها مبدا لا دي عيب اخلاق وتربيه

المبرر الصحي لمنع المراة من قيادة المركبات:

ومبنى هذا المبرر أن الشريعة تنهى عن التعرض للهلاك؛ إذ حفظ النفس من مقاصدها ([37])، وقيادة المرأة للسيارة يعرضها للتلف ([38])، فإن السيارة آلة عنيفة لا تناسب طبيعة الإناث، وقد أكدت ذلك دراسة بريطانية على مجموعة من النساء السائقات، حيث توصلت إلى "أن 58% منهن يتوفين قبل الأربعين، و 60% منهن يصبن بأمراض نفسية، وقالت الدراسة: إن قيادة المرأة للسيارة لا تليق ولا تتناسب معها"([39]). ولا تزال هذه الآلة تتصف بالعنف حتى بعد تطورها

الرد هنا برضوا بالدراسات
http://www.masrmotors.com/vb/showthread.php?t=71703

1. الشريعة الإسلامية جاءت لتحقيق مصالح العباد ودفع المفاسد عنهم، ومن حق السلطان المسلم أن يمنع النساء من قيادة المركبات سدًا للذرائع المفضية إلى المفاسد.

المفاسد اللي هي في وجهه نظرك سواقت المراه

2.

لا تعتبر السيارة الخاصة مهما كانت صالحة حصنًا للمرأة من أن تنال بسوء، إلى جانب ما يترتب على انطلاقها بها من انفلات اجتماعي لا يوافق توجيه الإسلام لها بالقرار والالتفات إلى المنزل.

لا العربيه مش حصن بس الموصلات وقلت الادب اللي فيها مع الرجاله هي اللي حصن والنبي انت مصدق اللي انت بتقولوا


3

. السيارة آلة عنيفة في طبيعتها وبنائها لا تناسب الطبيعة الأنثوية والدور المناط بها المتطلب لمزيد من السكون والهدوء، إلى جانب مخاطرها وقسوة حوادثها.

[/QUOTE]

دلوقتي في بور ومافيش حاجه اسمها صعبه لان دلوقتي السواقه بقيت بصباع رجلك الصغير واللي ميعرفش يقول عدس 4. الجانب الفطري في طبيعة خلْقة المرأة وظروفها الجسمية والنفسية لا يسمح لها بتحمل مسؤولية القيادة، والمخاطرة بنفسها وبغيرها. يعني المراه بتتحمل مسؤليه بيت وعيال ومش هتعرف تتحمل مسؤليه حتت حديده 5. تعود أسباب كثير من الحوادث إلى ضيق الشوارع عن استيعاب السيارات، كما أن حجم التلوث البيئي مرتبط بكثرتها أيضًا، وفي السماح للنساء بقيادة السيارات زيادة في أعدادها المسببة للحوادث من جهة، وزيادة في تلويث البيئة من جهة أخرى. إلى جانب أن النساء لسن من العاقلة التي تتحمل في حال القتل الخطأ الغرامات المالية التي يتحملها البالغون من الرجال، هذا فيه إجحاف بالرجال إذا مكِّنوا النساء من أسباب العطب والضرر. مش عارفه بس العذر ده مش داخل دماغي ومش عايزه ارد عليها علشان حسه انه بملي فرغات وبس [QUOTE]6. المرأة عبر التاريخ لم تكن من أهل الفروسية والخيل وإنما ارتبطت منذ القديم بركوب الإبل في الهوادج المستورة، وتولى الرجل منذ ذلك الزمن خدمتها في الأسفار وحمل هودجها عند الترحال، فلا يصح ـ بناء على ذلك ـ اعتبار ركوب المرأة في القديم على الإبل كقيادتها للسيارة في هذا العصر.

خلاص انا هنفذ الكلام ده بس مش في عربيه لكن في بيت متحرك علشان يبقي شبه الهودج مش عربيه ممكن تتحرك فيها بسهوله وممكن وكمان نبقي انا والسواق لوحدنا ماينفعش


7[QUOTE]. وجود بدائل عصرية يمكن من خلالها إغناء النساء عن قيادة المركبات من خلال وسائل النقل العام الكبيرة وإحياء الصناعات المنزلية، والاستفادة من وسائل التعليم عن بعد.[/QUOTE]


والله انا مش فاهمه طيب انا هضربلك مثل ايه رايك في المتروا في جزء بتاع الستات والله والله بيركب فيه الرجاله وتقولي موصلات عامه واحياء الصناعات المنزليه

مش عارفه اقولك ايه انزل الشارع علشان شكلك كنت بتكتب الحاجات دي في عصر تاني مش بتاعنا

[احمد على 1999]

هو فى نية يمنعوا سواقة السيدات فى مصر ؟!!!!!!

[nktis]

اتفق معاكي يا مروه في نقاط واختلف معاكي في نقاط...
خلينا في الاختلاف وهي انها لا تناسب طبيعه الانثي الرقيقه....كلام مظبوط
تعملي ايه لو الكاوتش نام وعايزه تغيريها؟؟؟ اظن امر متعب وصعب علي السيده..
الخلاف الثاني وهو لا قدر الله حادثه وحصلت فيها وفاه لطفل مثلا.؟؟؟؟ حاجه زي كده الراجل بيستحمل انما بيتهيقلي لو حصلت مع سيده ممكن يدمرها نفسيا وهتحس طول حياتها بالذنب....

انا مش معترض علي سواقه السيدات بس متحفظ قليلا .... يعني يسوقوا فقط للضروره .....امال احنا بنعمل ايه ؟؟؟ ولا اشتكينا ولا حاجه؟؟؟؟

[nawwara]

قبل ما اكتب اى رد , عايزة اعرف مين اللى افتى بالكلام ده , شيخ يعنى ولا ايه ومتعلم فين وكان سنة كام الكلام ده ؟!!!!!!!!!!!!!!!!

[mar mar]

اللينك اهو
http://www.islamlight.net/index.php?...id=1517&Itemid