فرحنا .. وانبسطنا ... وزعلنا .. واديقنا ... لازم بقا نفووق ونشوف ألي جي لاني وقت الخطر لسا مرحش ...من فضلكم قلولي هنعمل اية دلوقتي ؟

[ابو فاروق]

المشاركة الأصلية كتبت بواسطة silverlite ابو فاروق , سلفيه ...حمدا لله على السلامه

الله يسلمك . تسلملي عالمورو العطر ( شغل خليجي اهوة )

المشاركة الأصلية كتبت بواسطة azzat 55 أولاً : عوداً حميداً ا/أبوفاروق وعوداُ حميداً أخت سلفية وحمدلله على السلامة وبالنسبة للسؤال المطروح ( هنعمل أيه دلوقتى ؟) فمن رأيى أنه حان الأن وقت التوحد والعمل بيد واحدة لحماية مصر ومصالح الوطن ، فالآتي أكبر ، ولابد من العمل الدؤب حتى تخطي التحديات ، ولابد من الشراكة والمشاورات ، وعدم الإستئثار بالرأي الواحد حتى نرى مصر من جديد أم الدنيا .

الله يكرمك ويسلمك .. وكلامك منطقي جدا ومطلوب جدااااااا

المشاركة الأصلية كتبت بواسطة mhamdy75 نورتوا المنتدى واليكم أحلى وردة (مقتبسة من م / همت )

الله يسلمك والمكان منور بيكم وسيب الوردة في مكانها متبهدلهاش معاك فالمشاركات ناوي اقلبها جنينة

[AbOnOrA]

معلش كنت كاتب رد طوووووووووووووويل والجهاز هنج قبل ما ابعته

باختصار بقى

نعمل ايه ؟؟ نكمل ثورتنا ؟
ازاى بالادوات المتاحة
ايه هى دلوقتى

1- التواصل مع الناس وتنوير العقول
2- الضغط الشعبى لاستكمال مسيرة الاصلاح الاسياسى
3- الانضمام للاحزاب الوليدة والمشاركة فى تفعيل ومن ثم تطوير الحياة السياسية
4- الاستعداد لانتخابات مجلس الشعب ( اما التلت او كل المقاعد )
5 - الاستعداد لالانتخابات المحليات
6- المشاركة فى العمل الاجتماعى ، الاهلى ( جمعيات اهلية وخدمة عامة ) وخاصة بعد اقرار قانون الجمعيات الاهلية الجديد ان شاء الله الفرصة هتبقى متاحة للمشاركة فى خدمة المجتمع بدلاً من انتظار الحلول من الادارة المحلية والحكومة فقط

اما الغير متاح دلوقتى او غير فعال فهو
الاطار التشريعى والقانونى ، بداية من الدستور والسلطة التشريعية انتهاء بما يجب مراجعتة من قوانين العصر البائد وما يجب استحداثة من منظومات لقوانين تهياء لمناخ الاسثمار والتنمية المرتجى

وعلى الارض زى ما قوت بدايه من سلطات مؤسسة الرئاسة للحكومة الجديدة ان شاء الله تكون وطنية وتوافقية وفعالة الى المحليات والمصالح العامة وانتهاء بالعمل الاهلى

هى كلها تروس مع بعض بتحرك البلد كلها لما تشتغل صح وهيبقى لها مردود على كل واحد فينا سواء فى تجارتة او وظيفتة و حياتة عموماً

[samirayad]

والسؤال دلوقتي القائم .. من فضلكم قلولي هنعمل اية دلوقتي ؟؟

كفايانا قراطيس

[eng.hemat]

اسمح لى ان افكر بصوت عالى حنعمل اية دلوقت..

اولا اكيد ربنا له حكمة فى مجئ رئيس على راس جماعة الاخوان المسلمين وفى هذا التوقيت بالذات ربما ليضرب لنا البرهان القوى الا نغتر بعقولنا ولابأمولنا ولابعزوتنا واسماء عائلاتنا ولا بصحتنا فسبحان المعز المذل ...

{قُلِ اللَّهُمَّ مَالِكَ الْمُلْكِ تُؤْتِى الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِير}

ثانيا..لندرك ان طريق الحق ورفع الظلم طويل جدا ومحتاج اصرار وعزيمة منا نحن الشعب فنحن حصلنا على رئيس مختار بأرادة شعبية ( وربما ليس حبا فيه بقدر ماهو كره لنظام سابق)
واختفت نغمة التزوير والتدخلات وخلافة من تخوين بعضنا البعض ده فى حد ذاته فوز لنا جميعا

ثالثا..الواجب الان ان نتحد جميعا من اختار مرسى او من لم يختاره او الذى قاطع او حتى المطلق عليهم اسم الفلول نجتمع على قلب رجل واحد لمحاربة الفساد فيما حولنا الم يقل مرسى انه جاء لمحاربة الفساد والفساد مستشرى حولنا فى كل مكان ..الان ان الاوان الا نخاف ونعلن ان هنا او هناك يوجد فساد بتصميم وارادة ان ينتهى هذا الفساد فى شركتك او وزارتك او محل عملك او الشارع الذى تسكن به ..الساكت على الحق شيطان اخرس
اعتقد ان هذا الطريق ليس مفروشا بالورود والرياحين ولكن ان الاوان ان نقول للفساد وبقوه...قف

تقبل تحياتى

[nktis]

ردا علي البشمهندس وائل .,.
انت شايف تصريحات خيرت الشاطر والاخوان في رجوع مجلس الشعب وانتخاب الثلث فقط .,.
كان نفسي انتخابات من اول وجديد .,. بس بنظامهم كدا .؟. هنتعب مع بعض