|
#1
07-07-2013, 12:34 AM
|
||||
|
||||
فراخ كنتاكى لسفره رمضان بالصووور
  انا عملت امبارح الكنتاكى ده وجيت اوريهولكو ويارب يعجبكم اولا انا جيبت فرخه حوالى كيلو او كيلو وربع كده ودى اول تكه فى الكنتاكى بالطريقه دى ان الفراخ تكون صغيره عشان انا مش هسلقها ولا اى حاجه يعنى يادوب هتبلها ليله كامله بس فى التتبيله بتاعتها وبعدين هقليها فى زيت غزير وبس على كده فلازم تكون صغيره وكمان تقطعيها 12 او 13 قطعه زى ما انا عامله كده اهه  وبعدين هبتدى ادخل السكينه فى كل قطعه فيها كميه كبيره من اللحم زى الدبوس او الصفحه بالمنظر ده كده عشان الزيت يتخللها وتستوى من جوه كويس   وبعدين هنيجى بقى لاهم مرحله اللى هى تتبيل الفراخ دى انا جيبت كللللللللللللللل التوابل اللى موجوده عندى فى المطبخ وحطيتها اهم ملح وفلفل وتوم بودر وبصل بودر وكمون وكسبره ناشفه وكركم وكارى وقرفه وبهارات فراخ ومعلقه صلصه وخل ولمون وشطه ومعلقه كبيره سكر اهم  وده باقى المكونات  وبعدين حطيت التوابل دى كلها ع الفراخ وحطيت عليها حوالى لتر ميه  وده المنظر النهائى بعد ما حطيت الميه مع الفراخ والتوابل  ورجعت حطيت شرايح اللمون دى تانى وبعدين سيبتها فى التلاجه ليله كامله  جيت تانى يوم بقى خرجتها من التلاجه و جيبت كوبايه دقيق عادى + نص كوبايه دقيق دره وخلطهم على بعض  وحطيت عليهم نص معلقه من كل نوع من التوابل اللى فوق دى  اهه الفراخ بعد ما تبلتها بالدقيق   هنيجى بقى للحظه القلى انتى هتحطى الدقيق جنبك والميه اللى باتت فيها الفرخه فى التلاجه ماشى  والميه كمان اهه  وبعدين هتجيبى طاسه وتحطى فيها زيت غزيييييييير دى اهم نقطه وبعدين تاخدى الفراخ المتبله بالدقيق دى وترجعى تحطيها فى الميه تانى وتنزلى بيها فى الزيت وممكن تعملى الحركه بتاعه الميه والدقيق دى مرتين لو عايزه القشره اللى ع الفراخ تبقى اكبر فهمانى يعنى تحطيها فى ميه التتبيله وبعدين ترجعى تحطيها فى الدقيق تانى وبعدين فى ميه التتبيله تانى ويعدين تقومى نازله بالقطعه فى الطاسه وان شاء الله هتطلع معاكى ممتازه تانى اهم نقطه انك تسخنى الزيت كويس جداااااااااااا وبعدين تحطى الفراخ يادوب دقيقه كده فى الزيت المولع ده وبعدين توطى النار عشان الفراخ تستوى من جوه متنسيش انها فراخ نيه يعنى لا كانت مسلوقه قبل كده ولا واخده تشويحه ولا اى حاجه وده المنظر النهائى وبالهنا والشفا اسيبكم مع الصور     منقول 
|
|
#3
09-07-2013, 01:24 AM
|
||||
|
||||
رد: فراخ كنتاكى لسفره رمضان بالصووور
أحلى من كنتاكى كفاية إنك عاملها بإيدك
__________________
م . نبيل عبد الرحمن مصر موتورز الإسكندرية
|
|
#4
09-07-2013, 01:54 AM
|
||||
|
||||
|
رد: فراخ كنتاكى لسفره رمضان بالصووور
تسلم ايدك يا شيف يحيى
كل سنة وانت طيب رمضان كريم
__________________
|
|
#5
09-07-2013, 12:34 PM
|
||||
|
||||
رد: فراخ كنتاكى لسفره رمضان بالصووور
الكريسب مش لازق ف الفراخ وبعدين فين البيض
خلطة عك بس شكرا ليك لأنك نقلت الموضوع لكن ماحدش بيعمل الفراخ بالطريقة دى
|
 |
|
|
حبيبت قلبى سبيدر
