محتار قوي بين الثلاثة ......الشارك والكروز والسيراتو ايه رأيكم

[Muhammad A]

الشارك
من غير كلام

[3bdo]

انا شايف انك تبص على البومة ومش هتندم والله عربية ممتازة بس لو كان لازم واحدة من التلاتة يبقى الشارك بس قطع غيارها غالية حبتين

[nicetokill]

المشاركة الأصلية كتبت بواسطة osama hammad ألف شكر على مجهودك بس ممكن أعرف ايه الاحسن اشتري سيراتو هاي لاين ولا شارك اقل فئه لانهم بنفس السعر تقريبا

العفو معني معملتش حاجة

عشان متعبش نفسك هجبلك الخلاصة وانا شايف ان ده الأصح والانسب ليك مع احترامي للجميع

ابعد عن السيراتو حتى لو كانت هاي لاين او كوبيه او اي فئة وده كلهم زي بعض الفرق بس في الكماليات لأني برضو ركبت الكوبيه بتاعة واحد صحبي وهوا بعظمة لسانة قلي ثباتها مش حلو وهزة الدريكسيون برضو

وده لسبب الاعظم

(( ان اهم حاجة تجيب عربية نسبة الامان فيها اعلى والثبات والاتزان سواء في السرعة او البطئ وللأسف شوارع بلدنا كلها متكسرة مفيش شارع فيكي يا مصر محترم فمتدفعش فلوس على شكل من الخارج والاهم اللي هوا الامان تنساه ده من وجه نظري واحترامي للجميع )

لو عاوز تمسك العصاية من النص اشتري لانسر بومة اعلى فئة زي اللي مع اخويا
كويسة وشكلها حلو وثبات ممتاز بس مش احسن من الشارك وبتجري وفي نفس الوقت قطع غيارها معقولة


اما لو مقدمكش حل غير التالته اشتري الشارك مفيش مشاكل حتى لو اقل فئة وانسى السيراتو

وربنا يوفقك يا باشا وتشتري الأنسب

وشكرا

[sergiooo90]

بص أنا كمان محتار بس نصيحة ما تدورش كتير لأنك هتتعب و برضه مش هتعرف تقرر إختار حاجة و توكل على الله كلهم حلوين و ابعد عن الهيونداي
بمعنى إبعد عن الكوري طالما معاك تجي يا باني

[sherifabden]

بص ياباشا من الاخر هتجيب الكروز اللي هيا بتحك في المطبات ووزنها تقيل ولا تجيب الشارك اللي هيا ملهاش قطع غيار بره التوكيل دا غير ان سعرها غالي اصلا هيا والكروز ولا تجيب السيراتو ؟؟ .. السيراتو عربية حلوة ومتصدقش اي حد يقولك انها وحشة اولا العفشة مش ناشفة ولا حاجة الا مع الجنط 17 انما السيراتو بطلت تنزل بالجنط 17 وبقت بتنزل بالجنط 16 في اعلى فئة وكمان بطلت تنزل بالبصمة اللي هيا السبب في السرقة الكتيرة ليها وبخصوص الرجة اللي في الطارة بصراحة انا عمري ما سمعت عن الموضوع دا انا سقت سيراتو كتير ومفيش اي رجة ولا اى حاجة وبخصوص موضوع الثبات العربية ثابتة جدا لحد 180 ودا عن تجربة شخصية ليا وثانيا العربية قطع غيارها منتشرة وواسعة جدا من جوه وشكلها جميل من بره وجوه وسعرها رخيص بالمقارنة بكماليتها واتحدك تلاقي عربية سعرها 135 وفيها نفس امكانيات السيراتو ولو عايز تتاكد انزل اسال اي حد معاه سيراتو في الشارع وقوله العربية حلوة ولا وحشة وشوف هيقولك ايه .. وعموما استخير ربنا اولا واخيرا ... ومبروك مقدما ...