عاوز اشترى جيب شيروكى تنصحونى باية

[ahmed_eng2001]

المشاركة الأصلية كتبت بواسطة the joker بص ياباشا الشيروكى ال 4سلندر مايميزها توفيرها للبنزين مقارنة بال6 سلندر انا معايا شيروكى 4 سلندرالعربية ممتازة بس طبعا الافضل ال 6 سلندر قوة جبارة 195 حصان اما ال 4 سلندر 130 حصان وطبعا زى محضرتكم قلتم ان قطع غيار ال 4 سلندر اغلى من ال 6 سلندر دة صحيح وقطع غيار ال 6 متوفرة عن ال4 دة بردة صحيح بس فى المقابل هتوفر جامد فى البنزين وزى مقولت لحضرتك الشيروكى ال 4 سلندر بجد عربية ممتازة خد بالك منها ومن صيانتها بجد هتاخد منها احلى اداء ودة عن تجربة بس لو حضرتك ميفرقش معاك موضوع البنزين اركب 6 سلندر نرجع تانى لنقطة قطع الغيار صحيح هى غالية شوية بس استحالة تكون عائق امام شراء العربية وانزل حضرتك واسال وعلى فكرة قطع الغيار مش غالية زى مالناس فاكرة مقارنة بفئتها دة حتى اسعار قطع غيارها نزلت عن الاول وزى مالاخ الفاضل قال لحضرتك انة مينفعش تقارنها بفيرنا ولا بلانوس دية فئة ودية فئة الراحة طبعا للسيدان ومع كل الاحترام للعربيتين دية شيروكى اسطورة الدفع الرباعى وعامة ركوب ال 4×4 عامل زى ركوب الخيل مش مريح ولكنة غالى شوف حضرتك غرضك اية من العربية وعلى اساسها حدد نوعها واى استفسار انا تحت امرك

السلام عليكم
نحب نعرف من حضرتك .. هى الشيروكىفيها حساسات كتير ؟؟!! و هل الحساسات دى توقف العربية لو الحساسات دى باظت ؟؟
ممكن تقولنا عن بعض اسعار قطع الغيار ؟؟ انا سمعت من واحد صاحبى ان قطع الغيار الاصلية غالية حبتين و سمعت من واحد صاحبى تانى ان قطع غيارها مش غالية خالص

[حسام البورسعيدى]

والله نصيحة بلاش الشيروكى لانها حوت بنزين ومكلفة جدا ..

حتى لو 4 سلندر برضو بتاخد بنزين كتير اوى وكمان قطع غيارها غالية جدا ...

ومش اى حد بيفهم فيها اوى ...

ممكن تجيبها وتحولها غاز وساعتها هتحل مشكلة البنزين ...

لكن ارجع واقولك هات فيرنا او لانوس افضل بكتير فى العمليه والراحة والثبات وقطع الغيار والصيانة ...

وربنا يوفقك لما فيه خير ..

[the joker]

ياباشا الشيروكى فيها حساسات كتير اللى انا بسمعة ان اهم حساس هو حساس الكرنك لو باظ العربية متشتغلش وفى ناس بتقول ان اى حساس لو باظ العربية متشتغلش واللة اعلم فى النقطة دية
اما بالنسبة لقطع الغيار الاصلية اسمها موبار انا مقدرش افيدك اوى فى سعرها
يعنى الحاجة اللى جبتها كانت جوز مساعدين ودل بييعملوا من 300 _ 500 حسب النوع ودة من فترة كبيرة
سير الدينامو كان ب تقريبا ب195 ودة بردة من فترة فلتر زيت 30 جنية
الفانوس الخلفى عامل 50 جنية والامامى 25 جنية العادى والكريستال 35 جنية الواحد اما الجوز الاصليين بتوعها اللى بتنزل بيهم ب90 جنية بلمضهم
تيل الفرامل الصينى ب45 جنية والناس بتشكر فية والتايوانى 70 جنية
دة كلة اللى انا جبتة وسالت علية بس نصيحة منى انزل شارع شامبليون او الحرفيين واسال عن اسعار قطع الغيار وعلى فكرة نزلت عن الاول بس هى مشكلتها ان مش اى حد يفهم فيها عايزة ناس فهمة وشغالة فيها وبرضو العربية منتشرة بشكل ملحوظ عربية محترمة جدا وعايز اقول على حاجة الشيروكى بيمشى بقرش وب10 قروش وانت وميزانيتك لانك هتلاقى من كل حاجة الصينى والهندى والاصلى الموبار وعلى فكرة قطع غيار الشيروكى الموبار اللى هى الاصلى معمرة جدا جدا لان الاصلى اصلى
وقبل متعمل حضرتك اى حاجة اسال على قطع الغيار الاول زى مقولت لحضرتك
وزى مقال الاخ الفاضل العربيات السيدان فى الراحة تكسب

[ahmed_eng2001]

السلام عليكم
مشكور جدا على المعلومات دى , انا جربت اسوق عربية واحد صاحبى 6 سلندر , بسم الله ما شاء الله , سحبها كويس جدا و فيها حساس لقربة مياه المساحات !!!! و ميزتها انها ملمومة و شكلها حلو , بس مش عاجبنى ضيقها الواضح بالذات فى المقاعد الخلفية ولا انت ايه رايك ؟

[the joker]

المشاركة الأصلية كتبت بواسطة ahmed_eng2001 السلام عليكم مشكور جدا على المعلومات دى , انا جربت اسوق عربية واحد صاحبى 6 سلندر , بسم الله ما شاء الله , سحبها كويس جدا و فيها حساس لقربة مياه المساحات !!!! و ميزتها انها ملمومة و شكلها حلو , بس مش عاجبنى ضيقها الواضح بالذات فى المقاعد الخلفية ولا انت ايه رايك ؟

لا شكر على واجب ياباشا
هى فعلا ياباشا المقاعد الخلفية ضيقة شوية زى محضرتك قولت
واى استفسار انا تحت امرك