أدعو كافة الاعضاء للقراءة بعقلانية و دون هجوم بدون مبرر

[tarek_amr]

السلام عليكم
طبعا انا قرأت الردود الموجوده عاليه بس احب اوجه نظر سيادتكم لحاجه مهمه .... انا كنت شغال فى احدى التوكيلات الاولى فى استيراد السيارات من الصين و طبعا عانيت مع العملاء فى سوء حالة السيارات و كثرة مشاكلها و بعد دراسه لها و كمان مقابلة المهندسين الصينيين اللى كانوا بيحضروا الى مصر لمتابعة السيارات و اصبحوا اصدقاء فيما بعد عرفت ان الوكلاء فى مصر هم الذين يطلبوا السيارات بطلبات خاصه بمعنى ان قطع الغيار عندهم درجات و الوكيل بيطلب لرخص حاجه و يبيع السيارة غاليه و علشان كده عرفت ان الشركات الصينيه لما الوكيل المصرى بيطلب سيارة بالشكل ده لا يعطوها اية ضمان و بعد كده قامت الشركات الصينيه بسحب الوكاله من بعض الشركات و أعطائها لشركات أخرى و اللى عرفته ايضا ان الشركات الصينيه لاتعطى توكيل بالشكل الصريح انما بتكون فى شكل عقد توزيع و الدليل على ذلك ان الشركات الصينيه اللى سحبت توكيلها من الشركات المصريه و اعطتها لشركات مصرية اخرى لم تقم هذه الشركات برفع قضايا تعويض على الشركات الصينيه .
لذلك قمت أنا و بعض الأصدقاء ذو خبرة فى مجال السيارات الصينى بأستيراد قطع غيار للسيارات الصينيه التى ليس لها قطع غيار وكذلك قمنا بأفتتاح مركز خدمه لها و أصبح لدينا قاعده عريضه من العملاء اللى بتصلح عربياتها عندنا و كمان فتحنا مركز توزيع لقطع الغيار .
و على ذلك اللى عنده مشكلة فى عربيه صينى ممكن يشرفنا فى مركز الخدمة 75 شارع جس السويس موبيل 0111419939 و اللى عاوز يشترى قطع الغيار ممكن يشرفنا فى 27 شارع القصر العينى امام معهد السكر موبيل 0111409939
و كمان ممكن نرد على أى استفسار
و شكرا

[shand0]

كلامك مظبوط، ولكن كل عيب ذكرته يوجد بكثرة فى موديل و يقل فى موديلات أخرى، اما إن إجتمعت كل هذه العيوب فى عربية واحدة تكون مشكلة. أرى إنك لم تُدافع بشكل جيد عن السيارات الصينى، بل إنك ذكرت كل عيب و ذكرت وجودة فى موديلات أخرى ناجحة دون ان تذكر إجابيات السيارة الصينية التى تتميز بها عن الأخريات.

[pro mada]

بص حضرتك انا هجيب من الاخر
خامات الصيني تحت الصفر
تكنولوجيا ياباني قديمه
العمر الافتراضي قليل
اسعار قطع الغيار ناااااااااااااااااار
الشكل معقول
الكماليات بتبوظ بسرعه

[Etsh]

السلام عليكم جميعا....معلش يا جماعة أنا ليه رأى يمكن يكون مختلف عن العديد من الأراء التى تم ذكرها ....ويمكن يعتبرنى بعض الأعضاء متحامل على الصينين بس أنا هابتدى كلامى من منطق دينى ولا أفضل من الدين كمنطق و عقيدة نستلهم منها أرائنا و أفكارنا فى حيتنا

(ما بنى على باطل فهو باطل)

أنا ليا مبدأ .....تبتدى مشروعك صح هاتكمل صح.....تبتدى كبير هاتكبر أكتر و تفضل كبير ....أبتديت صغير هاتفضل صغير أو ليك حد هاتوصلو و لن تتخطاه....طبعا ناس هاتقول لى أزى ما فى ناس أبتدت صغيرة و كبرت و عدت ....هاقول لهم أه صحيح بس ده كان زمان.......إحنا فى زمن الحيتان الأن و مافيش مجال للحوت أنه يسب سمكة تكبر و تزاحمه فى أكله ....فا يتفضل صغير و تأكل على قدك ....يا أما لو ناوى تكبر يبقى تتاكل و نخلص منك

معلش يا جماعة أنا بعتبر الصناعة الصينية صناعة ذات فكر محدود و مرغوبة من أطراف معينة لأنها لا تجد البديل للصينى بما يتناسب مع إمكانيته الحالية....وعلية .......من ناحية إنتشار الصينى أه ه ه ه ه هاينتشر و يمكن يبلع السوق كمان و لكن ده لا يعنى جودة المنتج و لكن يعنى حاجتين ...أما فساد الذوق أو إتساع قاعدة عدم القدرة الشرائية للمنتجات الأصليه القيمة........كمان أنا شايف أن الصينيون لم يخرجوا ألينا بأى فكر جديد حتى فى تصميم السيارة و لكنها مازالت سيارات بلا هوية و بكل بساطة تستطيع التعرف عليها من على بعد مئات الأمتار من أشكال الفوانيس و طريقة الإضاءة و إرتفاع مؤخرة السيارات و الخطوط الغير متناسقة

معلش أنا بخبط جامد بس ده رأى و الأراء كثيرة .......بس عشان حد يقولى أن الصين هاتوصل و تعمل عربية ذى البى أم و لا مرسيدس و لا أى ماركة قديمة أقول له معلش أنت بتحلم .....الأنتشار حاجة و الوصول للمستوى المطلوب أمر أخر ....لأن التخطيط للوصول بالسيارات الصينية لمستوى السيارات العالمية منعدم ....أقلها كان ممكن أى شركة صينى تتعاقد و لو لتصميم السيارة مع أحد المصممين المشهورين ....لكن أبدا......لية .......عشان العربية تفضل رخيصة وهما ناس أصحاب مبدأ بيع رخيص تبيع كتير تكسب كتير

لو عاوزين ينجحو مش لازم يرخصو المنتج .....و الأنتشار مش معناه النجاح لأن ده مبدأ خاطىء ولا يطبق على جميع الأشياء .........كلامى مش معناه أن الصينيون مش أصحاب صناعة و لكن ده شعب محترم جدا أستطاع أن يجد مفتاح أسمه أن فى فئه معينه عاوزه منتج رخيص فاننتجه......وإلا إشمعنا كا الحجات الصينى رخيصه ......بذمه ده مش مبدأ صناع واضح و الصينيون قادرون أنهم يجيبو مصمم عالمى و يستعينو بأحد شركات السيارات العالمية و يعملو عربيه هايلة بس ساعتها مش هاتكون رخيصه و لأنها صناعة صينية فا مش هاتبيع لأنى أوافق أبو نورا الوحد لما بيشترى سلعه غالية بيبص على تاريخ المصنع.........مش جنسية المصنع يعنى أنا مش هاشترى عربيه أمريكى و لا ألمانى ماركة جديدة غالية ....لكن هاشتريها لو غالية لو عارف التاريخ و تجارب المصنع المعروف فما بالك لو المصنع ليس له تاريخ أو خبرة و يشتهر بفوانيس رمضان ......................... .....العقل فين يا جماعة

أتوافق مع العديد أن الصينيون قادمون ولكن هذا لا يعنى الثقه فالمنتج الصينى ألا بعد تقديم المنتج بشكل الجودة المطلوب و رأئى أنه ليس هناك سيارة واحدة صينية الصنع بالسوق المصرى تستحق التقدسر على أى مستوى من المستويات اللهم إلا السعر المخفض....واللى هوا بيساوى أكيد خامة رخيصة يعنى خامة رديئة...وإلا كانت العربيه غاليه

ماس=1000
دهب=100
حديد=10
نحاس=1

مش كده ولا أية ولا فى حد ممكن يقول أن الماس=1 و الحيد فى نفس الوقت=1 ؟؟؟؟؟؟؟؟؟؟؟؟؟؟؟

ولو فى واحد يقدر يقول لى و لو ميزه واحد تضع الثقه فى السيارات الصينى يقول و أنا هاعرف أرد بشكل واقعى من تاريخ مشرف للصينى مع شلللللللللللللللله أصحاب أنكبت على الصينى و فالأخر عضو أصابع الندم من أول الموتور للعفشة للصاج ال 8 مم لنظام الكهرباء و أتزان السيارة و أمان السيارة .............من الأبرة للصاروخ..............صينى لأ لأ لأ ........وكل واحد ممكن يعرف قيمة الصينى كمان مش 5 سنين لكن سنتين على الأكثر.................إح نا بس وثقنا فيه عشان أبو الفتوح.........طب الرجل خرج من السجن و البى أم طارت منه و كل التوكيلات متخده هايعمل ايه لقى الصينى و معاه فلوس عمل بروباجنده و الزن على الودان أمر من السحر

[ابو جودة]

كلام منطقى جدا