|
|||||||
| الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
 |
|
|
أدوات الموضوع |
|
#1
29-05-2009, 01:45 PM
|
||||
|
||||
|
أدعو كافة الاعضاء للقراءة بعقلانية و دون هجوم بدون مبرر
فى هذه المشاركة أدعو كافة الأطراف للقراءة بعقلانية و دون هجوم بدون مبرر على صناعة السيارات الصينية •السيارات الصينية مثل أى سيارات فى العالم (مفاجأة مش كدة ) طب تعالى نشوف النقاط التالية و هى خلاصة كل نقاط هجوم الأعضاء على الصينى و بعدين أترك الحكم للأعضاء: 1-بعض الأخوة ينتقدوا تقليد السيارات الصينى لبعض الموديلات السابقة لسيارات أخرى !! لماذا لم تنتقدوا الأكسنت و الأكسيل عند بداية ظهورها و هى تقليد للهوندا سيفيك والأكورد دا حتى إسم هيونداى نفسه تقليد (يعتى الصينيين لم يصلوا لتقليد الإسم كمان) لماذا لم تنتقدوا ميكروباصات النيسان الجديدة والهيونداى و هى نسخة من التويوتا موديلات التسعيتيات 2-البعض ينتقد وجود أكثر من توكيل لنفس الشركة (مثل الشيرى) و يقولون أن ذلك لأجل المبيعات!! إخوان مقار هو توكيل الأوبل فكترا و منصور أوبل هو توكيل الأسترا (ولا تعلبق) 3-آخرين يقولون أن تقفبل الصينى أى كلام !! هل رأيتم السوزوكى سويفت (عند بداية نزولها) و دى يابانى و هل يعجبكم أوى تقفيل الشاهين والأكسنت المجمعة فى مصر (بصراحة بعض الصينى أنضف منهم وشوف تفقيل الشيرى مثلا) وهل تعلم أن أحد معارفى كان معاه دايهاتسو سيريون و مفتاح أتوماتيك الشباك باظ بعد 6 أشهر ولم يستطع التوكيل حل المشكلة لعدم توفر قطعة الغيار (هذا الموضوع بقاله 4 أشهر و مازال الشباك مفتوح) 4-بعض الناس يقولون أن معامل الأمان ضعيف فى الصينى!! هل رأيتم إختبارات الأمان فى الانوس 2002 و الفيرنا (وهى معروفة بإسم الأكسنت بالخارج) والأفيو 2005 5-مشكلة عدم توفر قطع الغيار!! العديد من الموديلات الأخرى بها نفس المشكلة مثل المازدا والانشيا والسيتروين و لكن ما يميز الصينى أن موديلاته هجين من عدة موديلات يعنى تقدر تولف عليه أى قطع غيار 6-الببعض ينتقد الصينى ويقول أن السيارات رقيقة و هشة !! هذه النقطة فى أغلب السيارات الحديثة و ذلك لأغراض تجارية ولزيادة سرعة السيارة مع تقليل قدرة المحرك وأعتقد أن الأكسنت والانوس و الكيا و حتى التويوتا ليست بها صاج 8 مم مثل الشيرى 7-النقطة الأخيرة وهى أن البعض يقول أن توكيلات الصينى فى مصر سيئة!! هذا العيب عندنا نحن وليس الصينين لهم ذنب فيه و على فكرة توكيل الدايهاتسو اليابانى و السيتروين الفرنسية من أسوأ التوكيلات فى مصر لعدم توفر أغلب قطع الغيار عندهم هذا هو ملخص إنتقادات الأعضاء و أعتقد أن النتيجة فى النهاية ( السيارات الصينية مثل أى سيارات فى العالم) وأنا أتقبل الردود من الأعضاء وياريت ننظر فى الجانب المشرق لهذه السيارات ذات الأسعار المناسبة منقول
__________________
 التعديل الأخير تم بواسطة oldman ; 29-05-2009 الساعة 01:47 PM 
|
|
#2
29-05-2009, 02:32 PM
|
|||
|
|||
رد: أدعو كافة الاعضاء للقراءة بعقلانية و دون هجوم بدون مبرر
موضوع جميل و شيق ... وان كان فتح باب في سور شائك لحقل الغام ...
اي عربيه في العالم هي عربيه ... المرسيدس عربيه - الهيونداي عربيه - الزستافا عربيه .. انما عربيه عن عربيه بتفرق ... انا حتكلم عن مصر ... اكيد العربيه السي كلاس ال 280 غير ال 180 .. الاولانيه ب 450 الف و التانيه ب 300 الف جنيه .. يعني فرق 150 الف جنيه يجيبو كورولا كامله !!!! الفرق ده بس في شركه مرسيدس في نفس الطراز ... السي كلاس ... وده معناه ايه .. معناه ان في فرق ... فرق موتور - تجهيزات - مواصفات - ..... لو قيسنا الكلام ده على اي عربيه تانيه حنعرف الفرق .... البولو هاتشباك اغلا من البولو سيدان الصيني .. طيب ايه الفرق بين اي عربيه و التانيه .... الجوده (التصنيع و التقفيل ) - نوعيه الخامات - اسعار الخامات و قطع الغيار - او ممكن نقول اختصارا تكلفه التشيغل و الانتاج ... بس النهارده تويوتا بتصنع في تايوان وجنوب افريقيا و فولكس في الصين و البرازيل و الارجنتين .... و غيرهم كتير بقى فيه معايير للجوده في التصنيع ... و شكرات عالميه بتصنع عربياتها في الصين .. و منهم فولفو رمز الامان ... ده معناه ايه ... ان الصين عندها امكانيات تصنيع عربيات بمعايير جوده عالميه و الا مكنتش بي ام و فولكس صنعوا عربيات في الصين .... لكن السؤال الاهم ... هل العربيات الصينيه التابعه لشركات صينيه بنفس جوده و كفاءه العربيات الصينيه التي تحمل شعار ماركات عالميه ... و سؤال خبيث شويه ... هل العربيات الصينيه التي تحمل شعار الشركات العالميه بنفس جوده و كفاءه العربيات الاصليه المصنعه في بلدها الاصلي ؟؟ اكيد فرق السعر ده مش اعتباط ... اكيد لما اشتري منتج بنفس مواصفات منتج تاني و بنص تمنه يبقى في فرق .. وابسط دليل .. بروتون الماليزي ... تقنيه لوتس الانجليزيه العريقه و تصميمات جميله و اداء مميز .... و سعر متوسط مقابل جوده خامات متوسطه و خامات مش اد كده ... اعتقد ان مشكله الصيني الحقيقيه انه بيقدم عربيه متكامله المواصفات بسعر زهيد نسبيا ... و دي تقلق كتير ... و تطرح سؤال خطير ... ازاااااااي ؟؟!!!!! الاجابه .... كله بتمنه .... او بالبلدي ... كل برغوت على اد دمه المرسيدس ليها تمنها ... التويوتا ليها تمنها .. هيونداي ليها تمنها ... و الصيني له تمنه ... اكيد سندوتش الفول غير سندوتش الكبده غير سندوتش الجمبري .... مع إن كله سندوتشات ... و كله بيشبع ... بس كل سندوتش و له تمنه.. و كل سندوتش له طعمه ... وكل سندوتش له مكوناته ... بس المهم النفس ptmnlo123per1127
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#4
29-05-2009, 03:27 PM
|
||||
|
||||
|
رد: أدعو كافة الاعضاء للقراءة بعقلانية و دون هجوم بدون مبرر
موضوع جميل جداا وياريت يوصل لكل واحد بيهاجم الصيني مثلا البي واي دي والجيلي mk والجيلي ck2 والاسبرانزا a516 والهايما الفاملي والبريميرا والبرليانس frv والبرليانس السبلندور كل العربيات دي 1600 سي سي ماعدا الجيلي ck2 هل في عربية من دول الفيرنا والانوس والافيو احسن منهم معتقدش نهائي مع ان السعر متقارب جدااا مثلا الانسر البومة دلوقتي السوبر اكشن ب106 الف والبرليانس اسبلندور ب106 الف طبعا اشتري البرليانس بدون كلام كفاية انها حاجة مختلفة وياريت اللي بيقول علي الصيني وحش يبص لسعرة وسعر اللي حوالية والفرق بينهم مش مهاجمة وخلاص
|
|
#5
29-05-2009, 03:38 PM
|
||||
|
||||
|
رد: أدعو كافة الاعضاء للقراءة بعقلانية و دون هجوم بدون مبرر
انا رأيي من رأي الباشمهندس سامح
و الخلاصه في الجمله دي:
استحاله مهما كان تكون جوده العربيات دي متساويه ابدا. لو متساويه كان الصينين زودوا سعرها ماهو مفيش حد ملاك و مافيش حد مش عاوز يكسب اكتر. انا عن نفسي بخاف اركب فلاشر اشارات صيني في عربيتي او كتاوت يبقي ازاي اشتري عربيه و اثق فيها و خصوصا ان العربيه مالهاش اي خلفيه في السوق. بالنسبه للخامات فيه فرق كبير جداااااااااااا عربيه زي السويفت اللي معايا و اهي سوزوكي تعتبر زباله الياباني مش شركه كبيره زي تويوتا و ميتسوبيشي مثلا ....التابلوه بتاعها من 93 لحد انهارده شكله جديد و مافيهوش خدوش و مقبض الفتيس و فرش الابواب و دراع فرامل اليد لسه شكله محترم و مع غسله نضيفه تلاقي الصالون جديد. تعالي لعربيه زي الاسبرانزا A516 كده و شوف عربيه بقالها سنتين و عامله 20 الف كيلو(تعتبر استعمال خفيف) بص كده علي عصايه الفتيس و دراع فرامل اليد و الجرايد اللي بره العربيه حتلاقيها مقشره!!!!! و نفس الحال مع البروتون اللي خامتها بتتبهدل بسرعه عن الاسبرانزا كمان . هيونداي اول ما ابتدت كانت بتستمد تكنولوجيا بتاعها من شركات كبيره زي ميتسوبيشي و الاكسيل عباره عن تصميم قديم للانسر(عيون صفيه) و هما طوروا فيه شويه لذلك طلعت عربيه كويسه و حموله مع التحفظ علي بعض الخامات الداخليه زي التابلوه(ماشوفتش عربيه اكسيل الا و التابلوه بتاعها مشقق من الشمس!!) لكن شاسيه و موتور و عفشه تمام . اللي عاوز اقوله ان الصيني يتقارن بالماليزي او اقارنه بنفسه يعني شيري و BYD و .....الخ الخ يعني الشركات الصيني اقارنها ببعضها الكوري لحد وقت قريب كان كده قبل ما يتقارن بالياباني حاليا و ان كان الياباني متفوق لكن بفرق بسيط حاليا عكس ما كان عليا في الماضي. الاوربي دا موال تاني و برضه متفوق في حاجات كتير يعني اعلي تكنولوجيا تنزل في الاوربي اولا لحد ما اليابانيين يقتبسوها و بعدين يشوفوا عيوبها اللي بتظهر في الاوربي اولا بالطبع و تقلل من اعتماديتها و بعدين يبدأو ينزلوها عربياتهم بعد التطوير. يعني مثلا لحد 2003 كانت اللانسر بتنزل كاربيراتير في الوقت ان نفس الفئه في السيارات الاوربي وليكن الريجاتا كانت بتنزل انجكشن من 84 !!!!!! و الاير باج و الABS و ESP و EPD و ASC+T الخ الخ كل دي حاجات اوربي و نزلت في عربيات اوربي قبل ما تاخد طريقها الي السيارات الاسيويه. و قبلهم التكييف و الباور و السنتر و الزجاج الكهربائي و كل الكلام القديم اللي بيعتبر اساسيات مش كماليات حاليا. فالمقارنه محسومه حاليا و حنفضل نتعامل مع الصيني زي ما كنا بنتعامل مع الياباني في اول السبعينات و الكوري في اول التمانينات لحد ما يثبت وجوده . لكن حياخد وقت علشان يثبت وجوده لان المنافسه بقت صعبه و صناعه السيارات نفسها بقت معقده بعد دخول الكهربا فيها بشكل كبير اصبحت اكثر تعقيدا . كان زمان يكفي انك تصمم شاسيه قوي و تحط موتور كويس و تظبط نسب ابعاد العربيه و شكل كويس يطلع ليك عربيه كويسه من غير مشاكل . لكن دلوقتي الموضوع اصعب لان ما عدش فيه سياره اسمها سياره قبيحه فبالتالي لازم تكون متميز في تصميمك و لازم الموتور بتاعك يخرج اقل انبعاثات مضره للبيئه و محركات تعمل بنظام الرشاشات و كونترول يونت و تعقيد فظيع دا غير عوامل السلامه و الامان الصارمه .فبالتالي الموضوع اصبح صعب جدا و لسه حنشوف بكره حيحصل فيه ايه  اسف علي الاطاله و شكرا اولد مان علي الموضوع
__________________
حـازم خـضـر
|
|
|
|
الاجابه .... كله بتمنه .... او بالبلدي ... كل برغوت على اد دمه 