شبيك لبيك ..... أوبل فيكترا بين إيديك

[mercedes]

السلام عليكم و رحمة الله و بركاته

انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة.

شكرا جزيلا و جزاكم الله كل خير

MERCEDES S430

[Hoooba90]

العربية دى هتجننى والله ........ ما شاء الله ... ربنا يبارك ل أصحبها ...

[ابراهيم أبوسيف]

المشاركة الأصلية كتبت بواسطة mercedes السلام عليكم و رحمة الله و بركاته انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة. شكرا جزيلا و جزاكم الله كل خير MERCEDES S430

بص ياباشا أنا والدي عنده أوبل فيكترا 2001 2000 سي سي أوتوماتيك فممكن أقولك شوية معلومات بناء على استخدامي الكتير ليها والتقيام بكل صياناتها
بالنسبة للثبات وأداء المحرك أقدر أقولك مثالي بمعنى الكلمة أنا كنت مسافر بيها رفح وماشي على 180 وأنا مش واخد بالي من ثباتها العالي جدا وعزلها القوي ده بالنسبة للمحرك
لكن في حاجة لازم تاخد بالك منها جدا وهى الحرارة حرارة الاوبل فيكترا الطبيعية مع التكييف هي 95 والحرارة الخطر 100 فزي ما انت شايف حد قليل جدا يعني عينك على عداد الحرارة زي عداد السرعة كل دقيقتين لأن الاوبل أسرع عربية تسخن بس لو دورة المياه مفيش فيها مشاكل والمراوح شغالة كويس مش بتسخن طبعا في الشتا هي مثالية جدا
بالنسبة لكفائة التكييف كويس قوي مع الصيانة
بالنسبة لقطع الغيار والصيانة يعني ممكن تكون غالية حبتين بس بيكون عندك خيارات كتير من جديد لاستيراد لماليزي لجنوب أفريقي وكل مكان ليه حجاته والصيانة التوكيل سفاح بس فيه ميكانيكية كتير للاوبل بس وأسعارهم كويسة وكفائتهم وأجهزتهم كويسة قوي لو محتاج حد فيهم قولي

[najd]

حراره الاوبل عاديه 90 ازاي 95 ف مصر مش عارف وانا ولا عمري بصيت ع الحراره والحمدلله كله تماام

[mercedes]

السلام عليكم و رحمة الله و بركاته

الف مليون شكر للسادة الأعضاء المحترمين اللى ردوا على فى المنتد الرائع الجميل ده.

أنا فعلا سمعت موضوع الحرارة ده من أكتر من واحد, بس فعلا كل الناس شكرولى فى العربية جدا و أنها عربية محترمة و نظيفة و ثابته, ألمانى بقه.

المهم دلوقتى أن الواحد يدور و يصبر لحد ما يقع على واحدة نظيفة لأن أنا عاوز 1600 مش 2000 .

يالله ربنا يقدم اللى فيه الخير.

MERCEDES S430