ممكن رأى الخبراء لزميل جديد هيونداى اكسيل

[Aymank2]

السلام عليكم معايا أكسل 1500 باور وتكييف موصفات خليجى مانيول كربراتير موديل95 وهى أول سياره ليا محتاج رد الخبراء فى الاستفسارات الاتيه.
1-العربيه كانت ماشيه كويس لحد مااستخدمت بنزين 80 اتلخبطت وكانت بتستهلك بنزين بالعبيط رجعت لل92 وظبط تاكيهات وغيرت فلتر بنزين الان استهلك العربيه 34لتر ل 300كيلو 50% داخل البلد هل الاستهلاك كويس.
2-فيه ترشيح زيت عند غطاء التاكيهات وبيرشح على غطاء سير الكاتينه ومهما غيرت الجوان الرشح موجود ومع ذلك الزيت زى الفل مبينقصش الميكانيكى قالى ده بخر من من الماكينه عادى هيا ممكن تكون محتاجه طقم شنبر مع انى لسه عاملها طقم شنبر مع العلم العربيه مبتدخنش وسحبها ممتاز.
3-العربيه بتسقف وترعش فى المطباط لازم اجيب اول وادوس بنزين جامد بعد المطب علشان متسقفش ده عادى.
4-بحط ميه خضراء للعربيه الراداتير ممتاز والعربيه مبتسخنش والحمد لله لكن بقالى كام يوم بلاقى بقعه ميه خطراء تحت العربيه ولاحظت ان ده بيحصل لما أدور العربيه وامشى بيها مشوار واقف ومبيحصلش والعربيه مركونه لفتره طويله وبارده ودتها لبتاع رداتير قالى مفيش اى حاجه بتجيب ميه والرداتير سليم والطرمبه وجميع المواسير سليمه مع ان العربيه بقت بتتزود ميه كل يوم بعد ماكانت كل أسبوع فى عز الحر دلوقتى فى الشتاء وبيحصل ده.
فيه فبره فوق الفتيس واصله بسلك الغيارات اتاكلت ومش لاقى بتاعت الاكسل خالص ممكن ايه يركب بدلها .
5-هل الشل الاصفر أحسن من موبل سوبر 1000 20-50 الى ب130ج وبغيره عند ال3000 والشل الصفر بيتغير كل كام كيلو.
6-ياترى بكام سعر الكابوت والرفرفين قدام الاستيراد وكم ثمن الجديد وهل الجديد أحسن ولا الاستيراد.
7-ماهو توقيتات تغير تيل الفرامل امامى وخلفى (ياريت ألاسعار) سير الكاتينه زيت الباور زيت الفرامل زيت الفتيس وهل زيت فتيس90هو الافضل ولا ال120 وهل كل دول بيتغير عند الميكانيكى.
8-الميكنيكى ظبت كهرباء العربيه من ساعتها ال RBM بيعلى ويوطى لوحده وكمان صوت الماتور يعنى بيطلع لحد الشرطه اللى قبل العلامه الاولى 8 وينزل ل6 و5
8-اخر سؤال بالنسبه لبليه الفتيس بتعمل صوت خشونه عالى اول مبدور الصبح بعد كده بيروح ده عادى ولا أغيرها وسعرها يا ريت وهو لاوم افك الفتيس .

[Aymank2]

السلام عليكم معايا أكسل 1500 باور وتكييف موصفات خليجى مانيول كربراتير موديل95 وهى أول سياره ليا محتاج رد الخبراء فى الاستفسارات الاتيه.
1-العربيه كانت ماشيه كويس لحد مااستخدمت بنزين 80 اتلخبطت وكانت بتستهلك بنزين بالعبيط رجعت لل92 وظبط تاكيهات وغيرت فلتر بنزين الان استهلك العربيه 34لتر ل 300كيلو 50% داخل البلد هل الاستهلاك كويس.
2-فيه ترشيح زيت عند غطاء التاكيهات وبيرشح على غطاء سير الكاتينه ومهما غيرت الجوان الرشح موجود ومع ذلك الزيت زى الفل مبينقصش الميكانيكى قالى ده بخر من من الماكينه عادى هيا ممكن تكون محتاجه طقم شنبر مع انى لسه عاملها طقم شنبر مع العلم العربيه مبتدخنش وسحبها ممتاز.
3-العربيه بتسقف وترعش فى المطباط لازم اجيب اول وادوس بنزين جامد بعد المطب علشان متسقفش ده عادى.
4-بحط ميه خضراء للعربيه الراداتير ممتاز والعربيه مبتسخنش والحمد لله لكن بقالى كام يوم بلاقى بقعه ميه خطراء تحت العربيه ولاحظت ان ده بيحصل لما أدور العربيه وامشى بيها مشوار واقف ومبيحصلش والعربيه مركونه لفتره طويله وبارده ودتها لبتاع رداتير قالى مفيش اى حاجه بتجيب ميه والرداتير سليم والطرمبه وجميع المواسير سليمه مع ان العربيه بقت بتتزود ميه كل يوم بعد ماكانت كل أسبوع فى عز الحر دلوقتى فى الشتاء وبيحصل ده.
فيه فبره فوق الفتيس واصله بسلك الغيارات اتاكلت ومش لاقى بتاعت الاكسل خالص ممكن ايه يركب بدلها .
5-هل الشل الاصفر أحسن من موبل سوبر 1000 20-50 الى ب130ج وبغيره عند ال3000 والشل الصفر بيتغير كل كام كيلو.
6-ياترى بكام سعر الكابوت والرفرفين قدام الاستيراد وكم ثمن الجديد وهل الجديد أحسن ولا الاستيراد.
7-ماهو توقيتات تغير تيل الفرامل امامى وخلفى (ياريت ألاسعار) سير الكاتينه زيت الباور زيت الفرامل زيت الفتيس وهل زيت فتيس90هو الافضل ولا ال120 وهل كل دول بيتغير عند الميكانيكى.
8-الميكنيكى ظبت كهرباء العربيه من ساعتها ال RBM بيعلى ويوطى لوحده وكمان صوت الماتور يعنى بيطلع لحد الشرطه اللى قبل العلامه الاولى 8 وينزل ل6 و5
8-اخر سؤال بالنسبه لبليه الفتيس بتعمل صوت خشونه عالى اول مبدور الصبح بعد كده بيروح ده عادى ولا أغيرها وسعرها يا ريت وهو لاوم افك الفتيس .

[احمد على 1999]

استهلك العربيه 34لتر ل 300كيلو 50% داخل البلد هل الاستهلاك كويس.

طبيعى

فيه ترشيح زيت عند غطاء التاكيهات

غير الجوان و حط معاه سيلكون حرارى رمادى الأمريكى الصنع

العربيه بتسقف وترعش فى المطباط لازم اجيب اول وادوس بنزين جامد بعد المطب علشان متسقفش ده عادى.

مش متخيل الوصف
قصدك بتسقف كانك حاطط 80 ؟
الرعشة قصدك لو طلعت على التانى ؟
على العموم جرب اظبط رجلاش الدبرياج يمكن محتاج يتعلى شوية

بحط ميه خضراء للعربيه الراداتير ممتاز والعربيه مبتسخنش والحمد لله لكن بقالى كام يوم بلاقى بقعه ميه خطراء تحت العربيه ولاحظت ان ده بيحصل لما أدور العربيه وامشى بيها مشوار واقف ومبيحصلش والعربيه مركونه لفتره طويله وبارده

هى مكنش فيها ميه خضرا و انت اللى غيرتها بميه خضرا ؟
لو نعم ............. نزل الميه الخضرا كلها و حط ميه مقطرة فقط
او ميه فلتر من بعد مرحلة لحاء الخشب مباشرة
( الميه الخضرا هى اللى ازالت الصدأ و كدا جدران الدورة حتنهار الميه الخضرا لازم تبقى كانت من اول ما العربية زيرو يبقى طول عمرها ميه خضرا و تتغير بميه خضرا)
اكشف على مضخة الميه و غطا الرادياتير
لو كله سليم ............ جيب علبة abro stop leak و حطها على الميه و هى سخنه و امشى مشوار

.
فيه فبره فوق الفتيس واصله بسلك الغيارات اتاكلت ومش لاقى بتاعت الاكسل خالص ممكن ايه يركب بدلها .

حتلاقى عند بتوع الاستعمال

هل الشل الاصفر أحسن من موبل سوبر 1000 20-50 الى ب130ج وبغيره عند ال3000 والشل الصفر بيتغير كل كام كيلو.

لا ادرى .......... لا بستخدم دا و لا دا و لا ناوى استخدمهم

ياترى بكام سعر الكابوت والرفرفين قدام الاستيراد وكم ثمن الجديد وهل الجديد أحسن ولا الاستيراد.

لا اعلم ......... بس خليك فى الاستيراد ارخص اكيد خاصة ان الحاجات ديى عرضة للتلف السريع

ماهو توقيتات تغير تيل الفرامل امامى وخلفى (ياريت ألاسعار)

حسب سواقتك .......... انا مثلا قى 292 الف كم غيرت امامى 3 مرات فقط و خلفى مرة واحدة فقط

سير الكاتينه زيت الباور زيت الفرامل زيت الفتيس وهل زيت فتيس90هو الافضل ولا ال120 وهل كل دول بيتغير عند الميكانيكى.

الكاتينة غيره فورا لو مش واثق فى ميعاد تغيرها السابق
الباور و الفرامل متغيرهمش
و الفتيس المفروض ميتغيرش برضه ........ بس اكشف على المستوى عند حد بيفهم و عنده بير او كوريك كبير اللى بيرفع العربية كلها
مواصفة الزيت المفروض من الكتالوج
طبعا ال 90 اخف بس ممكن يكون مش مناسب ليك
مش عارف

الميكنيكى ظبت كهرباء العربيه من ساعتها ال RBM بيعلى ويوطى لوحده وكمان صوت الماتور يعنى بيطلع لحد الشرطه اللى قبل العلامه الاولى 8 وينزل ل6 و5

لو قبل ما يظبطها كانت مظبوطة يبقى هو خربها هههههههه

اخر سؤال بالنسبه لبليه الفتيس بتعمل صوت خشونه عالى اول مبدور الصبح بعد كده بيروح ده عادى ولا أغيرها وسعرها يا ريت وهو لاوم افك الفتيس .

لو دوست دبرياج الصوت يروح ؟ و لا يزيد ؟
سواء بلية فورش او بلية دريك الاتنين حيحتاجو الفتيس ينزل
طالما الصوت بيروح بعد شوية يبقى طنش

[zing0]

كلامك فى تسقيف المطبات و رعشة الـ RPMبيأكد إن الكهربا عالية علشان كده العربية مش قابلة بنزين 80 و بتسقف, الكهربا لازم توطيها سنه علشان تتضبط.
أنا بصراحة مجربتش موبيل بس أعرف إن معدل البخر بتاعة عالى و ده الأفضل فى العربيات الحديثة
شل جربته, بس شل الأحمر... من رأيى أفضل إختيار للعربيات القديمة. و شل الأصفر أفضل من الأحمر طبعاً و بيقعد 5000 (من كلام موزع زيوت) بس الواقع إنه بيقعد لحد ما لونه يبقى أسود و لزوجته تروح, يعنى يقعد فى الشتا أكتر من الصيف , المهم تجيب زيت متعدد الدرجات 20-50.
زيت الفتيس الأفضل موبيل 140 (زيت تروس)
صوت البلية, زى مقالك البشمهندس أحمد ... طنش, بس إتأكد من إنه بلية الدبرياج مش الكاتينة أو سير الدينامو.
السيور و الفلاتر و البوجيهات, الأفضل تغييرها فى الحال لو متعرفش تايخ تغييرها من المالك السابق.
مياة الريداتير الخضراء. زى مقالك البشمهندس أحمد بالضبط, المياة الخضراء مضروبة اليومين دول. خليك فى المياة المقطرة أضمن.
أعانك الله

[Aymank2]

أشكرك أخى العزيز مهندس أحمد على اهتمامك ومساعده زملائك جعله الله فى ميزان حسناتك بالنسبه لردود حضرتك ممكن توضيح اكتر للنقاط الاتيه\
مش متخيل الوصف
قصدك بتسقف كانك حاطط 80 ؟الرعشة قصدك لو طلعت على التانى ؟
على العموم جرب اظبط رجلاش الدبرياج يمكن محتاج يتعلى شوية

بالظبط كده ده الوصف التمام بس مظنش انه من الدبرياج انى عليته ووطيته اكتر من مره.
لا ادرى .......... لا بستخدم دا و لا دا و لا ناوى استخدمهم
طيب حضرتك بتحط زيت ايه .
لو كله سليم ............ جيب علبة abro stop leak ]و حطها على الميه و هى سخنه و امشى مشوار
انا اصلا مغير الرداتير وجايب واحد استيراد فابريكه ومظبطه من اول الصيف وكمان بتاع الراداتير قالى ان التسريب مش من الرداتير هو انا ممكن لو لاقيت كله تمام بعد لما أوديها لميكانيكى اجيب علبه الابرو واحطها على الميه الخطراء ولا لازم ميه مقطره وكمان انا مش فاهم يعنى ايه مرحلة لحاء الخشب مباشرة

لو دوست دبرياج الصوت يروح ؟ و لا يزيد ؟
لما أدوس دبرياج الصوت بيروح.
بكرر شكرى لحضرتك جزاك الله خيرا.